Daniel 11:29 - BAIBLO ALOO NGMAMI KLƆUKLƆU Ɔ

²⁹ “Pee se ɔ, e maa kpale ba tua Egipt ekohu. Se jehanɛ lɛɛ e be kunimi yee kaa kekle ɔ.

Daniel 11:29 ပူးပေါင်းရင်းမြစ်များ

Ni Tsumi 17:26

Sisije ɔ, nɔmlɔ kake Mawu bɔ, nɛ kikɛmɛ a nɔ kake nɛ ɔ mi je ɔ mi nimli adesahi tsuo je. Lɛ nitsɛ lɛ e ha nɛ a gbɛ fĩa je ɔ mi he tsuaa he. Be, kɛ he nɛ ní ɔmɛ maa hi, kɛ a huzu nya a, lɛ nitsɛ lɛ e to pɛpɛɛpɛ loko e bɔ je ɔ.

Daniel 11:25

“E maa pee nyumu, nɛ e kɛ tabo babauu ma ya tua Egipt. Egipt matsɛ ɔ hu ma bua tabo babauu nitsɛ a nya, nɛ e kɛ lɛ maa hwu. Se, nɔ se blɔ tsɔɔli komɛ maa so ngɔ wo Egipt matsɛ ɔ he, nɛ e be kunimi yee.

Daniel 11:23

E kɛ je ma kpahi maa pee huɛ, nɛ e maa sisi mɛ. Nihi bɔɔ pɛ ji ni nɛmɛ nɛ maa nyɛɛ e se; se e he wami maa hiɛ babauu.

Daniel 10:1

Benɛ Sirus ngɛ matsɛ yee ngɛ Persia a, jeha etɛne ɔ mi ɔ, Daniel ná sɛ gbi ko. Daniel biɛ kpa ji Belteshazar. Sɛ gbi nɛ ɔ kɔɔ sane yaya ko nɛ maa ba hwɔɔ se he; e kɔɔ ta ngua ko he. Nɛ a tsɔɔ lɛ sisi kɛ gu nina mi.

Daniel 8:19

E de mi ke, “Ke Mawu mi mi fu ɔ, nɔ́ nɛ maa nyɛɛ se ɔ, lɔ ɔ ma tsɔɔ mo nɛ ɔ nɛ. Nina a kɔɔ nyagbe be ɔ he.

Yesaya 14:31

Nyɛ Filisti ma amɛ tsuo, nyɛ kpa ngmlaa! Nyɛ tsuo nyɛ tsui nɛ po! Ejakaa la su ku ko je omleyi je kɛ ma. Tabo ko nɛ fɔ̃lɔ ko fɔ̃lɔ ko be mi nɛ ma a nɛ.

Galatabi 4:2

E jokuɛwi a si ɔ, nihi hyɛɛ e kɛ gbosi ní ɔ tsuo nɔ hluu kɛ ya siɔ be nɛ e tsɛ to ɔ loko a ngɔɔ ní ɔmɛ kɛ woɔ e dɛ.

Daniel 11:28

Siria matsɛ ɔ maa kpale kɛ ho lɛ nitsɛ e zugba nɔ ya kɛ ta yibu ní babauu ɔ nɛ e na a. E ma hla kaa e gu Mawu ma a a jami ɔ. E maa pee e suɔmi nya ní, nɛ lɔ ɔ se ɔ, e maa kpale kɛ ho lɛ nitsɛ e zugba nɔ ya.

Daniel 11:30

Roma ta lɛhi ma ba tua lɛ, nɛ e tsui maa po. “E kɛ mi mi la maa kpale e se, nɛ e ma hla kaa e gu Mawu ma a a jami ɔ. E maa bu nihi nɛ kua kikɛmɛ a jami ɔ a ga womi tue.