Daniel 11:24 - BAIBLO ALOO NGMAMI KLƆUKLƆU Ɔ

²⁴ E ma tua zugba ko nɛ ngɛ ní babauu be mi nɛ a hɛ be a he nɔ; nɛ nɔ́ nɛ e tsɛmɛ, kɛ e nɛmɛ po pee we hyɛ ɔ, lɛɛ e maa pee. Lɔ ɔ se ɔ, e maa dla ta yibu ní, kɛ weto ní nɛ e na ngɛ ta mi ɔ kɛ ha e we bi ɔmɛ. E maa to ga, nɛ e ma ya tua mɔhi, se nɔ́ nɛ ɔ se be kɛe.

Daniel 11:24 ပူးပေါင်းရင်းမြစ်များ

Mateo 9:4

Se Yesu na a juɛmi ɔ, nɛ e bi ke, “Mɛni he je nyɛ ngɛ ní yayahi susue ngɛ nyɛ tsui mi ɔ?

Daniel 7:25

E maa tu munyu ngɔ si Hiɔwe No ɔ, nɛ e maa wa ni klɔuklɔu ɔmɛ yi mi. E ma hla kaa e tsake a Mawu jami mlaa amɛ, kɛ a nyami be ɔmɛ; nɛ a maa ngɔ ni klɔuklɔu ɔmɛ kɛ wo e dɛ jeha etɛ kɛ fa.

Ezekiel 38:10

Bɔ nɛ Nyɔmtsɛ Yawɛ ngɛ Gog dee ji nɛ ɔ nɛ: “Ke jamɛ a be ɔ su ɔ, susumi slɔɔtoslɔɔtohi maa ba o yi mi, se ga yaya mohu o maa to.

Abɛ Womi 23:7

Jamɛatsɛ ɔ ngɛ kaa nɔ ko nɛ buɔ akɔtaa ngɛ e yi mi; e deɔ mo ke, “Ye ní, nuu ní”; se anɔkuale mi ɔ, e tsui be o he.

Abɛ Womi 19:6

Nɔ nɛ mi mi jɔ ɔ, nihi fuu kɛ lɛ bɔɔ; nɔ nɛ bɔleɔ e nine ɔ, nɔ tsuaa nɔ huɛ ji lɛ.

Abɛ Womi 17:8

Nyɔ mi ní halɔ susuɔ kaa e ma nyɛ nɛ e kɛ nyɔ mi ní ma tsu nɔ́ tsuaa nɔ́ bɔ nɛ e suɔ, kaa nɔ́ nɛ tɛ nɛ a kɛ tsuɔ nyakpɛ ní lɛ e hɛɛ ngɛ e dɛ mi.

Nehemia 9:25

A ngɔ ma nguahi nɛ a fia gbogbo ngɔ wo a he ɔ zugba nɛ baa ní, kɛ wehi nɛ hyi tɔ kɛ ní kpakpahi tsuo; a ngɔ nyu vuhi nɛ a tsua momo, oliv tsohi, tsohi nɛ woɔ yiblii, kɛ wai ngmɔhi. A ye ní ɔmɛ nyamanyama; a tɔ nɛ a plɔke. Ní kpakpa amɛ nɛ o ha mɛ ɔ, a nya he.

Manyadali 9:4

A ha lɛ sika hiɔ yi nyingmi kpaago kɛ je Baal Berit jami he ɔ, nɛ Abimelek ngɔ sika a kɛ ya bɔ yakayaka nimli komɛ apaa kɛ ba nyɛɛ e se.

Mose IV, 13:20

Nyɛɛ hyɛ kaa zugba a baa ní, loo e bɛ ní, kaa tsohi ngɛ nɔ, loo tsohi be nɔ. Nyɛɛ bɔ mɔde nɛ nyɛɛ ngɔ zugba a nɔ tso yiblii komɛ kɛ ba.” Jamɛ a be ɔ ji kekleekle wai yiblii fumi be.

Ezekiel 34:14

Ma ha nɛ a maa ye ní ngɛ tue mi jɔmi mi ngɛ yo ɔmɛ a nɔ, kɔ̃ ɔmɛ a mi, kɛ hehi tsuo nɛ nga mumu ngɛ ngɛ Israel zugba a nɔ.

Daniel 11:23

E kɛ je ma kpahi maa pee huɛ, nɛ e maa sisi mɛ. Nihi bɔɔ pɛ ji ni nɛmɛ nɛ maa nyɛɛ e se; se e he wami maa hiɛ babauu.