Daniel 11:2 - BAIBLO ALOO NGMAMI KLƆUKLƆU Ɔ

² Jehanɛ, nɔ́ nɛ ma de mo nɛ ɔ, e ji anɔkuale.” Bɔfo ɔ de ke, “Matsɛmɛ kpahi etɛ ma ba ye Persia nɔ. A se ɔ, matsɛ eywiɛne maa ba, nɛ lɛɛ e ma na ní babauu pe mɛ tsuo kulaa. Nɛ ke be nɛ e ní nami ɔ ba ha nɛ e he wami ba he si ɔ, e maa te si kɛ wo Hela matsɛ yemi ɔ.

Daniel 11:2 ပူးပေါင်းရင်းမြစ်များ

Ezra 4:24

Lɔ ɔ he ɔ, Mawu we ɔ nɛ ngɛ Yerusalem he ní tsumi ɔ tlɔ fã jã hluu kɛ ya su Persia matsɛ, Darius yi nɔ jeha enyɔne ɔ.

Ezra 4:7

Benɛ Persia matsɛ, Artaherhes ngɛ tsɛ yee ɔ hu Bishlam, Mitredat, kɛ Tabeel kɛ a huɛmɛ ɔmɛ nɛ piɛ ɔ, ngma womi kɛ ya ha matsɛ ɔ. A ngma ngɛ Aram gbi mi, nɛ a tsɔɔ sisi ha matsɛ ɔ.

Ester 1:1

Be ko ɔ, Persia matsɛ ko nɛ a tsɛɛ lɛ Ahasuerus ɔ ba ye tsɛ. E matsɛ ma biɛ ji Susa. Matsɛ nɛ ɔ ye ma 127 sɔuu a nɔ kɛ je India kɛ ya su Sudan tɔɔ.

Abɛ Womi 22:21

konɛ o le nɔ́ nɛ ji anɔkuale tutuutu. Kɛkɛ ɔ, ke a tsɔ mo ɔ, o ma na heto kpakpa ba ha nɔ nɛ tsɔ mo ɔ.

Daniel 10:1

Benɛ Sirus ngɛ matsɛ yee ngɛ Persia a, jeha etɛne ɔ mi ɔ, Daniel ná sɛ gbi ko. Daniel biɛ kpa ji Belteshazar. Sɛ gbi nɛ ɔ kɔɔ sane yaya ko nɛ maa ba hwɔɔ se he; e kɔɔ ta ngua ko he. Nɛ a tsɔɔ lɛ sisi kɛ gu nina mi.

Daniel 11:25

“E maa pee nyumu, nɛ e kɛ tabo babauu ma ya tua Egipt. Egipt matsɛ ɔ hu ma bua tabo babauu nitsɛ a nya, nɛ e kɛ lɛ maa hwu. Se, nɔ se blɔ tsɔɔli komɛ maa so ngɔ wo Egipt matsɛ ɔ he, nɛ e be kunimi yee.

Daniel 7:5

Lohwe enyɔne ɔ ngɛ kaa osisiblisi nɛ daa si ngɛ e se nane enyɔ ɔmɛ a nɔ. Kasa wu etɛ ngɛ e lungu kpɛ ngɛ e nya mi. Kɛkɛ nɛ gbi ko de lɛ ke, “Tee si, nɛ o ye lo bɔ nɛ o ma nyɛ!”

Daniel 8:21

To akpakpo ɔ daa si ha Hela matsɛ ɔ, nɛ koli agbo ɔ nɛ ngɛ e hɛngmɛ enyɔ ɔmɛ a kpɛti ɔ ji kekleekle matsɛ ɔ nɛ.

Daniel 8:26

Nina a nɛ kɔɔ gbɔkuɛ kɛ mɔtu bɔ sami ɔmɛ a he nɛ a tsɔɔ mo sisi ɔ maa ba mi. Se amlɔ nɛ ɔ, ngɔɔ kɛ to o yi mi; ejakaa e maa ye be saii loko e maa ba mi.”

Daniel 8:4

I na nɛ agbosu ɔ ngɔ e koli ɔmɛ kɛ ngɛ lohwehi hɛɛe ngɛ e blɔ mi, kɛ je bonyoku, omleyi, kɛ leneyi je. Lohwe ko lohwe ko nyɛ we lɛ, loo e kpɔ e he kɛ je e dɛ mi. Agbosu ɔ bui nɔ́ ko nɔ́ ko; nɔ́ nɛ e suɔ nɛ e peeɔ.

Amos 3:7

Anɛ Nyɔmtsɛ Mawu pee nɔ́ ko hyɛ nɛ e ha we nɛ e tsɔli ɔmɛ, nɛ ji gbali ɔmɛ nɛ a le lo? Dɛbi!

Yohane 10:35

Wa le kaa nɔ nɛ ngmami ɔ deɔ ɔ, anɔkuale sisiisi nɛ́ ngɛ kɛ yaa neneene. Nimli adesahi nɛ Mawu tsɔ nɛ a ngɔ e sɛ gbi ɔ ba ha mɛ ɔ po Mawu tsɛ mɛ ke mawuhi.

Kpojemi 21:5

Kɛkɛ nɛ nɔ nɛ hii si ngɛ matsɛ sɛ ɔ nɔ ɔ de ke, “Hyɛ, i ngɛ níhi tsuo pee ehe!” E de imi hulɔ ke, “Ngmaa enɛ ɔ, ejakaa anɔkuale munyu nɛ sa kaa a he ye ji nɛ ɔ nɛ.”