Daniel 10:6 - BAIBLO ALOO NGMAMI KLƆUKLƆU Ɔ

⁶ E nɔmlɔ tso ɔ ngɛ kpɛe kaa tɛ nɛ he jua wa. E hɛ mi ngɛ kpɛe kaa oslabai nɛ gba, nɛ e hɛngmɛhi ngɛ kaa jatɛ nɛ a su. E kɔnihi kɛ e nanehi ngɛ kpɛe kaa akɔblee nɛ a sa he, nɛ e gbi ngɛ kaa nimli babauu a gbi.

Daniel 10:6 ပူးပေါင်းရင်းမြစ်များ

Kpojemi 19:12

E hɛngmɛ ngɛ kaa la lilɛ, nɛ jlasi babauu fi e yi. A ngma biɛ ko ngɛ e nɔmlɔ tso ɔ he ko; se nɔ ko nɔ ko li nɔ́ nɛ ji, ja lɛ pɛ.

Mateo 17:2

Benɛ a ngɛ lɛ hyɛe ɔ, e nɔmlɔ tso su tsake; e hɛ mi ngɛ kpɛe kaa pu, nɛ e tade ɔmɛ hiɛ futaa.

Ezekiel 10:9

I na tlɔɔke nane eywiɛ nɛ je a sibi ngɛ kerub ɔmɛ a he kakaaka. Tlɔɔke nane ɔmɛ ngɛ kpɛe saminya kaa tɛ nɛ hɛɛ sika tsu su. Bɔ nɛ a pee mɛ ɔ, nane kpa bɛle si ngɛ eko tsuaa eko mi; kpo nɔ je nɔ́ ɔ yaa hɛ mi kɛ se; nɛ mi mi je nɔ́ ɔ hu yaa hiɔ nɔ kɛ muɔ nɔ.

Ezekiel 1:24

Benɛ a te kɛ yaa a, i nu a pɛli ɔmɛ a he kaa wo nɛ ngɛ fiae gudaguda, loo ta buli a ngmlaa hoo, loo Mawu Ope ɔ nitsɛ e gbi. Benɛ hɛ kali ɔmɛ ya da si ɔ, a ba a pɛli ɔmɛ si,

Ezekiel 1:16

Tlɔɔke nane eywiɛ nɛ ɔmɛ je a sibi, nɛ a ngɛ kpɛe saminya kaa tɛ nɛ he jua wa. Bɔ nɛ a pee mɛ ɔ, tlɔɔke nane kpa hɔɔ si ngɛ eko tsuaa eko mi.

Ezekiel 1:14

Hɛ kali ɔmɛ saa fo kɛ yaa kɛ baa kaa oslabai nɛ ngɛ gbae.

Kpojemi 21:20

enuɔne ɔ, sardoniki; ekpane ɔ, sadio; kpaagone ɔ, krisolito; kpaanyɔne ɔ, berilo; nɛɛne ɔ, topasi; nyɔngmane ɔ, krisopraso; nyɔngma kɛ kakene ɔ, hiakinto, nɛ nyɔngma kɛ enyɔne ɔ biɛ ji ametisto.

Kpojemi 10:1

Jehanɛ ɔ, i na Mawu bɔfo kpetekpleenyɛ kpa nɛ je hiɔwe kɛ ma. Bɔku bɔle lɛ kɛ kpe, nɛ alale ngɛ e yi je; e hɛ mi ngɛ kaa pu, nɛ e nanehi ngɛ kaa la titimahi.

Luka 9:29

Benɛ e ngɛ sɔlee ɔ, e hɛ mi tsake, nɛ e tade ɔ hiɛ futaa, nɛ e ngɛ kpɛe klãiklãi.

Ezekiel 1:7

A nanehi ngɛ tlɔmɔtlɔmɔ, nɛ a nane si ngɛ kaa na nane si; nɛ a he ngɛ kpɛe hleii kaa akɔblee nɛ́ a sa he.

Mose II, 28:20

Zã eywiɛne ɔ mi ní ɔmɛ ji krisolito, shoham, kɛ yaspi. A sile sika tsu kɛ bɔle tɛ ɔmɛ.

Mateo 28:3

E hɛ mi ngɛ kpɛe kaa oslabai la, nɛ e tade ɔ hu hiɛ futafuta kaa kalo.

Kpojemi 2:18

“Bɔfo ɔ nɛ ngɛ asafo ɔ nya ngɛ Tiatira a, ngmaa womi nɛ ɔ ya ha lɛ ke, “Mawu Bi ɔ, nɔ nɛ e hɛngmɛ ngɛ kpɛe kaa la, nɛ e nane hu ngɛ kpɛe kaa ayawa nɛ a tsu he ɔ, sɛ gbi nɛ je e ngɔ ji nɛ ɔ nɛ.

Lahi 5:14

Sika tsu gahi nɛ tɛ kpakpahi hɔɔ si ngɛ a mi ngɛ e kɔnihi a he. E nɔmlɔ tso ngɛ kaa suɔ wu nɛ a kɛ tɛ kpakpahi nɛ hɛɛ bluu su hɔɔ si ngɛ a mi.

Ezekiel 40:3

Mumi ɔ ngɔ mi kɛ ya su ma a he haa; nɛ i na nyumu ko nɛ e he ngɛ kpɛe kaa akɔblee. E hɛɛ nɔ́ susumi kpa, kɛ nɔ́ susumi tso ngɛ e dɛ mi kɛ daa si ngɛ agbo ko nya.

Ezekiel 8:2

Ma hyɛ ɔ, o nɛ nɔ́ ko nɛ ngɛ kaa nɔmlɔ. Kɛ je e mlɛ mi kɛ kple si ɔ, la sɔuu; nɛ kɛ je e mlɛ mi kɛ kuɔ ɔ ngɛ kpɛe hleii kaa akɔblee nɛ a sa he.