Daniel 1:4 - BAIBLO ALOO NGMAMI KLƆUKLƆU Ɔ

⁴ nihi nɛ a he ngɛ fɛu, nɛ a le ní hulɔ, nihi nɛ a je blɔ tsɔse mɛ, nihi nɛ a ní tsɔɔmi yi, nɛ jehanɛ hu, kpa ko be a he. Nihewi nɛ ɔmɛ nɛ a hi kikɛmɛ a su nɛ ɔmɛ, konɛ a nyɛ nɛ a sɔmɔ ngɛ matsɛ we ɔ. Ashpenaz maa tsɔɔ mɛ Babilonia gbi ɔ kanemi kɛ e ngmami.

Daniel 1:4 ပူးပေါင်းရင်းမြစ်များ

Samuel II, 14:25

Ngɛ Israel tsuo ɔ, nɔ ko nɔ ko be nɛ he ngɛ fɛu kɛ Absalom sɔ; kɛ je e nane sisi hluu kɛ ya si e yi gbɛtɛ mi ɔ, sé ko be e he.

Abɛ Womi 22:29

Anɛ o le nɔ ko nɛ tsuɔ ní saminya lo? Jamɛ a nɔ ɔ, matsɛmɛ nɛ e ma sɔmɔ; pi ni guhi.

Fiɛlɔ 7:19

Nile woɔ ní lelɔ he wami kulaa pe ma nɔ yeli nyɔngma nɛ ngɛ ma ko mi.

Yesaya 36:11

Kɛkɛ nɛ Eliakim, Shebna, kɛ Yoa de asafoatsɛ ɔ ke, “Wa kpa mo pɛɛ, kɛ wɔ nɛ tu Aram gbi. Wa nuɔ Aram gbi ɔ. Koo tu Hebri gbi; nihi tsuo nɛ ngɛ gbogbo ɔ nɔ ɔ ngɛ wɔ tue bue.”

Yeremia 5:15

Nyɛ Israel bi, Yawɛ ha nɛ je ma ko je tsitsaa kɛ ma nɛ e ba tua nyɛ. Blema ma ji ma nɛ ɔ nɛ, nɛ ma mi bi ɔmɛ a he wa wawɛɛ nitsɛ. Nimli nɛ ɔmɛ a gbi ɔ, nyɛ li; ke a tu munyu hu nyɛ be sisi nue.

Daniel 2:10

Nyɔhiɔ mi hyɛli ɔmɛ he nɔ ke, “Nɛnɛ, nɔ́ nɛ o ngɛ hlae nɛ o le nɛ ɔ, nɔ ko nɔ ko be je nɛ ɔ mi nɛ ma nyɛ maa tsɔɔ mo. Matsɛ ko matsɛ ko hu de we e womi mi leli, aloo klaali, aloo kunya yeli hyɛ ke a tsu kikɛmɛ a nɔ́ ko ha lɛ, matsɛ wayo jio, matsɛ ngua jio.

Daniel 2:2

Enɛ ɔ he je ɔ, e tsɔ ya kpee womi mi leli ɔmɛ, klaali ɔmɛ, kunya yeli ɔmɛ, kɛ nyɔhiɔ mi hyɛli ɔmɛ kɛ ba, konɛ a ba tsɔɔ lɛ e nlami ɔ sisi. Kɛkɛ nɛ a ba nɛ a ba da si ngɛ matsɛ ɔ hɛ mi,

Daniel 3:8

Amlɔ ɔ, Babilonia bi komɛ ba matsɛ ɔ ngɔ nɛ a ba po Yuda bi ɔmɛ a nya.

Daniel 4:7

Kɛkɛ nɛ womi mi leli ɔmɛ, klaali ɔmɛ, kunya yeli ɔmɛ, kɛ nyɔhiɔ mi hyɛli ɔmɛ ba ye ngɔ, nɛ i bɔ mɛ ye nlami ɔ; se a nyɛ we nɛ a tsɔɔ mi sisi.

Daniel 5:11

Nyumu ko ngɛ o matsɛ yemi he ɔ nɛ Mawu klɔuklɔu ɔ mumi ɔ ngɛ e mi. Benɛ o tsɛ ngɛ matsɛ yee ɔ, a na kaa nyumu nɛ ɔ ngɛ juɛmi kɛ nile, nɛ e hɛ mi hu ka si kaa mawu ɔmɛ pɛ. Enɛ ɔ he je ɔ, o tsɛ Nebukadnezar wo lɛ nɔkɔtɔma ngɛ womi leli ɔmɛ, klaali ɔmɛ, kunya yeli ɔmɛ, kɛ nyɔhiɔ mi hyɛli ɔmɛ tsuo a nɔ.

Daniel 5:7

Kɛkɛ nɛ e kpa ngmlaa wawɛɛ nɛ e de ke nɔ ko nɛ ya ngɔ kunya yeli ɔmɛ, klaali ɔmɛ, kɛ nyɔhiɔ mi hyɛli ɔmɛ kɛ ba. Benɛ a ba a, matsɛ ɔ de mɛ ke, “Nɔ tsuaa nɔ nɛ ma nyɛ maa kane nɔ́ nɛ a ngma nɛ ɔ, nɛ e ma nyɛ maa tsɔɔ mi sisi ɔ, a maa wo lɛ matsɛ tade klɔii nɛ hɛɛ alamua tu su nɛ he jua wa saminya. A kɛ sika tsu kuɛ ní maa wo jamɛatsɛ ɔ kuɛ, nɛ a maa pee lɛ matsɛ se yelɔ ɔ setsɔ.”

Daniel 9:1

Ahasuerus bi Darius, Media no ɔ ye matsɛ ngɛ Babilonia zugba a nɔ.

Zakaria 2:4

Kekle bɔfo ɔ de e nyɛmi ɔ ke, “Tú fo nɛ o ya de niheyo ɔ nɛ hɛɛ nɔ́ susumi kpa a ke nimlihi kɛ nahi babauu maa ba Yerusalem, nɛ e he be hiae kaa a fia gbogbo kɛ wo ma a he.

Ni Tsumi 7:20

Jamɛ a be ɔ mi nɔuu nɛ a fɔ Mose, binyumuyo kɛ e he fɛu. A hyɛ e nɔ ngɛ e tsɛ we ɔ nyɔhiɔ etɛ;

Ni Tsumi 7:22

A tsɔɔ Mose Egipt nile tsuo, nɛ e na biɛ kpanaa; e he biɛ ngɛ munyu tumi kɛ e ní peepee tsuo mi.

Efesobi 5:27

E pee enɛ ɔ, konɛ e ngɔ asafo ɔ ngɔ pee lɛ nitsɛ e nɔ́. Asafo ɔ ngɛ kaa nɔ ko nɛ he ngɛ fɛu saminya; sé ko be e he ɔ, e hɛ mi kuã we, nɛ nɔ́ yaya kpa ko hu be e he. Ee, asafo ɔ maa hi klɔuklɔu nɛ piami ko piami ko be e he hie.

Manyadali 8:18

Lɔ ɔ se ɔ, Gideon bi Zeba kɛ Zalmuna ke, “Nyumu ɔmɛ nɛ nyɛ gbe ngɛ Tabor ɔ, kɛ a ngɛ kɛɛ?” A ha lɛ heto ke, “A ngɛ kaa mo; mɛ tsuo pɛpɛɛpɛ a ngɛ kaa matsɛbimɛ.”