Daniel 1:8 - BAIBLO ALOO NGMAMI KLƆUKLƆU Ɔ

⁸ Daniel muɔ e yi mi kpɔ kaa e be matsɛ ɔ niye ní ɔ yee, nɛ wai ɔ hu e be nue, bɔ nɛ pee nɛ e ko ble e he. Lɔ ɔ he ɔ, e kpa Ashpenaz pɛɛ ke e ko nyɛ e nɔ ke e ye níhi nɛ a tsɔɔ kaa a ye ɔ doo.

Daniel 1:8 ပူးပေါင်းရင်းမြစ်များ

Matsɛmɛ I, 5:5

Yawɛ wo tsaatsɛ David si ke, ‘O binyumu, nɔ nɛ ma ha nɛ e ye tsɛ ngɛ o se ɔ, lɛ ji nɔ nɛ maa ma tsu nɛ a ma ja mi ngɛ mi.’ I to ye yi mi kaa ma ma jamɛ a tsu ɔ ha Yawɛ, ye Mawu ɔ, nɛ́ a ja lɛ ngɛ mi.

La 106:28

Jehanɛ, Mawu ma a ya piɛ je ma amɛ a he nɛ a kɛ mɛ ja Baal nɛ ngɛ Peor ɔ. Bɔhi nɛ a sã ha a ni gbogboe ɔmɛ hu a kɛ mɛ ye.

La 119:106

O mlaa amɛ da saminya, lɔ ɔ he ɔ, imi hu i ngɛ mo si woe veveeve ke ma ye a nɔ sisiisi.

La 119:115

Nyɛ yayami peeli, nyɛɛ je ye nɔ kɛ ya se! Ye Mawu ɔ mlaa amɛ a nɔ ma ye.

La 141:4

Piɛ ye he, konɛ ma ko na yayami peemi he bua jɔmi; piɛ ye he, konɛ i kɛ yayami peeli ko bɔ; nɛ ko ha ma ya ye a niye ní ngɔngɔɛ ɔ eko.

Abɛ Womi 23:3

Ko ha nɛ ma nɔ yelɔ ɔ ní ngɔngɔɛ ɔ nɛ jlo mo; ejakaa pe e kɛ ngɛ mo kae.

Daniel 1:5

Matsɛ Nebukadnezar fa ke daa ligbi ɔ, a ha nihewi nɛ ɔmɛ lɛ nitsɛ e niye ní kpakpa nɛ e yeɔ, kɛ wai nɛ e nuɔ ɔ eko. E fa ke a tsɔse mɛ jeha etɛ, konɛ lɔ ɔ se ɔ, a ngɔ mɛ kɛ ba lɛ, matsɛ ɔ e ngɔ.

Daniel 5:4

nɛ a je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi.

Ni Tsumi 11:23

Benɛ e ya su lejɛ ɔ, nɛ e na bɔ nɛ Mawu gbaa ni ɔmɛ ɔ, e bua jɔ e he, nɛ e tu munyu tsɔɔ mɛ tsuo ke a ye Nyɔmtsɛ ɔ anɔkuale kɛ a tsui tsuo.

Ni Tsumi 15:20

Mohu ɔ, waa ngma mɛ womi ke a ko ye niye ní nɛ he tsɔ we, a ko ye wɔ nya lo, a hyɛ a he nɔ saminya, nɛ a ko fiɛ nyumu kɛ yo yakayaka fiɛmi. A nyɛ lohwehi nɛ a kika a kuɛ kɛ gbe mɛ, nɛ a ko ye lo nɛ muɔ ngɛ mi kɛ mwɔɔ.

1 Korintobi 7:37

Se ke nɔ ko muɔ e yi mi kpɔ ke e be yo ngɔe, nɛ pi kaa a nyɛ e nɔ ɔ, ke e nyɛ hyɛ e he nɔ saminya, nɛ lɛ nitsɛ e to e yi mi kaa nɔ́ nɛ e maa pee ji nɛ ɔ, lɔ ɔ lɛɛ e hi kaa e ko ngɔ yo ɔ.

2 Korintobi 9:7

Lɔ ɔ he ɔ, nɔ tsuaa nɔ nɛ ha bɔ nɛ e to kaa e ma ha. E ha kɛ bua jɔmi, se pi kaa a ngɛ e nɔ nyɛe ke e pee; ejakaa Mawu suɔ nɔ nɛ haa nɔ́ kɛ bua jɔmi.

Mose V, 32:38

Nyɛ lɛ mɛ kɛ lohwehi nɛ wo zɔ, nɛ nyɛ ngɔ dã kɛ sã bɔ ha mɛ. Lɛɛ, nyɛ ha nɛ a je ngmlaa ha nyɛ; nyɛ ha nɛ a he nɛ sɔ kɛ ba kpɔ nyɛ koo!’