Daniel 11:21 - BAIBLO ALOO NGMAMI KLƆUKLƆU Ɔ

²¹ Bɔfo ɔ ya nɔ nɛ e de ke, “Nɔ nɛ ma ba ye tsɛ ngɛ e se ɔ maa pee nɔ ko nɛ bu be e he, nɛ́ e sɛ́ kaa e yeɔ matsɛ. Nɔmlɔ nɛ ɔ maa ba tlukaa, nɛ e kɛ sisimi, kɛ nya mi ngɔngɔɛ munyu tumi ma kpɔ matsɛ yemi ɔ.

Daniel 11:21 ပူးပေါင်းရင်းမြစ်များ

La 15:4

Nɔ nɛ tuɔ munyu kɛ siɔ yayami peeli, nɛ e woɔ nihi nɛ yeɔ Yawɛ gbeye ɔ a hɛ mi nyami. Nɔ nɛ ke e ka kita, nɛ e kpale we e nya se, ke ji kaa lɔ ɔ maa pee haomi ha lɛ po.

La 55:21

E tuɔ munyu dɔkɔbii, se ta mohu he e ngɛ susue. E munyuhi a he jɔ bɔdɔɔ pe nu po, se afani klaatehi nɛ a hia kɛ je kpo mi.

Yesaya 32:5

A be kuasia hɛ mi nyami woe hu, nɛ nɔ sisilɔ ɔ, a be lɛ tsɛe ke anɔkualetsɛ hu.

Daniel 11:20

“Matsɛ kpa maa ba ngɛ e se. Matsɛ nɛ ɔ maa tsɔ kɛ ba tsu tó pani nya ngɛ ma a dɛ. E maa pee nɔ́ nɛ ɔ, konɛ e na ní babauu. Se be bɔɔ se ɔ, matsɛ nɛ ɔ ma gbo tlukaa nɛ a be lee nɔ́ nɛ gbe lɛ; nɛ pohu pi ta nga nɔ nɛ e ma gbo ngɛ.”

Daniel 11:32

Matsɛ ɔ kɛ nya mi ngɔngɔɛ munyu tumi ma puɛ nihi nɛ kua a jami ɔ a juɛmi, nɛ a ma ba nyɛɛ e se. Se ni nɛmɛ nɛ nyɛɛ Mawu se anɔkuale mi ɔ maa da si kpɛii, nɛ a kɛ mɛ maa to ní.

Daniel 11:34

Be mi nɛ a ngɛ Mawu ma mi bi ɔmɛ gbee ɔ, ni komɛ ma ba je ngmlaa ha mɛ kɛ̃. Se ngmlaa jeli nɛ ɔmɛ a ti nihi babauu maa ba ngɛ mɛ nitsɛmɛ a se nami he.

Daniel 11:7

Pee se ɔ, yo ɔ weku no ko ma ba ye matsɛ. E ma tua Siria matsɛ ɔ tabo ɔ, nɛ e maa sɛ a mɔ ɔ mi, nɛ e maa ye a nɔ.

Daniel 4:17

Mawu bɔfo ɔmɛ nɛ a nɔ tsɔ, nɛ a hɛngmɛhi ngɛ si poe ɔ, bɔ nɛ a de ji nɛ ɔ nɛ. Lɔ ɔ he ɔ, nihi tsuo pɛpɛɛpɛ nɛ a na nɛ a le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ, nɔmlɔ ngua jio, nɔmlɔ wayo jio.’

Daniel 7:8

Benɛ i ngɛ koli ɔmɛ hyɛe kɛ mwɔɔ ɔ, tlukaa a, koli wayo ko ba hia kpo ngɛ koli ɔmɛ a kpɛti. Koli wayo nɛ ɔ hia kolihi nɛ ngɛ lejɛ ɔ momo ɔ etɛ kɛ pue si. Nɔmlɔ adesa hɛngmɛhi ngɛ koli wayo nɛ ɔ he, kɛ nya hu nɛ ngɛ munyu tue putɛputɛɛ.

Daniel 8:23

“Ke matsɛ yemi nɛ ɔmɛ a nyagbe be ɔ su ta, nɛ a yayami ɔ mi ba wa bɔ nɛ e sa kaa a gbla a tue ɔ, matsɛ ko ma ba te si. Matsɛ nɛ ɔ maa pee yiwutsotsɛ kɛ nɔ sisilɔ nɛ maa wa tue.

Daniel 8:25

E maa to ga kɛ sisi nihi babauu. E ma wo e he nɔ, nɛ e ma kpata nihi babauu a hɛ mi be mi nɛ a hɛ be a he nɔ. Ganɔhi a ganɔ ɔ nitsɛ po, e maa te si ngɔ wo lɛ. Se a ma kpata e hɛ mi; nɛ tsa pi nɔmlɔ adesa he wami nɛ ma tsu nɔ́ nɛ ɔ.

Daniel 8:9

Koli nyafii ko puɛ kɛ je koli eywiɛ ɔmɛ a ti kake mi. E he wami ɔ ya su leneyi je, kɛ beleku je, kɛ zugba a nɛ a wo he si ɔ nɔ.

Nahum 1:14

Kita nɛ Yawɛ ka ngɛ Asiria bi ɔmɛ a he ji nɛ ɔ nɛ: “A nina ko be si hie; a biɛ maa laa. Ma poo amaga amɛ nɛ ngɛ a wɔ piɛ ɔmɛ a mi ɔ ngɔ pue he. I ngɛ yɔkɔ tsuae ngɔ to Asiria bi ɔmɛ, ejakaa e sɛ kaa a hi je mi!”

Samuel I, 3:13

I de lɛ momo ke ma gbla e we ɔ tue kɛ maa ya neneene, ejakaa e le kaa e bimɛ ɔmɛ ngɛ musu bɔe kɛ ngɛ Mawu sie, se e kua we nɔ́ ha mɛ.