Daniel 1:17 - BAIBLO ALOO NGMAMI KLƆUKLƆU Ɔ

¹⁷ Mawu ha nihewi eywiɛ nɛ ɔmɛ nile, kɛ juɛmi nɛ a kɛ kaseɔ womi, kɛ je mi nile. Daniel lɛɛ Mawu dloo lɛ ninahi kɛ nlamihi a sisi tsɔɔmi ngɔ piɛ he.

Daniel 1:17 ပူးပေါင်းရင်းမြစ်များ

Matsɛmɛ I, 3:12

nɔ́ nɛ o bi ɔ, ma pee ha mo. Ma ha mo nile, kɛ nɔ́ sisi numi babauu bɔ nɛ nɔ ko hí si hyɛ nɛ e kɛ mo sɔ, nɛ o se hu nɔ ko nɔ ko ba be nae nɛ e kɛ mo maa sɔ.

Matsɛmɛ I, 3:28

Benɛ Israel ma a tsuo nu bɔ nɛ Matsɛ Salomo buá sane ɔ he ha a, a bu lɛ wawɛɛ nitsɛ; ejakaa a yɔse kaa Mawu ha lɛ nile nɛ e kɛ kojo ngɛ dami sane yemi nya.

Kronika II, 1:10

lɔ ɔ he ɔ, ha mi nile, kɛ nɔ́ sisi numi nɛ ma kɛ ye ma nɛ ɔ a nɔ. Ke pi ja a, lɛɛ kɛ ma pee kɛ ye o ma kpetekpleenyɛ nɛ ɔ nɔ kɛɛ?”

Kronika II, 1:12

Enɛ ɔ he je ɔ, i ha mo nile, kɛ nɔ́ sisi numi. Jehanɛ, ma wo mo ní, nɛ ma ha mo june, kɛ biɛ nɛ matsɛ ko matsɛ ko na we hyɛ. O se hu matsɛ ko matsɛ ko be nae kɛ mo maa sɔ.”

Kronika II, 26:5

Be mi nɛ Zakaria ngɛ je mi ɔ, Uzia sɔmɔ Yawɛ kɛ e tsui tsuo; enɛ ɔ he je ɔ, Yawɛ hu gbaa lɛ. Zakaria ji nɔ nɛ tsɔɔ Uzia Mawu gbeye yemi.

Hiob 32:8

Se, Mawu Ope mumi ɔ nɛ ngɛ nɔmlɔ adesa mi ɔ, lɛ nɛ e haa nɔmlɔ nile.

Abɛ Womi 2:6

Yawɛ lɛ haa nɔ nile; lɛ nɛ e tsɔɔ nɔ nile, kɛ nɔ́ sisi numi.

Fiɛlɔ 2:26

Nihi nɛ peeɔ Mawu suɔmi nya ní ɔ, Mawu haa mɛ nile, ga, kɛ bua jɔmi. Se yayami peeli lɛɛ, e haa a tsuɔ ní, nɛ a buaa níhi a nya, konɛ e ngɔ ngɛ a dɛ kɛ ha ni nɛmɛ nɛ peeɔ lɛ, Mawu ɔ suɔmi nya ní. Enɛ ɔ hu ji yaka nɔ́ ko; e ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Yesaya 28:26

E Mawu ɔ lɛ tsɔɔ lɛ ke e pee ja pɛpɛɛpɛ ɔ nɛ.

Ezekiel 28:3

O susu kaa o le ní pe Daniel, nɛ laami sane ko kulaa be nɛ a kɛ laa mo.

Daniel 1:18

Jeha etɛ ɔ nɛ matsɛ ɔ to ɔ se ɔ, Ashpenaz ngɔ nihewi ɔmɛ tsuo kɛ ba Nebukadnezar ngɔ.

Daniel 1:20

Be tsuaa be nɛ matsɛ ɔ ma bi a ga womi ngɛ sanehi nɛ hia yi mi susumi wawɛɛ, kɛ nɔ́ he buami nɛ nɔ́ jemi ko be he a he ɔ, e naa kaa nihewi eywiɛ nɛ ɔmɛ a juɛmi mi kuɔ si nyɔngma pe klaali kɛ kunya yeli tsuo nɛ ngɛ e matsɛ yemi he ɔmɛ tsuo.

Daniel 1:4

nihi nɛ a he ngɛ fɛu, nɛ a le ní hulɔ, nihi nɛ a je blɔ tsɔse mɛ, nihi nɛ a ní tsɔɔmi yi, nɛ jehanɛ hu, kpa ko be a he. Nihewi nɛ ɔmɛ nɛ a hi kikɛmɛ a su nɛ ɔmɛ, konɛ a nyɛ nɛ a sɔmɔ ngɛ matsɛ we ɔ. Ashpenaz maa tsɔɔ mɛ Babilonia gbi ɔ kanemi kɛ e ngmami.

Daniel 10:1

Benɛ Sirus ngɛ matsɛ yee ngɛ Persia a, jeha etɛne ɔ mi ɔ, Daniel ná sɛ gbi ko. Daniel biɛ kpa ji Belteshazar. Sɛ gbi nɛ ɔ kɔɔ sane yaya ko nɛ maa ba hwɔɔ se he; e kɔɔ ta ngua ko he. Nɛ a tsɔɔ lɛ sisi kɛ gu nina mi.

