Daniel 11:17 - BAIBLO ALOO NGMAMI KLƆUKLƆU Ɔ

¹⁷ “Siria matsɛ ɔ maa to ga bɔ nɛ pee nɛ e nine nɛ su Egipt tsuo nɔ. Lɛ hu e kɛ Egipt matsɛ ɔ maa pee huɛ, nɛ e kɛ e biyo ma ha lɛ. Nɛ yi mi yaya nɛ e to ngɔ wo Egipt matsɛ ɔ he ɔ, e maa gu e biyo nɛ ɔ nɔ kɛ tsu he ní. Se e yi mi tomi ɔ maa pee yaka.

Daniel 11:17 ပူးပေါင်းရင်းမြစ်များ

Ezekiel 4:7

“Ngɔɔ o hɛ mi kɛ ka Yerusalem ma a nɛ a sa yi ɔ. Je o nine kɛ tsɔɔ ma a. Gbaa kɛ si ma a.

Ezekiel 4:3

Ngɔɔ dade pɛtɛɛ ko nɛ o kɛ pee dade gbogbo ngɛ o kɛ ma a nyɛ kpɛti. Lɔ ɔ se ɔ, plɛ o hɛ mi kɛ kpee ma a. A sa ma a yi! Mo ji nɔ nɛ sa ma a yi ɔ nɛ. Enɛ ɔ maa pee okadi kɛ ha Israel ma a.

Matsɛmɛ II, 12:17

Jamɛ a be ɔ, Siria matsɛ, Hazael ya tua Gat, nɛ e ngɔ ma a; nɛ e to e yi mi kaa e ma ya tua Yerusalem hulɔ.

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

Luka 11:23

“Nɔ tsuaa nɔ nɛ be ye blɔ fa mi ɔ, e kɛ mi na; nɔ nɛ piɛ we ye he kɛ bua we nya a, e ngɛ gbɛe kɛ ngɛ fĩae.

Luka 9:51

Benɛ be ɔ nɛ a maa ngɔ Yesu kɛ je je nɛ ɔ mi kɛ ya hiɔwe ɔ su ta a, e muɔ e yi mi kpɔ kaa e maa ya Yerusalem.

Mateo 12:30

“Nɔ nɛ be ye blɔ fa mi ɔ, e te si ngɔ wo mi, ne nɔ nɛ kɛ mi bua we nɔ́ nya a, e ngɛ gbɛe kɛ ngɛ fĩae.

Daniel 11:19

E ma pue blɔ kɛ ya e mɔ ɔ mi ngɛ lɛ nitsɛ e zugba nɔ. Se haomi maa ba e nɔ ngɛ lejɛ ɔ, nɛ a be lɛ nae hu.

Daniel 9:26

Jeha lafa kɛ nyingmi etɛ kɛ eywiɛ se ɔ, a maa gbe hɛ mi nyɛɛlɔ ɔ nɛ Mawu hla a yaka gu. Lɔ ɔ se ɔ, ganɔ ngua ko ma ba tua Yerusalem, nɛ e tabo ɔ ma kpata ma a, kɛ Yawɛ we ɔ a hɛ mi. Nyagbe ɔ maa ba kaa nyu kpekpemi, nɛ ta kɛ hɛ mi kpatami nɛ Mawu de to ɔ maa nyɛɛ se.

Ezekiel 25:2

E ke, “Nɔmlɔ adesa, plɛ o hɛ mi kɛ kpee Amon bi ɔmɛ, nɛ o de mɛ ke a ma kpata a hɛ mi.

Ezekiel 17:17

Ke e ba mi kaa Babilonia bi ɔmɛ fia kpokuhi, nɛ a ma mɔhi, konɛ a kɛ kpata nihi babauu a hɛ mi tete po, Egipt matsɛ ɔ kɛ e ta babauu ɔ be he nɔ́ ko nyɛe maa pee ha lɛ.

Abɛ Womi 19:21

Nɔmlɔ adesa peeɔ e juɛmi ngɛ níhi babauu a he, se Yawɛ yi mi tomi ɔ pɛ lɛ baa mi.

La 56:9

Ligbi ɔ nɛ ma fa kue ha mo pɛ ye he nyɛli ɔmɛ maa kpale a se. I le kaa Mawu kɛ mi ngɛ.

Kronika II, 20:3

Yehoshafat tsui po, nɛ e fa kue ha Yawɛ, nɛ e bi lɛ ga womi. Yehoshafat ha nɛ a fiɛ ke nɔ tsuaa nɔ nɛ ha hwɔ ngɛ Yuda zugba a nɔ tsuo.

Habakuk 1:9

“A tabo ɔmɛ kɛ yi wu tso hiaa ta kɛ ya tuaa a he nyɛli. Ke a ma kikɛ nɛ ɔ, a he sawale nuɔ ni ɔmɛ tsuo. Nihi nɛ a nuu mɛ nyɔguɛ ɔ a he hiɛ babauu kaa zia.