Daniel 10:16 - BAIBLO ALOO NGMAMI KLƆUKLƆU Ɔ

¹⁶ Tlukaa a, nɔ ko nɛ ngɛ kaa nɔmlɔ ta ye nya he. Kɛkɛ nɛ i pa ye nya mi nɛ i tu munyu. I de nɔ nɛ daa si ngɛ ye kasa nya a ke, “Ye nyɔmtsɛ, nina nɛ ɔ ha nɛ ye he mi po, nɛ i gbɔjɔ.

Daniel 10:16 ပူးပေါင်းရင်းမြစ်များ

Daniel 8:15

Benɛ i ngɛ mɔde bɔe kaa ma hla nina a sisi ɔ, tlukaa a, nɔ ko ji nɛ ɔ nɛ ba daa si ngɛ ye hɛ mi.

Yesaya 6:7

E ngɔ la ngu hɛuu ɔ ngɔ sa ye nya he nɛ e de ke, “Hyɛ, nɛ nɔ́ nɛ ɔ sa o nya he nɛ ɔ, a ngɔ o he yayami ɔmɛ ngɔ pa mo, nɛ piami ko be o he hu.”

Yeremia 1:9

Kɛkɛ nɛ Yawɛ juale e nine, nɛ e ta ye nya he, nɛ e de mi ke, “Hyɛ, ye munyu nɛ i ngɔ ha mo ji nɛ ɔ nɛ.

Daniel 8:27

Imi Daniel ɔ, ye he mi po, nɛ i nu hiɔ ligbi babauu. Pee se ɔ, i te si nɛ i ho ya tsu ní tsumi nɛ matsɛ ɔ ha mi ke ma tsu ɔ. Se kɛ̃ ɔ, nina a gba ye juɛmi nya, nɛ i nui sisi.

Daniel 8:17

Kɛkɛ nɛ Gabriel ba da si ngɛ ye kasa nya. Benɛ e ba a, ye tsui po, nɛ i kɛ ye hɛ mi bu si. Gabriel de mi ke, “Nɔmlɔ adesa, na nɛ o le kaa nina a kɔɔ je mi nyagbe he.”

Daniel 7:28

Ye sane ɔ nyagbe ji nɛ ɔ nɛ. Se imi Daniel lɛɛ ye tsui po wawɛɛ nitsɛ, nɛ i hao. I ngɔ sane nɛ ɔ kɛ to ye yi mi, nɛ i de we nɔ ko nɔ ko.

Daniel 7:15

Nina amɛ nɛ i na a wo ye he gbeye, nɛ i hao wawɛɛ nitsɛ.

Kpojemi 1:13

nɛ nɔ ko kaa Nɔmlɔ Bi ɔ ngɛ a kpɛti. E wo tade klɔii, nɛ e ngɔ kpa nɛ a kɛ sika tsu pee kɛ fi e gugue.

Yohane 20:28

Toma he nɔ ke, “Ye Nyɔmtsɛ! Ye Mawu!”

Luka 21:15

Ejakaa munyu nɛ maa je nyɛ nya, kɛ juɛmi nɛ nyɛɛ kɛ ma fa nyɛ he ɔ, ma ha nyɛ. Nyɛ he nyɛli ɔmɛ a ti nɔ ko nɔ ko be nyɛ nyɛe, loo a maa je nɔ́ nɛ nyɛ ngɛ dee ɔ he nɔ́.

Luka 1:64

Amlɔ nɔuu ɔ, Mawu ha nɛ Zakaria nya bli, nɛ e tu munyu ekohu, nɛ e je Mawu yi.

Daniel 12:8

I nu nɔ́ nɛ e de ɔ lɛɛ, se i nui sisi. Lɔ ɔ he ɔ, i bi lɛ ke, “Ye nyɔmtsɛ, i kpa mo pɛɛ, kɛ ní nɛ ɔmɛ tsuo a nyagbe maa ba kɛɛ?”

Daniel 9:21

Benɛ i ngɛ sɔlee kɛ mwɔɔ ɔ, Gabriel nɛ i na lɛ ngɛ kekleekle nina a mi ɔ te kɛ ba he nɛ i ngɛ ɔ. Jamɛ a be ɔ mi lɛ a sãã gbɔkuɛ bɔ ɔ nɛ.

Ezekiel 33:22

Gbɔkuɛ ɔ nɛ e nɔ jena mɔtu loko amaniɛ bɔlɔ ɔ ba a, Yawɛ he wami ɔ ma ye nya. Se mɔtu maa pee benɛ e ba a, Yawɛ bli ye nya momo, lɔ ɔ he ɔ, i nyɛ tu munyu.

Ezekiel 3:27

Lɔ ɔ se ɔ, i kɛ mo maa tu munyu ekohu, nɛ ke i bli o nya a, o ma de mɛ nɔ́ nɛ imi Nyɔmtsɛ Yawɛ i de mo ɔ. A ti ni komɛ maa bu mo tue, nɛ ni komɛ hu be mo tue bue; ejakaa ma atuã tsɔli ji mɛ.”

Ezekiel 1:26

Ke o hyɛ ɔ, nɔ́ ko kaa matsɛ sɛ nɛ hɛɛ tɛ bluu su ngɛ nɔ́ mluguduu ɔ nɔ́, nɛ nɔ́ ko nɛ ngɛ kaa nɔmlɔ hii si ngɛ matsɛ sɛ ɔ nɔ.

Fiɛlɔ 1:18

Ní lemi fuu ɔ, haomi sɔuu lɛ ngɛ mi. Ke nɔ ko le ní babauu ɔ, jã kɛ̃ lɛ e haomi hu hiɛ babauu.

Manyadali 13:8

Manoa fa kue ha Yawɛ nɛ e de lɛ ke, “Yawɛ, i kpa mo pɛɛ, Mawu nɔmlɔ ɔ nɛ o tsɔ ɔ, ha nɛ e kpale ba wa ngɔ ekohu nɛ e ba tsɔɔ wɔ bɔ nɛ wa maa hɛɛ jokuɛ nyumuyo ɔ nɛ a ma fɔ ɔ ha.”

Manyadali 6:15

Gideon de lɛ ke, “I kpa mo pɛɛ Yawɛ, kɛ ma pee kɛ kpɔ Israel kɛɛ? Weku nɛ i je mi ɔ ji weku nyafii pe kulaa ngɛ Manase wɛtso ɔ mi. Tsaatsɛ we ɔ mi hu imi ji jokuɛyo pe kulaa.”

Manyadali 6:13

Gideon de lɛ ke, “I kpa mo pɛɛ, ke Yawɛ kɛ wɔ ngɛ niinɛ ɔ, mɛni he je lɛ ní nɛ ɔmɛ tsuo ba wa nɔ mɔ? Nyakpɛ níhi tsuo nɛ wa nɛmɛ ɔmɛ gba wɔ ke Yawɛ pee ha mɛ ɔ, jije a ngɛ? Pi lɛ nɛ e kpaka mɛ kɛ je Egipt kɛ ba a? Amlɔ nɛ ɔ lɛɛ Yawɛ sake wɔ ngɔ fɔ he; e ngɔ wɔ kɛ wo Midian bi ɔmɛ a dɛ mi.”

Yoshua 5:14

Nyumu ɔ he nɔ ke, “Dɛbi, mohu ɔ, i ba kaa Yawɛ tabo ɔ nyatsɛ.” Kɛkɛ nɛ Yoshua ngɔ e hɛ mi ngɔ bu zugba nɛ e ja lɛ, nɛ e de lɛ ke, “I kpa mo pɛɛ, o tsɔlɔ ji mi. Mɛni o ngɛ hlae nɛ ma pee ha mo?”

Mose II, 4:13

Se Mose ke, “Ye Nyɔmtsɛ, i kpa mo pɛɛ nɛ o tsɔ nɔ kpa.”

Mose II, 4:10

Se Mose de Yawɛ ke, “Ye Nyɔmtsɛ, ye nya mi tsɔ we kɛ je sá, nɛ kɛ je be nɛ o kɛ imi, o tsɔlɔ ɔ bɔni munyu tumi nɛ ɔ hu tsakemi ko bɛ; ye munyu tumi ngɛ blɛuu, nɛ ye lilɛ hu jiɔ.”

Daniel 4:19

Benɛ Daniel, nɛ a tsɛɛ lɛ Belteshazar hulɔ ɔ nu munyu nɛ ɔ, e he mi po. E pee dii nɛ e susu e yi mi be saii. Kɛkɛ nɛ matsɛ ɔ de lɛ ke, “Belteshazar, ko ha nɛ nlami ɔ, loo nlami ɔ sisi tsɔɔmi ɔ nɛ hao mo.” Belteshazar he nɔ ke, “Nɛnɛ, i ná nɛ nlami nɛ ɔ kɛ e sisi tsɔɔmi ɔ kɔɔ o he nyɛli, kɛ nihi nɛ nyɛɛ mo ɔ mohu a he, se pi mo.

Daniel 8:18

Benɛ e kɛ mi ngɛ munyu ɔ tue ɔ, i sɛ diblii mi, nɛ i kɛ ye hɛ mi bu si. Se e fua mi, nɛ e wo ye nɔ kɛ da si ngɛ he nɛ i ngɛ ɔ.