Daniel 11:27 - BAIBLO ALOO NGMAMI KLƆUKLƆU Ɔ

²⁷ Lɔ ɔ se ɔ, matsɛmɛ enyɔ nɛ ɔmɛ maa hi si ngɛ okplɔɔ kake he, nɛ a maa ye ní. A ma susu ní yayahi a he, nɛ a maa ye a sibi lakpa. Se nɔ́ nɛ a ngɛ hlae ɔ, a nine be nɔ sue; ejakaa be nɛ a to ɔ, be ɔ sui lolo.

Daniel 11:27 ပူးပေါင်းရင်းမြစ်များ

Samuel II, 13:26

Kɛkɛ nɛ Absalom de ke, “Ke o kplɛɛ we ɔ, lɛɛ i kpa mo pɛɛ nɛ o ha nɛ ye nyɛminyumu Amnon ba sɛ wɔ mɔ.” Matsɛ ɔ bi lɛ ke, “Mɛni he je o ngɛ Amnon hlae ɔ?”

La 12:2

Nɔ tsuaa nɔ ngɛ e nyɛmi lakpa yee. Nɔ tsuaa nɔ kɛ munyu ngɔngɔɛ ngɛ e nyɛmi sisie.

La 52:1

Mo katsɛ, o ngɛ dalɔ yayami pee nɛ o ngɛ fĩae. Mɛni he je? Mawu suɔmi ɔ ngɛ daa.

La 58:2

Dɛbi! Yayami nɛ nyɛ maa pee he nyɛ susuɔ, nɛ yi wu tso níhi nyɛ peeɔ ngɛ zugba a nɔ.

La 62:9

Nimli adesahi tsuo ngɛ kaa mumi nɛ a woɔ; nimli nguahi jio, nimli wawi jio, mɛ tsuo a pi nɔ́ ko kulaa. Ke a ngmɛ mɛ ngɛ sɛni mi ɔ, a ngɛ wojowojo kulaa, nɛ a jiimi sui mumi nɛ a woɔ.

La 64:6

A toɔ ga, konɛ a kɛ pee nɔ yayami, nɛ a deɔ ke, “Mɛnɔ ma nyɛ ma kpa wa ga nɛ ɔ si? Wa gbe nya! Wa to ga nɛ nɔ be!” Nɔmlɔ adesa yi mi, kɛ e tsui mi kuɔ!

Abɛ Womi 12:20

Nihi nɛ toɔ ga yayami ɔ, mɛ nitsɛmɛ a he lɛ a ngɛ sisie. Se nihi nɛ susuɔ nɔ́ kpakpa a, mɛɛ lɛɛ a ma na bua jɔmi.

Abɛ Womi 19:21

Nɔmlɔ adesa peeɔ e juɛmi ngɛ níhi babauu a he, se Yawɛ yi mi tomi ɔ pɛ lɛ baa mi.

Abɛ Womi 26:23

Ke nɔ ko nya mi munyu ngɔɔ, se e tsui mi lɛɛ e hí ɔ, e ngɛ kaa zu buɛ nɛ a kɛ sika hiɔ ha he.

Ezekiel 17:9

“Lɔ ɔ he ɔ, imi Nyɔmtsɛ Yawɛ i ngɛ bie ke tso nɛ ɔ yi ma na wami lo? Anɛ kekle kɔle ɔ be tso ɔ gblae nɛ e hia e sipoku tsuo kɛ fɔ he, nɛ e ku e kɔni ɔmɛ, konɛ a gbli lo? E yi mi ba amɛ tsuo ma gbli. Pi he wami tsɔ ko, loo nihi babauu nɛ a ma na loko a maa hia tso nɛ ɔ.

Daniel 10:1

Benɛ Sirus ngɛ matsɛ yee ngɛ Persia a, jeha etɛne ɔ mi ɔ, Daniel ná sɛ gbi ko. Daniel biɛ kpa ji Belteshazar. Sɛ gbi nɛ ɔ kɔɔ sane yaya ko nɛ maa ba hwɔɔ se he; e kɔɔ ta ngua ko he. Nɛ a tsɔɔ lɛ sisi kɛ gu nina mi.

Daniel 11:28

Siria matsɛ ɔ maa kpale kɛ ho lɛ nitsɛ e zugba nɔ ya kɛ ta yibu ní babauu ɔ nɛ e na a. E ma hla kaa e gu Mawu ma a a jami ɔ. E maa pee e suɔmi nya ní, nɛ lɔ ɔ se ɔ, e maa kpale kɛ ho lɛ nitsɛ e zugba nɔ ya.

Daniel 11:29

“Pee se ɔ, e maa kpale ba tua Egipt ekohu. Se jehanɛ lɛɛ e be kunimi yee kaa kekle ɔ.

Daniel 11:35

A maa gbe ní leli nɛ ɔmɛ a ti ni komɛ. Se se nami mohu maa je mi kɛ ba, ejakaa a maa tsukɔ ma a he. Nɔ́ nɛ ɔ maa ya nɔ hluu kɛ yaa si nyagbe be ɔ nɛ Mawu to ɔ maa ba.

Daniel 11:40

“Ke be nɛ Siria matsɛ ɔ nyagbe be ɔ su ta a, Egipt matsɛ ɔ ma ba tua lɛ. Se Siria matsɛ ɔ maa ngɔ ta zugba lɛhi, okpɔngɔhi, kɛ lɛhi babauu kɛ ba, nɛ e kɛ Egipt matsɛ ɔ ma ba hwu ta wawɛɛ nitsɛ. Kaa bɔ nɛ pa bee ɔ, ja nɛ e maa ngɔ zugba amɛ kakaaka.

Daniel 8:17

Kɛkɛ nɛ Gabriel ba da si ngɛ ye kasa nya. Benɛ e ba a, ye tsui po, nɛ i kɛ ye hɛ mi bu si. Gabriel de mi ke, “Nɔmlɔ adesa, na nɛ o le kaa nina a kɔɔ je mi nyagbe he.”

Daniel 8:19

E de mi ke, “Ke Mawu mi mi fu ɔ, nɔ́ nɛ maa nyɛɛ se ɔ, lɔ ɔ ma tsɔɔ mo nɛ ɔ nɛ. Nina a kɔɔ nyagbe be ɔ he.

Habakuk 2:3

Ngmaa kɛ to; ejakaa be nɛ a ma tsu nɔ́ nɛ ɔ sui lolo. Se kɛ̃ ɔ, be ɔ ma, nɛ e be kɛe, nɛ nɔ́ nɛ ma je ngɔ tsɔɔ mo ɔ maa ba mi kokooko. E maa pee kaa nɔ́ nɛ e ma blɛuu tsɔ, se kɛ̃ ɔ, hyɛ́ blɔ. Ejakaa e maa ba mi kokooko, nɛ e be kɛe.

Ni Tsumi 1:7

Yesu de mɛ ke, “Be nɛ ní nɛ ɔmɛ maa ba mi ɔ, Tsaatsɛ pɛ lɛ to, nɛ e pi nyɛ blɔ nya kaa nyɛ maa le;

Ni Tsumi 17:31

Ejakaa e to be pɔtɛɛ ko, nɛ e hla nɔ ko nɛ e maa gu e nɔ kɛ kojo je ɔ tsuo ngɛ dami sane yemi nya, ejakaa e tle jamɛ a nɔmlɔ ɔ si kɛ je gbeje kɛ ma enɛ ɔ nɔ mi.”

1 Tesalonikabi 5:1

Nyɛmimɛ, be tutuutu nɛ ní nɛ ɔmɛ maa ba mi ɔ, e hia we kaa waa ngma nyɛ.