Amos 9:8 - BAIBLO ALOO NGMAMI KLƆUKLƆU Ɔ

⁸ Imi Nyɔmtsɛ Yawɛ, ye hɛngmɛ ngɛ Israel, ma nɛ peeɔ yayami nɛ ɔ hyɛe. Ma kpata nyɛ hɛ mi pɛsɛpɛsɛ, nɛ ma bɛɛ nyɛ kɛ maa je je ɔ mi. Se kɛ̃ ɔ, i be Yakob nina a tsuo a hɛ mi kpatae. Imi, Yawɛ lɛ i de.

Amos 9:8 ပူးပေါင်းရင်းမြစ်များ

Mose I, 6:7

Lɔ ɔ he ɔ, Yawɛ de ke, “Ma kpata nɔmlɔ nɛ i bɔ ɔ e hɛ mi; pi nɔmlɔ kɛkɛ, se lohwehi tsuo: nane eywiɛɛywiɛtsɛmɛ, pɛlitsɛmɛ kɛ ní nɛmɛ nɛ sãã si. E dɔ mi kaa i pee mɛ.”

Mose I, 7:4

Hiɛmɛ nɛ ɔ otsi ɔ, ma ha nɛ hiɔmi maa nɛ ngɛ je ɔ mi nyɔ kɛ pia ligbi nyingmi eywiɛ, nɛ ma kpata níhi tsuo nɛ i bɔ nɛ wami ngɛ a mi ɔ a hɛ mi.”

Matsɛmɛ I, 13:34

Yayami nɛ ɔ nɛ Yeroboam pee ɔ, ha e matsɛ yemi ɔ, kɛ e we ɔ tsuo a hɛ mi kpata.

Abɛ Womi 15:3

Yawɛ hɛngmɛ ngɛ he tsuaa he; e naa kpakpa peeli, kɛ yayami peeli tsuo.

Abɛ Womi 5:21

Nɔ́ tsuaa nɔ́ nɛ o ngɛ pee ɔ fɔɔ si paa ngɛ Yawɛ hɛ mi. He tsuaa he nɛ o gu ɔ, e ngɛ mo hyɛe.

Yeremia 30:11

Ma ba nyɛ ngɔ nɛ ma ba kpɔ nyɛ. Je ma amɛ nɛ i fie nyɛ kɛ ya a ngɔ ɔ, ma kpata mɛ tsuo a hɛ mi pɛsɛpɛsɛ; se nyɛɛ lɛɛ i be nyɛ hɛ mi kpatae kɛ pi si. I be hae nɛ nyɛɛ ye nyɛ he kulaa; se kɛ̃ ɔ, ma gbla nyɛ tue bɔ nɛ sa. Imi, Yawɛ lɛ i de.”

Yeremia 44:27

Ma hyɛ, nɛ nɔ́ ko nɔ́ ko be hie ha nyɛ. Nyɛ Israel bi tsuo nɛ nyɛ ngɛ Egipt zugba a nɔ ɔ, nyɛ tsuo nyɛ hɛ mi ma kpata, nɛ nɔ kake ngmelu po he be mi jee. Nyɛ ti ni komɛ ma gbo ngɛ ta mi, nɛ hwɔ maa gbe ni komɛ.

Yeremia 46:28

Ye ma, nyɛ tsui ko po, ejakaa i kɛ nyɛ ngɛ. Je ma amɛ, hehi nɛ i fie nyɛ kɛ ho ɔ, ma kpata mɛ tsuo a hɛ mi; se nyɛɛ lɛɛ i be nyɛ hɛ mi kpatae. Se kɛ̃ ɔ, i be hae nɛ nyɛɛ ye nyɛ he kulaa; ma gbla nyɛ tue bɔ nɛ sa kɛkɛ. Imi, Yawɛ lɛ i de.”

Yeremia 5:10

Ma tsɔ he nyɛli nɛ a ya poo ye ma mi bi ɔmɛ a wai tso ɔmɛ ngɔ pue si, se i be hae nɛ a kpata a hɛ mi pɛsɛpɛsɛ. Ma ha nɛ a kplɔ tso kɔni ɔmɛ, ejakaa pi imi Yawɛ, ye níhi ji mɛ.

