Daniel 1:2 - BAIBLO ALOO NGMAMI KLƆUKLƆU Ɔ

² Nyɔmtsɛ ɔ ngɔ Matsɛ Yehoyakim ngɔ wo e dɛ, nɛ Nebukadnezar muɔ june nɛ ngɛ Yawɛ we ɔ ekomɛ kɛ je kɛ ho. Babilon ya. June nɛ e muɔ ngɛ Mawu we ɔ e kɛ ya to e mawu ɔmɛ a nito he ɔ.

Daniel 1:2 ပူးပေါင်းရင်းမြစ်များ

Mose I, 10:10

Kekleekle ɔ, Nimrod nɔ yemi he ɔmɛ ji Babilon, Erek, kɛ Akad ngɛ Babilonia zugba a nɔ.

Mose I, 11:2

Benɛ nihi bɔni blɔ hiami kɛ je beleku je ɔ, a ba su nga kplanaa ko nɔ ngɛ Babilonia zugba a nɔ, nɛ a hi lejɛ ɔ.

Matsɛmɛ II, 24:1

Benɛ Yehoyakim ngɛ tsɛ yee ɔ, Babilonia matsɛ, Nebukadnezar hia ta ba tua Yuda. Yehoyakim sɔmɔ lɛ jeha etɛ, nɛ lɔ ɔ se ɔ, e tsɔ atuã.

Kronika II, 36:5

Yehoyakim ye jeha nyingmi enyɔ kɛ enuɔ benɛ e bɔni tsɛ yemi ngɛ Yuda ma a nɔ. E hi Yerusalem kɛ ye matsɛ jeha nyɔngma kɛ kake. E pee yayami kɛ si Yawɛ, e Mawu ɔ.

Kronika II, 36:7

Nebukadnezar muɔ june nɛ ngɛ Yawɛ we ɔ eko kɛ ho, nɛ e kɛ ya to e we mi ngɛ Babilon.

Ezra 1:7

Kãhi kɛ kpluhi nɛ Matsɛ Nebukadnezer ya muɔ kɛ je Mawu we ɔ ngɛ Yerusalem, nɛ e kɛ ya wo e mawu ɔmɛ a we ɔ mi ɔ, Matsɛ Sirus kpale mɛ tsuo ngɔ ha.

Yesaya 11:11

Jamɛ a ligbi ɔ, Nyɔmtsɛ ɔ ma tsu ní kɛ he wami; e maa kpale e ma mi bi ɔmɛ nɛ piɛ ngɛ zugba nɛ ɔmɛ a nɔ ɔ kɛ maa ba we ekohu. A maa je Asiria, Egipt, Patros, Sudan, Elam, Babilonia, Hamat, kɛ mahi nɛ ngɛ wo nya a kɛ ba.

Yesaya 42:24

Mɛnɔ lɛ ngɔ Yakob kɛ ha nɛ a ha e níhi, nɛ mɛnɔ ha nɛ a fia lɛ ojo ɔ? Yawɛ nitsɛ, nɔ nɛ wa pee yayami kɛ si ɔ, lɛ ji nɔ nɛ ha enɛ ɔmɛ tsuo ba! Wa bɛ wa je mi bɔ nɛ e ngɛ hlae, nɛ mlaa amɛ nɛ e wo wɔ ɔ hu wa yi a nɔ.

Yeremia 25:1

Yuda matsɛ, Yehoyakim, Yosia bi ɔ yi nɔ jeha nɛ ji eywiɛ ɔ mi ɔ, i ná sɛ gbi ko kɛ je Yawɛ ngɔ nɛ kɔɔ Yuda ma a tsuo he. Jamɛ a be ɔ mi ɔ, Babilonia matsɛ, Nebukadnezar hu na jeha kake ngɛ e sɛ ɔ nɔ.

Yeremia 27:16

Enɛ ɔ se ɔ, i de osɔfo ɔmɛ, kɛ ma a bɔ nɛ Yawɛ de ɔ ke, “Gbali ɔmɛ nɛ ngɛ nyɛ dee ke, e be kɛe kulaa nɛ a maa ngɔ Yawɛ we ɔ juetli ɔ kɛ je Babilonia kɛ ba a, nyɛ ko bu mɛ tue. Lakpa munyu lɛ a ngɛ tue ɔ nɛ.

