Daniel 1:6 - BAIBLO ALOO NGMAMI KLƆUKLƆU Ɔ

⁶ Nihi nɛ a hla a, a ti ni komɛ ji Daniel, Hanania, Mishael, kɛ Azaria. Mɛ tsuo a je Yuda wɛtso ɔ mi.

Daniel 1:6 ပူးပေါင်းရင်းမြစ်များ

Ezekiel 14:14

Ke e ba mi kaa ni etɛ nɛ ɔmɛ, Noa, Daniel, kɛ Hiob ngɛ jamɛ a zugba a nɔ tete po ɔ, a kpakpa peemi ɔ, mɛ nitsɛmɛ a yi wami pɛ e ma nyɛ he kɛ je hɛ mi kpatami ɔ mi.” Nyɔmtsɛ Yawɛ lɛ de.

Ezekiel 14:20

imi Nyɔmtsɛ Yawɛ, i ngɛ ye he kita kae keke Noa, Daniel, kɛ Hiob ngɛ lejɛ ɔ tete po, a binyumuhi jio, a biyihi jio, a be a yi wami nyɛe ma he; mɛ nitsɛmɛ pɛ a yi wami kɛkɛ a ma nyɛ he, ejakaa mɛɛ lɛɛ a peeɔ nɔ́ nɛ da.”

Ezekiel 28:3

O susu kaa o le ní pe Daniel, nɛ laami sane ko kulaa be nɛ a kɛ laa mo.

Daniel 1:19

Matsɛ ɔ kɛ mɛ tsuo sɛɛ ní. Se nihewi ɔmɛ tsuo a kpɛti ɔ, nihi pɛ nɛ Matsɛ Nebukadnezar ná a he bua jɔmi ji Daniel, Hanania, Mishael, kɛ Azaria. Enɛ ɔ he je ɔ, a ngɔ mɛ ngɔ piɛ matsɛ ní tsuli ɔmɛ a he.

Daniel 2:17

Lɔ ɔ se ɔ, Daniel ho we mi ya nɛ e ya bɔ e huɛmɛ ɔmɛ amaniɛ. Mɛ ji Hanania, Mishael kɛ Azaria.

Daniel 2:25

Ariok ngɔ Daniel kɛ ho Matsɛ Nebukadnezar ngɔ ya amlɔ nɔuu, nɛ e ya de matsɛ ɔ ke, “Nɛnɛ, i ya na nyumu ko ngɛ nihi nɛ a nuu kɛ je Yuda kɛ ba a a kpɛti nɛ ma nyɛ maa tsɔɔ mo o nlami ɔ sisi.”

Daniel 5:13

A ya ngɔ Daniel kɛ ba matsɛ ɔ ngɔ amlɔ nɔuu, nɛ matsɛ ɔ bi lɛ ke, “Anɛ mo ji Daniel ɔ lo? Yuda bi ɔmɛ nɛ tsaatsɛ ya nuu kɛ je Yuda kɛ ba a, a ti nɔ kake ji mo lo?

Daniel 6:14

Benɛ Matsɛ Darius nu munyu nɛ ɔ, e hao wawɛɛ nitsɛ, nɛ e hla kaa e maa gu blɔ ko nɔ nɛ e kɛ he Daniel yi wami. Darius susu nɔ́ nɛ ɔ he hluu kɛ ya si pu ba nɔ si.

Mateo 24:15

“Nyɛ maa na ‘Ni hiemi nɔ́ ngua a’ nɛ gbalɔ Daniel tu he munyu ɔ nɛ maa si ngɛ he klɔuklɔu ɔ. (Ni kanelɔ ɔ nɛ kɔ se!)

Marko 13:14

“Ke nyɛ na nɛ ‘He hiami ngua a’ nɛ ɔ ba su he nɛ e sɛ́ kaa e baa a (nɔ nɛ ngɛ kanee ɔ nɛ kɔ se), lɛɛ nihi nɛ ngɛ Yudea a, a tu fo kɛ ya yo ɔmɛ a nɔ.