Daniel 11:14 - BAIBLO ALOO NGMAMI KLƆUKLƆU Ɔ

¹⁴ Jamɛ a be ɔ mi ɔ, nihi babauu maa te si kɛ wo Egipt matsɛ ɔ. Mo nitsɛ o ma mi bi atuã tsɔli komɛ hu ma tsɔ atuã ngɛ nina ko nɛ a na a he. Se a maa ye a nɔ.

Daniel 11:14 ပူးပေါင်းရင်းမြစ်များ

Daniel 11:13

“Siria matsɛ ɔ maa kpale e se; nɛ e ma ya bua tabohi babauu nɛ a hiɛ pe kekle ni ɔmɛ a nya. Jeha komɛ a se ɔ, Siria matsɛ ɔ maa kpale ba kɛ ta buli babauu nɛ a he hiɛ pe kekle ni ɔmɛ po. A kɛ ta níhi babauu hu maa ba.

Daniel 11:15

Jehanɛ, Siria matsɛ ɔ ma ba sa ma ko nɛ a fia gbogbo ngɔ wo he ɔ yi, nɛ e maa ngɔ ma a. Egipt tabo ɔmɛ be nya nyɛe maa da; a ta buli kpakpa amɛ po a he wami maa ta.

Kpojemi 17:17

Matsɛmɛ nyɔngma amɛ nɛ a maa pee enɛ ɔ, ejakaa Mawu ha nɛ a to a yi mi kaa a pee nɔ́ nɛ e to kaa a pee ɔ. Lɔ ɔ he ɔ, mɛ tsuo a maa kplɛɛ kaa a maa ngɔ a tsɛ yemi blɔ nya a kɛ ha lohwe awi yelɔ ɔ kɛ yaa si yi mi nɛ Mawu to ɔ maa ba mi.