Daniel 10:11 - BAIBLO ALOO NGMAMI KLƆUKLƆU Ɔ

¹¹ Nɔ ɔ de mi ke, “Daniel, Mawu suɔ o sane. Moo te nɛ o da si, nɛ o bu nɔ́ nɛ ma de mo ɔ tue saminya. A tsɔ mi o ngɔ.” Benɛ e kɛ mi tu munyu nɛ ɔ, i te da si nɛ́ ye he ngɛ doe kɛ mwɔɔ.

Daniel 10:11 ပူးပေါင်းရင်းမြစ်များ

Ni Tsumi 26:16

Se, tee si ngɛ zugba, nɛ o da si. I je ye he kpo kɛ tsɔɔ mo, konɛ ma tsɔ mo, nɛ o ya ye ye he odase. Bɔ nɛ i je ye he kpo kɛ tsɔɔ mo mwɔnɛ ɔ, kɛ bɔ nɛ ma tsɔɔ mo hwɔɔ se ɔ, o ma ya fiɛ kɛ ha nihi tsuo.

Marko 16:8

Kɛkɛ nɛ a je kpo oya, nɛ a tu fo kɛ je yɔkɔ ɔ he. Nɛ́ a yaa tsuo sawale nu mɛ, nɛ a he ngɛ doe blibliibli; nɛ a de we nɔ ko nɔ́ ko nɔ́ ko, ejakaa a ngɛ gbeye yee.

Ezekiel 2:1

“Nɔmlɔ adesa, tee si nɛ o da si nɛ ma de mo nɔ́ ko.”

Ni Tsumi 9:6

Tee si ngɛ zugba, nɛ o ya ma a mi, nɛ a maa tsɔɔ mo nɔ́ nɛ sa kaa o pee!”

Yohane 21:20

Petro po e he, nɛ e na kaa kaselɔ kaketsɛ ɔ nɛ Nyɔmtsɛ ɔ suɔ ɔ ma ngɛ e se. Jamɛ a nɔ ɔ lɛ hi si ngɛ Yesu kasa nya be nɛ a ngɛ nyagbe ní ɔ yee ɔ nɛ. Lɛ nɛ bi Nyɔmtsɛ ɔ ke mɛnɔ maa tsɔɔ e se blɔ ɔ nɛ.

Yohane 13:23

E kaseli ɔmɛ a ti nɔ kake, nɔ nɛ Yesu suɔ lɛ ɔ, hii si ngɛ e kasa nya.

Daniel 10:19

E de mi ke, “Mo he manye! Mawu suɔ o sane saminya. Koo ye gbeye! Ko ha nɛ nɔ́ ko nɛ hao mo!” Benɛ e kɛ mi tu munyu nɛ ɔ, i na he wami he, nɛ i de lɛ ke, “Ye nyɔmtsɛ! I kpa mo pɛɛ, nɔ́ nɛ ngɛ o nya a, de mi; ejakaa o ha nɛ i na he wami.”

Daniel 10:3

I yi niye ní kpakpa ko, i yi lo; dã yɛ ye nya mi, nɛ i kpa we nu kɛ ya si otsi etɛ ɔ tsuo be.

La 45:11

kɛkɛ o he fɛu ɔ maa pee matsɛ ɔ akɔnɔ; lɛ ji o nyɔmtsɛ, lɔ ɔ he ɔ, ba o he si ha lɛ.

Hiob 37:1

Nɔ́ nɛ ɔ ha ye tsui po, nɛ e ngɛ fiae kplakplaakpla.

Lahi 7:10

Ye suɔlɔ ɔ nɔ́ ji mi; e ngɛ ye se blɔ hlae.

Ezekiel 14:14

Ke e ba mi kaa ni etɛ nɛ ɔmɛ, Noa, Daniel, kɛ Hiob ngɛ jamɛ a zugba a nɔ tete po ɔ, a kpakpa peemi ɔ, mɛ nitsɛmɛ a yi wami pɛ e ma nyɛ he kɛ je hɛ mi kpatami ɔ mi.” Nyɔmtsɛ Yawɛ lɛ de.