Daniel 10:12 - BAIBLO ALOO NGMAMI KLƆUKLƆU Ɔ

¹² Kɛkɛ nɛ e de mi ke, “Daniel, koo ye gbeye. Kɛ je kekleekle ligbi ɔ nɛ o to kaa o maa ba o he si ha o Mawu ɔ, konɛ o nu níhi a sisi ɔ, jamɛ a be ɔ tɔɔ Mawu nu o kue fami ɔ. Nɛ lɔ ɔ he i ba hiɛ ɔ nɛ.

Daniel 10:12 ပူးပေါင်းရင်းမြစ်များ

Daniel 10:19

E de mi ke, “Mo he manye! Mawu suɔ o sane saminya. Koo ye gbeye! Ko ha nɛ nɔ́ ko nɛ hao mo!” Benɛ e kɛ mi tu munyu nɛ ɔ, i na he wami he, nɛ i de lɛ ke, “Ye nyɔmtsɛ! I kpa mo pɛɛ, nɔ́ nɛ ngɛ o nya a, de mi; ejakaa o ha nɛ i na he wami.”

Yesaya 58:9

Ke nyɛ fa kue ha mi ɔ, ma he nɔ. Ke nyɛ tsɛ mi ɔ, nyɛ maa nu ye he. “Ke nyɛ kpa yi wu tso ní peemi, ke nyɛ kpa nɔ nya pomi yaka gu, kɛ munyu yaya tumi;

Mateo 28:5

Bɔfo ɔ de yi ɔmɛ ke, “Nyɛ ko ye gbeye. I le kaa nyɛ ngɛ Yesu nɛ a sɛu ɔ hlae.

Yesaya 65:24

Loko a ma tsɛ mi ɔ, i he nɔ momo; benɛ a ngɛ kue fae ha mi nɛ a gbi nya lolo ɔ, i nu momo.

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yesaya 41:14

Yawɛ ke, “Yakob, o ngɛ kaa gɔgɔ kɛkɛ; o Israel, ma nɛ o he wɛ, koo ye gbeye; ma piɛ o he. Imi, Israel Mawu klɔuklɔu ɔ, imi ji o yi wami helɔ.

Yesaya 35:4

Nyɛ de nɔ tsuaa nɔ nɛ e tsui ngɛ poe ɔ ke, “Wlua mo, koo ye gbeye! Hyɛ, o Mawu ɔ ma nɛ e ba kpɔ mo! E ma nɛ e ba gbla o he nyɛli ɔmɛ a tue.”

Luka 24:38

Se e de mɛ ke, “Nyɛ ko ye gbeye, nɛ nyɛ ko je nɔ́ hulɔ!

Mose III, 16:31

Jamɛ a ligbi ɔ maa pee Hejɔɔmi ligbi nɛ a be nɔ́ ko nɔ́ ko tsue; nɔ tsuaa nɔ maa ha hwɔ. Mlaa nɛ ɔmɛ fɔɔ si ha mɛ kɛ yaa neneene.

Mose III, 16:29

Enɛ ɔ maa pee mlaa nɛ fɔɔ si kɛ yaa neneene. Nyɔhiɔ kpaagone ɔ we ligbi nɛ ji nyɔngma a, Israel fɔfɔɛ, kɛ nibwɔhi nɛ ngɛ a kpɛti tsuo maa ha hwɔ, nɛ a be nɔ́ ko nɔ́ ko tsue.

Kpojemi 1:17

Benɛ i na lɛ ɔ, i nɔ si ngɛ e nane nya kaa nɔ gbogboe. Se e ngɔ e hiɔ nine ngɔ fɔ ye nɔ, nɛ e de mi ke, “Koo ye gbeye! Imi ji kekleekle no kɛ nyagbe no.

Ni Tsumi 27:24

nɛ e de mi ke, ‘Paulo, koo ye gbeye! Ja a kɛ mo ya da Kaisare ɔ hɛ mi kokooko. Mawu na mo mɔbɔ saminya, nɛ e he o kɛ nihi tsuo nɛ ngɛ lɛ ɔ mi ɔ nyɛ yi wami.’

La 69:10

Ke i ngɛ kɔmɔ yee nɛ i ngɛ hwɔ hae ɔ, ahlua mohu nɛ nihi bɔɔ mi.

Luka 2:10

Se bɔfo ɔ de mɛ ke, “Nyɛ ko ye gbeye! I hɛɛ manye munyu nɛ ma ha Israel ma a tsuo ma na bua jɔmi babauu kɛ ha nyɛ.

Luka 1:30

Se bɔfo ɔ de lɛ ke, “Maria, koo ye gbeye; Mawu na o he bua jɔmi.

Luka 1:13

Se bɔfo ɔ de lɛ ke, “Zakaria, koo ye gbeye! Mawu nu o kue fami ɔ. O yo Elizabet ma fɔ binyumu ha mo, nɛ o maa wo lɛ biɛ ke Yohane.

Marko 16:6

Se niheyo ɔ de mɛ ke, “Nyɛ ko ye gbeye! Nyɛ ngɛ Yesu, Nazaret no nɛ a sɛu ɔ hlae; pi jã? E te si! E be hiɛ ɔ. He nɛ a kɛ lɛ fɔ ɔ ji nɛ ɔ nɛ.

Mateo 28:10

Yesu de mɛ ke, “Nyɛ ko ye gbeye! Nyɛɛ ya nɛ nyɛ ya de ye nyɛmimɛ ɔmɛ nɛ ji ye kaseli ɔmɛ ke a ya Galilea, nɛ a maa na mi ngɛ lejɛ ɔ.”

Daniel 10:11

Nɔ ɔ de mi ke, “Daniel, Mawu suɔ o sane. Moo te nɛ o da si, nɛ o bu nɔ́ nɛ ma de mo ɔ tue saminya. A tsɔ mi o ngɔ.” Benɛ e kɛ mi tu munyu nɛ ɔ, i te da si nɛ́ ye he ngɛ doe kɛ mwɔɔ.

Mose IV, 29:7

“Nyɔhiɔ nɛ ji kpaago ɔ we ligbi nɛ ji nyɔngma a, nyɛ bua nyɛ he nya nɛ nyɛ ja Mawu. Nyɛɛ ha hwɔ, nɛ nyɛ ko tsu ní tsumi ko.