Yeremia 28:3

Hiɛmɛ nɛ ɔ jeha enyɔ mi ɔ, Yawɛ we ɔ juetli tsuo nɛ Matsɛ Nebukadnezar ba muɔ kɛ ho Babilonia ya a, ma ngɔ kɛ ba hiɛ ɔ ekohu.

Yeremia 35:11

Se benɛ Matsɛ Nebukadnezar ba tua zugba a, wa ya ye Babilonia kɛ Siria bi ɔmɛ a tabo ɔmɛ gbeye, nɛ wa pee wa yi mi kaa wa maa tu fo kɛ je a nya kɛ ba Yerusalem. Enɛ ɔ he je lɛ wa ba ngɛ Yerusalem ɔ nɛ.”

Yeremia 50:2

“Nyɛɛ fiɛ munyu nɛ ɔ kɛ ha je ma amɛ! Nyɛɛ si aflaangaa, nɛ nyɛɛ fiɛ! Nyɛ ko laa nɔ́ ko nɔ; nyɛ de ke, ‘A ngɔ Babilon oo, a ngɔ Babilon! Babilon mawu ɔ nɛ a tsɛɛ Marduk ɔ, a kpata e hɛ mi. A pue Babilon wɔ ɔmɛ a hɛ mi si, nɛ a ywia amaga amɛ dukuduku.’

Yeremia 51:44

Ma gbla Babilonia mawu ɔ nɛ a tsɛɛ Bel ɔ tue, nɛ ma je e ju ní ɔmɛ kpo; je ma amɛ be lɛ jae hu. “Babilon gbogbo ɔmɛ ku kɛ pueɔ si.

Daniel 5:13

A ya ngɔ Daniel kɛ ba matsɛ ɔ ngɔ amlɔ nɔuu, nɛ matsɛ ɔ bi lɛ ke, “Anɛ mo ji Daniel ɔ lo? Yuda bi ɔmɛ nɛ tsaatsɛ ya nuu kɛ je Yuda kɛ ba a, a ti nɔ kake ji mo lo?

Daniel 5:18

“Nɛnɛ, Mawu nɛ ngɛ hiɔwe lokoo ɔ pee o tsɛ Nebukadnezar matsɛ ngua, nɛ e ha lɛ he wami kɛ hɛ mi nyami.

Habakuk 1:16

A jaa a ya amɛ, nɛ a sãã bɔhi haa mɛ, ejakaa a ya amɛ haa mɛ ní kpakpahi.

Zakaria 5:11

E he nɔ ke, “A kɛ yaa Babilonia. A maa ma tsu ha kusii ɔ ngɛ lejɛ ɔ. Ke a ma tsu ɔ gbe nya a, a maa ngɔ kusii ɔ kɛ ya ma e ma he ngɛ lejɛ ɔ.”

Mose V, 32:30

Kɛ pee kɛɛ nɛ nɔ kake maa fie nihi akpe? Kɛ pee kɛɛ nɛ nihi enyɔ pɛ maa wo nihi akpe nyɔngma fo? Yawɛ, a Mawu ɔ kua mɛ; a Mawu ngua a ngmɛɛ a he.

Manyadali 2:14

Yawɛ mi mi fu Israel; nɛ e ngmɛɛ a he ngɔ ha ní hali, nɛ a ha a níhi. E je a he gbi ngɔ ha a he nyɛli nɛ bɔle mɛ ɔ; nɛ a nyɛ we a he nyɛli ɔmɛ a hɛ mi nɛ a da hu.

Manyadali 3:8

Lɔ ɔ he ɔ, Yawɛ mi mi fu Israel, nɛ e ngɔ mɛ kɛ wo Mesopotamia matsɛ, Kushan Rishataim dɛ mi; nɛ Israel bi ɔmɛ sɔmɔ Kushan Rishataim jeha kpaanyɔ.

Manyadali 4:2

Lɔ ɔ he ɔ, Yawɛ ngɔ mɛ kɛ wo Kanaan matsɛ, Yabin nɛ ye matsɛ ngɛ Hazor ma a mi ɔ dɛ mi. E tatsɛ ji Sisera, nɛ lɛɛ e hi Haroshet ngɛ ma je li ɔmɛ a zugba a nɔ.

Samuel I, 5:2

nɛ a kɛ lɛ ya ma a wɔ ɔ nɛ a tsɛɛ lɛ Dagon ɔ kasa nya ngɛ piɛ ɔ mi.