Hosea 1:4

Yawɛ de Hosea ke, “Wo bi ɔ biɛ ke ‘Yezreel’; ejakaa e be kɛe kulaa nɛ ma gbla Israel matsɛ ɔ tue ngɛ nihi nɛ e nɛ̃, Yehu kpata a hɛ mi ngɛ Yezreel ɔ a he. Ma ha nɛ Yehu nɔ yemi ɔ se maa po.

Hosea 1:6

E na mi ekohu nɛ e fɔ yo. Yawɛ de Hosea ke, “Moo wo lɛ ke, ‘Asumemo’. Ejakaa i be Israel sane suɔe hu, nɛ i be a tɔmi ngɔe kɛ pa mɛ.

Yoel 2:32

Se nihi tsuo nɛ ma sɔmɔ Yawɛ ɔ, a ma he a yi wami. Kaa bɔ nɛ Yawɛ de to ɔ, ‘Nihi nɛ ngɛ Yerusalem ɔ, a ti ni komɛ a yi ma na wami; mɛ ji ni nɛmɛ nɛ i hla a nɛ.’ ”

Amos 3:12

Yawɛ ke, “Ke jata ye lohwe ko ta a, to hyɛlɔ ɔ ngɔɔ lohwe ɔ nane enyɔ, aloo e tue kake pɛ nɛ piɛ ɔ kɛ ba yeɔ odase. Samaria ma mi bi ɔmɛ nɛ mwɔnɛ nɛ ɔ a ngɛ mle yee ngɛ sa tso bɔdɔbɔdɔhi a nɔ ɔ, jã kɛ̃ lɛ a ma he a ti nihi bɔɔ pɛ a yi wami.”

Amos 7:17

Enɛ ɔ he je ɔ, Amazia, Yawɛ ngɛ mo dee ke, ‘O bimɛ ma gbo ngɛ ta nga nɔ. He nyɛli ma ba ngɔ o ma a, nɛ o zugba a maa pee ni kpahi a nɔ nɛ a maa dla. O yo maa bɔ ajuama ngɛ ma a mi, nɛ mo nitsɛ lɛɛ a maa ngɔ mo kɛ ho, nɛ o ma ya gbo ngɛ ma se. A maa nuu Israel bi ɔmɛ nyɔguɛ kɛ maa ho.’ ”

Amos 9:10

Se ye ma mi bi ɔmɛ a kpɛti yayami peeli nɛ deɔ ke, ‘Mawu be hae nɛ nɔ́ yayami ko maa ba wa nɔ’ ɔ, mɛɛ lɛɛ a ma gbo ngɛ ta nga nɔ.”

Amos 9:4

Ke a he nyɛli ɔmɛ ba kpaka mɛ kaa nyɔguɛhi kɛ je ɔ, ma ha nɛ a kɛ klaate maa gbe mɛ. I muɔ ye yi mi kpɔ kaa ja i kpata a hɛ mi kokooko, se pi kaa ma pee mɛ kpakpa.”

Mose V, 4:31

Akɛnɛ Yawɛ, nyɛ Mawu ɔ, mɔbɔ nalɔ ji lɛ he je ɔ, e be nyɛ kuae, nɛ e be nyɛ hɛ mi kpatae; e hɛ be somi nɛ e kɛ nyɛ nɛmɛ ɔmɛ so ɔ nɔ jee.

Mose V, 6:15

Yawɛ, nyɛ Mawu ɔ nɛ kɛ nyɛ nyɛɛ ɔ, a kɛ lɛ plee we nɔ́ he. Lɔ ɔ he ɔ, ke nyɛ ya nyɛɛ mawu kpahi a se ɔ, e mi mi ma fu nyɛ, nɛ e ma kpata nyɛ hɛ mi pɛsɛpɛsɛ kaa bɔ nɛ la sãã nɔ́ ɔ.