Daniel 11:19 - BAIBLO ALOO NGMAMI KLƆUKLƆU Ɔ

¹⁹ E ma pue blɔ kɛ ya e mɔ ɔ mi ngɛ lɛ nitsɛ e zugba nɔ. Se haomi maa ba e nɔ ngɛ lejɛ ɔ, nɛ a be lɛ nae hu.

Daniel 11:19 ပူးပေါင်းရင်းမြစ်များ

Hiob 20:8

E maa laa kaa nlami, aloo nina nɛ a na nyɔ mi; nɛ nɔ ko be lɛ nae hu.

Hiob 34:24

E jeɔ nimli nguahi kɛ jeɔ a blɔ hehi, nɛ e ngɔɔ ni kpahi kɛ daa a nane mi; e hia we kaa e hla a sane ɔmɛ a mi.

La 27:2

Ke ye he nyɛli, yayami peeli ba tua mi nɛ́ a gbe mi ɔ, a ma tɛ nɔ, nɛ a maa nɔɔ si.

La 37:35

Yiwutsotsɛ kpanaku ko hi si; i le lɛ. E nɔ kuɔ kaa Lebanon seda tso.

La 37:36

Be ko se ɔ, i ya gu he nɛ e hii ɔ, se e be lejɛ ɔ. I hla lɛ, se i nɛ lɛ.

Yesaya 24:20

E maa hi kpae kɛ hi yae kɛ hi bae kaa dã tɔlɔ, aloo ngmɔ si tsu nɛ kɔɔhiɔ sɛ mi. Yayamihi nɛ je ɔ tloo ɔ ngɛ lɛ gbee; ke e hule pue si ɔ, e be si tee gblegbleegble hu.

Yeremia 46:6

Nihi nɛ a he sɔɔ wawɛɛ po, a he be mi jee; ta buli kpanakpanaa amɛ hu, ja nɔuu. A ma tɛ nɔ́, nɛ a maa nɔɔ si ngɛ omleyi je, ngɛ Yufrate pa a nya.

Ezekiel 26:21

Ma ha o nyagbe maa pee gbeye; o be je mi hie hu. Ke a bi o si ɔ, a be mo nae; o maa laa gbidii kɛ yaa neneene.” Nyɔmtsɛ Yawɛ lɛ de.

Daniel 11:7

Pee se ɔ, yo ɔ weku no ko ma ba ye matsɛ. E ma tua Siria matsɛ ɔ tabo ɔ, nɛ e maa sɛ a mɔ ɔ mi, nɛ e maa ye a nɔ.