Amos 9:5 - BAIBLO ALOO NGMAMI KLƆUKLƆU Ɔ

⁵ Nyɔmtsɛ Yawɛ Tabohiatsɛ ɔ, ke e ta zugba a he pɛ kɛkɛ zugba a sile, nɛ nɔ tsuaa nɔ maa ye kɔmɔ. Zugba a tsuo maa ya hiɔwe nɛ e maa ba si kaa bɔ nɛ Nilo pa a nɛ ngɛ Egipt ɔ hyiɔ nɛ e faa a.

Amos 9:5 ပူးပေါင်းရင်းမြစ်များ

La 104:32

Ke Yawɛ hyɛ je ɔ, kɛkɛ je ɔ mimiɛ. Ke e ta yo ɔmɛ a he kɛkɛ a je la su ku.

La 144:5

Yawɛ, ha nɛ hiɔwe ɔ nