Daniel 10:14 - BAIBLO ALOO NGMAMI KLƆUKLƆU Ɔ

¹⁴ I ba, konɛ ma ba tsɔɔ mo nɔ́ nɛ maa ba o ma a nɔ hwɔɔ se, ejakaa nina a kɔɔ hwɔɔ se níhi a he.”

Daniel 10:14 ပူးပေါင်းရင်းမြစ်များ

Mose I, 49:1

Jehanɛ Yakob tsɔ ya de e bimɛ ɔmɛ ke, “Nyɛ ba bua nyɛ he nya nɛ ma de nyɛ nɔ́ nɛ maa ba nyɛ nɔ hwɔɔ se.

Yesaya 2:2

Hwɔɔ se ko ɔ, Yawɛ we ɔ maa ma yo gagaa ko yi mi; yo nɛ ya hiɔwe gojoo pe yo ɔmɛ tsuo yi mi e maa ma. Je ma amɛ tsuo ma bu yuu kɛ ba e he,

Ezekiel 12:27

“Nɔmlɔ adesa, nɔ́ nɛ Israel ma a ngɛ dee ji, ‘Nina amɛ nɛ gbalɔ ɔ na a be mi bae amlɔ nɛ ɔ; hwɔɔ se lokoo he ninahi sɔuu.’

Ezekiel 38:16

O ma ba tua ye ma Israel ɔ kaa ahumi nɛ ngɛ fiae huu kɛ nyɛɛ zugba a nɔ tsuo. Ke be ɔ su ɔ, ma ha o ma ba tua ye zugba a nɔ bi ɔmɛ, bɔ nɛ pee nɛ je ma amɛ nɛ a na nɔ nɛ i ji, konɛ kɛ gu nɔ́ nɛ ma pee nɛ ɔ nɔ ɔ, a na kaa nɔ klɔuklɔu ji mi.

Daniel 10:1

Benɛ Sirus ngɛ matsɛ yee ngɛ Persia a, jeha etɛne ɔ mi ɔ, Daniel ná sɛ gbi ko. Daniel biɛ kpa ji Belteshazar. Sɛ gbi nɛ ɔ kɔɔ sane yaya ko nɛ maa ba hwɔɔ se he; e kɔɔ ta ngua ko he. Nɛ a tsɔɔ lɛ sisi kɛ gu nina mi.

Daniel 12:4

Bɔfo ɔ de mi ke, “Daniel, jehanɛ nga womi ɔ nya, nɛ o sɔu nya kɛ yaa si je mi nyagbe. Kɛ je be nɛ ɔ mi kɛ yaa si jamɛ a be ɔ, nihi babauu ma gbo yaka dengme. A maa nyɛɛ kɛ ya kɛ ba, nɛ a ma hla kaa a le nɔ́ nɛ ngɛ nɔ yae.”

Daniel 12:9

E he nɔ ke, “Daniel, amlɔ nɛ ɔ, yaa. Ejakaa munyu nɛ ɔmɛ ɔ, a kɛ maa to, nɛ a maa laa nɔ kɛ yaa si nyagbe be ɔ.

Daniel 2:28

Se Mawu ko ngɛ hiɔwe nɛ jeɔ laami sanehi kpo ngɔ tsɔɔ. Mawu nɛ ɔ ji nɔ nɛ je ngɔ tsɔɔ mo Matsɛ Nebukadnezar ngɛ nlami mi, nɔ́ nɛ maa ba hwɔɔ se ɔ nɛ. Nlami nɛ o nla, kɛ nina nɛ o na, benɛ o hwɔ mahe ɔ ji nɛ ɔ nɛ.

Daniel 8:16

I nu nɛ nɔ ko tu munyu ngɛ Ulai pa a mi ke, “Gabriel, tsɔɔ nyumu ɔ nina a sisi.”

