Daniel 11:26 - BAIBLO ALOO NGMAMI KLƆUKLƆU Ɔ

²⁶ E ga woli kpakpahi tete ma ha nɛ e nane ma kpata. A maa gbe e ta buli ɔmɛ babauu, nɛ e tabo ɔ maa gbɛ fĩa.

Daniel 11:26 ပူးပေါင်းရင်းမြစ်များ

Matsɛmɛ II, 8:14

Hazael kpale e se kɛ ho e nyɔmtsɛ Benhadad ngɔ ya. E nyɔmtsɛ ɔ bi lɛ ke, “Kɛ Elisha de mo kɛɛ?” Hazael he nɔ ke, “E ke o ma na he wami.”

La 41:9

Ye huɛ nitsɛnitsɛ nɛ i heɔ lɛ yeɔ, nɛ i kɛ lɛ yeɔ ní ɔ, lɛ po e te si wo mi.

Daniel 11:10

“Siria matsɛ ɔ bimɛ ma dla kɛ ha ta, nɛ a ma bua tabohi babauu a nya. A maa hia kɛ ya tua a he nyɛli ɔmɛ a mɔ ɔ kaa pa nɛ hia kɛ bee.

Daniel 11:22

Nihi nɛ maa te si ngɔ wo lɛ ɔ, e ma kpata a hɛ mi, kɛ Mawu nitsɛ ganɔ nɔkɔtɔma pe kulaa a tsuo.

Daniel 11:40

“Ke be nɛ Siria matsɛ ɔ nyagbe be ɔ su ta a, Egipt matsɛ ɔ ma ba tua lɛ. Se Siria matsɛ ɔ maa ngɔ ta zugba lɛhi, okpɔngɔhi, kɛ lɛhi babauu kɛ ba, nɛ e kɛ Egipt matsɛ ɔ ma ba hwu ta wawɛɛ nitsɛ. Kaa bɔ nɛ pa bee ɔ, ja nɛ e maa ngɔ zugba amɛ kakaaka.

Mateo 26:23

Yesu he nɔ ke, “Nɔ nɛ maa tsɔɔ ye se blɔ ɔ, e kɛ mi ngɛ ní yee ngɛ kaa nɛ ɔ mi.

Marko 14:20

Yesu he nɔ ke, “Nyɛ ni nyɔngma kɛ enyɔ nɛ ɔmɛ nyɛ kpɛti nɔ kake; jamɛ a nɔ ɔ kɛ mi ngɛ ní yee ngɛ ka nɛ ɔ mi.

Yohane 13:18

“Pi nyɛ tsuo nyɛ he nɛ i ngɛ enɛ ɔ dee; ejakaa nihi nɛ i hla a, i le bɔ nɛ a ngɛ. Se e sa kaa ngmami ɔ nɛ deɔ ke, ‘Nɔmlɔ nɛ kɛ mi dla ye abolo ɔ te si ngɔ si mi,’ ɔ nɛ ba mi.