Daniel 11:3 - BAIBLO ALOO NGMAMI KLƆUKLƆU Ɔ

³ “Kɛkɛ ɔ, matsɛ katsɛ ko maa ba. E kɛ he wami nɛ nya wa maa ye tsɛ, nɛ nɔ́ nɛ e suɔ ɔ, lɔ ɔ e maa pee.

Daniel 11:3 ပူးပေါင်းရင်းမြစ်များ

Daniel 11:16

Siria matsɛ ɔ maa pee mɛ nɔ́ nɛ e suɔ, nɛ nɔ ko be nyɛe maa te si kɛ wo lɛ. E ma ya da si ngɛ zugba a nɛ a wo he si ɔ nɔ, nɛ zugba a tsuo maa pee e nɔ.

Daniel 11:36

“Siria matsɛ ɔ maa pee e suɔmi nya ní. E ma wo e he nɔ, nɛ e maa pee lɛ kaa e kle pe mawu ɔmɛ tsuo. Mawu Ope ɔ nitsɛ po, e maa tu musu munyuhi kɛ si lɛ hluu kɛ yaa si be nɛ Mawu maa gbla e tue. Ejakaa nɔ́ nɛ Mawu to kaa e maa pee ɔ, ja e pee.

Daniel 4:35

Nimli adesahi tsuo nɛ ngɛ je nɛ ɔ mi ɔ, a pi nɔ́ ko ngɛ Mawu hɛ mi. E ngɛ he wami ngɛ hiɔwe bɔfohi, kɛ nimli nɛ ngɛ je ɔ mi ɔ a nɔ. Nɔ ko nɔ ko be nyɛe maa tsi e nya. Nɔ ko nɔ ko be nyɛe ma bi lɛ ke, ‘Mɛni o ngɛ pee nɛ ɔ?’

Daniel 5:19

Bɔ nɛ e he wami ɔ kle ha a, je ma amɛ, kɛ nihi nɛ tuɔ gbi slɔɔtoslɔɔto ɔmɛ yeɔ lɛ gbeye; ke a nu e biɛ kɛkɛ sawale nu mɛ. Nɔ́ nɛ e suɔ ɔ, lɔ ɔ e peeɔ. Ke e to kaa e maa gbe nɔ ko ɔ, kɛkɛ e gbe lɛ; ke e to kaa e maa baa nɔ ko yi ɔ, e baa e yi. Ke e to kaa e ma wo nɔ ko nɔ ɔ, kɛkɛ e wo e nɔ; ke e de ke e maa ba nɔ ko si ɔ, kɛkɛ e pee ja.

Daniel 7:6

Benɛ i ngɛ nɔ́ nɛ ɔ hyɛe ɔ, lohwe kpa ko hu ba hia si. Lohwe nɛ ɔ lɛɛ e ngɛ kaa ngatsɛ, se pɛli eywiɛ ngɛ e se mi kaa lohwe pɛlitsɛ. E ngɛ yi eywiɛ, nɛ ke o hyɛ lɛ ɔ, e ngɛ kaa nɔ ko nɛ hɛɛ blɔ nya nguaa ko.

Daniel 8:21

To akpakpo ɔ daa si ha Hela matsɛ ɔ, nɛ koli agbo ɔ nɛ ngɛ e hɛngmɛ enyɔ ɔmɛ a kpɛti ɔ ji kekleekle matsɛ ɔ nɛ.

Efesobi 1:11

Nɔ́ nɛ Mawu suɔ kaa e maa pee, kɛ nɔ́ nɛ e to kaa e ba mi ɔ, lɔ ɔ e peeɔ. Mawu hla wɔ, konɛ wa ba pee lɛ nitsɛ e nihi, nɛ́ waa kɛ Kristo nɛ pee kake. Mawu suɔmi nya ní, kɛ yi mi nɛ e to kɛ je sisije tɔɔ ji nɛ ɔ nɛ.

Hebribi 2:4

Mawu nitsɛ pee okadi kɛ nyakpɛ ní slɔɔtohi babauu kɛ ye yi wami hemi nɛ ɔ he odase. Jehanɛ hu, e dla Mumi Klɔuklɔu nike ní ɔmɛ ngɔ ha kaa bɔ nɛ lɛ nitsɛ e suɔ kɛ ma nɔ mi.

Yakobo 1:18

Mawu gu sane kpakpa a nɔ kɛ ha wɔ mumi mi wami. Lɛ nitsɛ e suɔmi nya nɛ e pee enɛ ɔ. Ejakaa e suɔ kaa e pee wɔ nihi nɛ a he hia pe nibɔ ní ɔmɛ tsuo.