Daniel 8:26

Nina a nɛ kɔɔ gbɔkuɛ kɛ mɔtu bɔ sami ɔmɛ a he nɛ a tsɔɔ mo sisi ɔ maa ba mi. Se amlɔ nɛ ɔ, ngɔɔ kɛ to o yi mi; ejakaa e maa ye be saii loko e maa ba mi.”

Daniel 9:22

E ba de mi ke, “Daniel, i ba hiɛmɛ nɛ ɔ nɛ ma ba tsɔɔ mo gbami ɔ sisi.

Hosea 3:5

Se pee se ɔ, Israel bi ɔmɛ maa kpale kɛ ba a ma a mi ekohu; a ma ba hla Yawɛ, a Mawu ɔ, kɛ David nɛ ji matsɛ ɔ nina se blɔ ekohu. Jamɛ a be ɔ, a maa ye Yawɛ gbeye, nɛ a ma na nike ní kpakpahi kɛ je e dɛ mi.

Mika 4:1

Nyagbe be ɔ mi ɔ, yo ɔ nɛ Yawɛ we ɔ maa si ngɛ nɔ ɔ ma ba pee yo nɛ he biɛ pe yo ɔmɛ tsuo. Je mahi babauu ma ba hyɛ,

Habakuk 2:3

Ngmaa kɛ to; ejakaa be nɛ a ma tsu nɔ́ nɛ ɔ sui lolo. Se kɛ̃ ɔ, be ɔ ma, nɛ e be kɛe, nɛ nɔ́ nɛ ma je ngɔ tsɔɔ mo ɔ maa ba mi kokooko. E maa pee kaa nɔ́ nɛ e ma blɛuu tsɔ, se kɛ̃ ɔ, hyɛ́ blɔ. Ejakaa e maa ba mi kokooko, nɛ e be kɛe.

Mose IV, 24:14

“Lɔ ɔ he ɔ, piɔ lɛɛ i kpale kɛ yaa imi nitsɛ ye ma mi. Se loko ma je ɔ, ma suɔ nɛ ma wo o tue nɔ ngɛ nɔ́ nɛ kikɛmɛ a ma nɛ ɔ maa pee mo nitsɛ o ma mi bi ɔmɛ hwɔɔ se ɔ he.”

Mose V, 31:21

nɛ haomi gbeyegbeye babauu maa ba a nɔ. Jamɛ a be ɔ mi tsuo ɔ, a maa hi la nɛ ɔ lae, nɛ e maa pee odase kɛ si mɛ. Amlɔ nɛ ɔ po nɛ i kɛ mɛ sui zugba nɛ i wo si ke ma ha mɛ ɔ nɔ lolo ɔ, i le a yi mi.”

Mose V, 31:29

I le paa kaa ye gbenɔ se ɔ, nyɛ ma puɛ nyɛ he kulaa, nɛ nyɛ maa je blɔ nɛ i tsɔɔ nyɛ ɔ nɔ. Lɔ ɔ he ɔ, e be kɛe nɛ nyɛ maa na amanehlu; ejakaa nyɛ maa pee yayami kɛ si Yawɛ. Nyɛ ní peepee maa wo e mi mi la.”

Mose V, 4:30

Ke nyɛ ngɛ amanehlu mi, nɛ ní nɛ ɔmɛ tsuo ba nyɛ nɔ ɔ, lɔ ɔ loko nyɛ maa kpale kɛ ba Yawɛ, nyɛ Mawu ɔ ngɔ, nɛ nyɛ maa bu lɛ tue.

2 Timoteo 3:1

O hɛ nɛ hi nɔ kaa nyagbe ligbi ɔmɛ a mi ɔ, je mi maa wa.

Hebribi 2:3

Ke wɔɔ lɛɛ wa bui yi wami hemi kpetekpleenyɛ nɛ ɔ, kɛ wa maa pee kɛ ye wa he kɛɛ? Nyɔmtsɛ ɔ nitsɛ lɛ tu yi wami hemi nɛ ɔ he munyu kekle; nɛ nihi nɛ nu ɔ, mɛ hu a ma nɔ mi ha wɔ.