Daniel 10:19 - BAIBLO ALOO NGMAMI KLƆUKLƆU Ɔ

¹⁹ E de mi ke, “Mo he manye! Mawu suɔ o sane saminya. Koo ye gbeye! Ko ha nɛ nɔ́ ko nɛ hao mo!” Benɛ e kɛ mi tu munyu nɛ ɔ, i na he wami he, nɛ i de lɛ ke, “Ye nyɔmtsɛ! I kpa mo pɛɛ, nɔ́ nɛ ngɛ o nya a, de mi; ejakaa o ha nɛ i na he wami.”

Daniel 10:19 ပူးပေါင်းရင်းမြစ်များ

La 138:3

Ligbi ɔ nɛ i tsɛ mo ɔ, o he nɔ. O wo mi kã, nɛ ye nɔ gbagba te.

Yesaya 35:4

Nyɛ de nɔ tsuaa nɔ nɛ e tsui ngɛ poe ɔ ke, “Wlua mo, koo ye gbeye! Hyɛ, o Mawu ɔ ma nɛ e ba kpɔ mo! E ma nɛ e ba gbla o he nyɛli ɔmɛ a tue.”

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yesaya 41:14

Yawɛ ke, “Yakob, o ngɛ kaa gɔgɔ kɛkɛ; o Israel, ma nɛ o he wɛ, koo ye gbeye; ma piɛ o he. Imi, Israel Mawu klɔuklɔu ɔ, imi ji o yi wami helɔ.

Daniel 10:18

Kɛkɛ nɛ nɔ ɔ ta ye he ekohu, nɛ ye he wami ɔ kpale ba.

Daniel 9:23

Benɛ o je o kue fami ɔ sisi ɔ, Mawu he nɔ. Lɔ ɔ he ɔ, i ba hiɛ ɔ, konɛ ma ba de mo; ejakaa Mawu suɔ o sane saminya. Jehanɛ, bu tue nɛ ma tsɔɔ mo nina a sisi.

Hagai 2:4

Se kɛ̃ ɔ, nyɛ ti nɔ ko nɔ ko kɔni mi ko wo nyu. Nyɛ tsu ní ɔ, ejakaa i kɛ nyɛ ngɛ.

Zakaria 8:13

Nyɛ Yuda bi, kɛ Israel bi, sa a, nyɛ ngɛ kaa gbiɛmi kɛ ha je ma amɛ, se jehanɛ lɛɛ ma he nyɛ yi wami, nɛ nyɛ maa pee gbaami. Lɔ ɔ he ɔ, nyɛ wlua nyɛ; nɛ nyɛ ko ye gbeye!”

Zakaria 8:9

Yawɛ Tabohiatsɛ ɔ ke, “Munyuhi nɛ gbali ɔmɛ tu nyɛ benɛ nyɛ ngɛ ye we ɔ sisi tomi ɔ fiae ekohu ɔ, lɔ ɔmɛ nɔuu nyɛ ngɛ nue nɛ ɔ nɛ. Lɔ ɔ he ɔ, nyɛ wlua nyɛ kɛ tsu ní ɔ.

Yohane 11:3

Lɔ ɔ he ɔ, nyɛmiyi ɔmɛ kɛ sɛ mane Yesu ke, “Nyɔmtsɛ, o huɛ nɛ o suɔ lɛ ɔ ngɛ gboe.”

Yohane 11:36

Kɛkɛ nɛ Yuda bi ɔmɛ de ke, “Hyɛ bɔ nɛ e suɔ lɛ ha!”

Yohane 11:5

Yesu suɔ Marta kɛ e nyɛmiyo ɔ, kɛ Lazaro saminya.

Yohane 14:27

“I ngɛ nyɛ sie kɛ he jɔmi. Imi nitsɛ ye he jɔmi i ngɛ sie ha nyɛ. Pi bɔ nɛ je ɔ haa a nɛ i kɛ ngɛ nyɛ hae ɔ. Nyɛ ko ye nyɛ tsui; nɛ nyɛ ko je fɔ̃ hulɔ.

Yohane 16:33

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

Yohane 19:26

Benɛ Yesu na e nyɛ ɔ, kɛ kaselɔ ɔ nɛ e suɔ lɛ ɔ daa si ɔ, e de e nyɛ ɔ ke, “Maa, o bi ji nɛ ɔ nɛ!”

Yohane 21:20

Petro po e he, nɛ e na kaa kaselɔ kaketsɛ ɔ nɛ Nyɔmtsɛ ɔ suɔ ɔ ma ngɛ e se. Jamɛ a nɔ ɔ lɛ hi si ngɛ Yesu kasa nya be nɛ a ngɛ nyagbe ní ɔ yee ɔ nɛ. Lɛ nɛ bi Nyɔmtsɛ ɔ ke mɛnɔ maa tsɔɔ e se blɔ ɔ nɛ.

1 Korintobi 16:13

Nyɛɛ huɔ; nyɛɛ hɛɛ hemi kɛ yemi ɔ mi wawɛɛ; nyɛɛ pee kã, nɛ nyɛ he nɛ wa.

2 Korintobi 12:9

Se e he nɔ ke, “Dloomi nɛ i kɛ ha mo ɔ, lɔ ɔ kɛkɛ hiɛ ha mo; ejakaa ye he wami ɔ tsuɔ ní wawɛɛ ngɛ nihi nɛ gbɔjɔ ɔ a mi.” I suɔ saminya nɛ ma fĩa kaa i gbɔjɔ, konɛ ma na kaa Kristo he wami ɔ ngɛ ye he bue.

Efesobi 6:10

Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

2 Timoteo 2:1

Lɔ ɔ he ɔ, ye bi, nɛ Mawu dloo wɔ nɛ wa ngɛ Kristo Yesu mi ɔ, o he nɛ wa.

Yoshua 1:9

Ná nɛ o le kaa imi nitsɛ nɛ i ngɛ mo fae ke o he nɛ wa, nɛ o pee kã a nɛ. Koo nu sawale, nɛ o nine mi ko je wu. He tsuaa he nɛ o maa ya a, imi, Yawɛ, o Mawu ɔ, ma piɛ o he kɛ ya.”

Kpojemi 1:17

Benɛ i na lɛ ɔ, i nɔ si ngɛ e nane nya kaa nɔ gbogboe. Se e ngɔ e hiɔ nine ngɔ fɔ ye nɔ, nɛ e de mi ke, “Koo ye gbeye! Imi ji kekleekle no kɛ nyagbe no.

Manyadali 6:23

Se Yawɛ de lɛ ke, “He jɔmi ha mo. Koo ye gbeye; o be gboe!”