Daniel 1:7 - BAIBLO ALOO NGMAMI KLƆUKLƆU Ɔ

⁷ Matsɛ we nɔ hyɛlɔ nɔkɔtɔma a ha nihewi ɔmɛ biɛ hehi. E wo Daniel ke Belteshazar; e wo Hanania ke Shadrak; e wo Mishael ke Meshak, nɛ Azaria lɛɛ e wo lɛ Abednego.

Daniel 1:7 ပူးပေါင်းရင်းမြစ်များ

Mose I, 41:45

Farao ɔ wo Yosef Egipt biɛ ke Zafenat Panea, nɛ e ha lɛ yo nɛ a tsɛɛ lɛ Asenat. Osɔfo Potifera nɛ je Heliopolis ma a mi ɔ biyo ji Yosef yo ɔ nɛ. Benɛ Yosef bɔni Egipt matsɛ ɔ sɔmɔmi ɔ, jamɛ a be ɔ mi ɔ, e ye jeha nyingmi etɛ. E je matsɛ we ɔ, nɛ e ya kpa Egipt zugba a tsuo nɔ.

Matsɛmɛ II, 23:34

Matsɛ Neko wo Yosia binyumu Eliakim matsɛ ngɛ Yosia nane mi, nɛ e tsake e biɛ kɛ pee Yehoyakim. Matsɛ Neko ngɔ Yoahaz kɛ ho Egipt ya, nɛ e ya gbo ngɛ lejɛ ɔ.

Matsɛmɛ II, 24:17

Nebukadnezar wo Yehoyakin tsɛko Matania matsɛ ngɛ Yehoyakin nane mi; nɛ e tsake e biɛ ngɔ pee Zedekia.

Daniel 1:19

Matsɛ ɔ kɛ mɛ tsuo sɛɛ ní. Se nihewi ɔmɛ tsuo a kpɛti ɔ, nihi pɛ nɛ Matsɛ Nebukadnezar ná a he bua jɔmi ji Daniel, Hanania, Mishael, kɛ Azaria. Enɛ ɔ he je ɔ, a ngɔ mɛ ngɔ piɛ matsɛ ní tsuli ɔmɛ a he.

Daniel 1:3

Nebukadnezar fa matsɛ we nɔ hyɛlɔ nɔkɔtɔma nɛ a tsɛɛ lɛ Ashpenaz ɔ ke e ya hla nihewi komɛ ngɛ nihi nɛ a nuu kɛ je Israel kɛ ba a a kpɛti kɛ ba. E tsɔɔ nya kaa nihewi nɛ ɔmɛ nɛ a pee nihi nɛ je matsɛmɛ kɛ odehehi a we mi,

Daniel 10:1

Benɛ Sirus ngɛ matsɛ yee ngɛ Persia a, jeha etɛne ɔ mi ɔ, Daniel ná sɛ gbi ko. Daniel biɛ kpa ji Belteshazar. Sɛ gbi nɛ ɔ kɔɔ sane yaya ko nɛ maa ba hwɔɔ se he; e kɔɔ ta ngua ko he. Nɛ a tsɔɔ lɛ sisi kɛ gu nina mi.

Daniel 2:26

Matsɛ ɔ bi Daniel, nɛ a wo lɛ biɛ kpa ke Belteshazar a ke, “Anɛ o ma nyɛ maa tsɔɔ mi nlami nɛ i nla a, kɛ nlami ɔ sisi lo?”

Daniel 2:49

Jehanɛ, matsɛ ɔ ngɔ Shadrak, Meshak kɛ Abednego ngɔ to ma ní tsumihi a nya ngɛ Babilon kpokpa a nɔ kaa bɔ nɛ Daniel wo lɛ ga ke e pee ɔ. Se Daniel lɛɛ e tsuɔ ní ngɛ matsɛ we ɔ.

Daniel 4:5

Se ligbi ko benɛ i hwɔ mahe ɔ, i nla nlami ko, nɛ i na nina ko nɛ wo ye he gbeye.

Daniel 4:8

Pee se ɔ, Daniel hu ba (Daniel biɛ kpa ji Belteshazar; ye mawu ɔ biɛ a kɛ wo lɛ ɔ nɛ). Daniel nɛ ɔ, Mawu klɔuklɔu ɔ mumi ɔ ngɛ e mi. Lɔ ɔ he ɔ, i bɔ lɛ nlami ɔ nɛ i nla a. I de lɛ ke,

Daniel 5:12

Nyumu nɛ ɔ nɛ a tsɛɛ lɛ Daniel ɔ, a dloo lɛ nike níhi babauu nɛ a pɔɛ nami. E ngɛ juɛmi saminya. E le ní, nɛ e nyɛɔ nɛ e tsɔɔ nlamihi, munyuhi nɛ a he wa, kɛ laami munyuhi a sisi. Lɔ ɔ he ɔ, tsɔ nɛ a ya ngɔ Daniel, nɛ matsɛ ɔ wo lɛ Belteshazar a kɛ ba, konɛ e ba tsɔɔ mo nɔ́ nɛ a ngma nɛ ɔ sisi.”