Daniel 2:19

Jamɛ a nyɔ ɔ mi nɔuu ɔ, a je laami sane ɔ kpo ngɔ tsɔɔ Daniel ngɛ nina mi, nɛ e je Mawu nɛ ngɛ hiɔwe ɔ yi.

Daniel 2:21

Lɛ nɛ e haa be, kɛ yi nɔhi baa; e woɔ matsɛ, nɛ e kpaa matsɛ; lɛ nɛ e haa nɔ nile kɛ nɔ́ sisi numi.

Daniel 2:23

Ye nɛmɛ a Mawu, i ngɛ mo si nae, nɛ i ngɛ o yi jee. O ha mi nile kɛ he wami; o bu wa kue fami ɔ tue; nɛ o tsɔɔ mi nɔ́ nɛ wa ma de matsɛ ɔ.”

Daniel 2:30

Imi lɛɛ tsa pi ní nɛ i le tsɔ pe nɔ ko he je nɛ a je nɔ́ nɛ ɔ ngɔ tsɔɔ mi. A pee nɔ́ nɛ ɔ, bɔ nɛ pee nɛ nlami nɛ o nla nɛ wo o he gbeye ɔ, a tsɔɔ mo nɛ o nu sisi.

Daniel 4:6

I fa ke a ya kpee matsɛ ga woli ɔmɛ tsuo nɛ ngɛ Babilon ɔ kɛ ba, konɛ a ba tsɔɔ mi nlami ɔ sisi.

Daniel 5:14

I nu kaa Mawu klɔuklɔu ɔ mumi ɔ ngɛ o mi. I nu kaa o ngɛ juɛmi, nɛ o le ní, nɛ o hɛ mi ka si hulɔ.

Daniel 7:1

Babilon matsɛ, Belshazar yi nɔ, kekleekle jeha a mi ɔ, i nla, nɛ i na nina ko nyɔ mi. I ngma nlami ɔ ngɔ wo womi mi. Nina nɛ i na jamɛ a nyɔ ɔ mi ɔ ji nɛ ɔ nɛ.

Daniel 8:1

Matsɛ Belshazar yi nɔ jeha etɛne ɔ mi ɔ, i na nina nɔ́ nɛ ji enyɔ.

Mose IV, 12:6

Yawɛ de mɛ ke, “Jehanɛ, nyɛɛ bu mi tue! Ke gbalɔ ko ngɛ nyɛ kpɛti ɔ, ní nami mi nɛ imi Yawɛ, i jeɔ ye he si kɛ tsɔɔ lɛ ngɛ. Nlami mi nɛ i kɛ lɛ tuɔ munyu ngɛ.

Luka 21:15

Ejakaa munyu nɛ maa je nyɛ nya, kɛ juɛmi nɛ nyɛɛ kɛ ma fa nyɛ he ɔ, ma ha nyɛ. Nyɛ he nyɛli ɔmɛ a ti nɔ ko nɔ ko be nyɛ nyɛe, loo a maa je nɔ́ nɛ nyɛ ngɛ dee ɔ he nɔ́.

Ni Tsumi 6:10

Se Mumi Klɔuklɔu ɔ ha Stefano nile, nɛ benɛ e tu munyu ɔ, a nyɛ we nya nɛ a da.

Ni Tsumi 7:10

nɛ e je lɛ kɛ je dengmehi tsuo a mi. Yosef hɛ mi ba nyami ngɛ Egipt matsɛ ɔ hɛ mi. Matsɛ ɔ na kaa e nɔ bɔ tsɔ, nɛ Mawu dloo lɛ nile nɛ mi kuɔ. Lɔ ɔ he ɔ, matsɛ ɔ tu Egipt zugba a, kɛ matsɛ we ɔ tsuo ngɔ wo Yosef dɛ mi.

Ni Tsumi 7:22

A tsɔɔ Mose Egipt nile tsuo, nɛ e na biɛ kpanaa; e he biɛ ngɛ munyu tumi kɛ e ní peepee tsuo mi.

Kolosebi 1:9

Enɛ ɔ he ɔ, kɛ je ligbi ɔ nɛ wa nu nyɛ he ɔ kɛ ba si amlɔ nɛ ɔ, wa jɔɔ we Mawu pɛɛ kpami ha nyɛ. Wa biɔ ke Mawu nɛ ha nɛ nyɛɛ le e suɔmi nya ní, nɛ nyɛ ná nile, kɛ nɔ́ sisi numi nɛ mumi ɔ haa nɔ ɔ.

Yakobo 1:17

Nike ní kpakpa, kɛ níhi nɛ hi kɛ pi si nɛ wa naa yaka a, lɛ tsuo Mawu lɛ haa wɔ. Mawu lɛ bɔ pu, nyɔhiɔ, kɛ dodoehi nɛ ngɛ hiɔwe ɔ. E haa nɛ a haa wɔ la daa, nɛ lɛ nitsɛ hu e tsakee we gblegbleegble.

Yakobo 1:5

Se ke nyɛ ti nɔ ko ngɛ nile hlae ɔ, e kpa Mawu pɛɛ, nɛ e ma ha lɛ; ejakaa Mawu haa nɔ nɔ́ faa nɛ mi mi gbigblimi be mi.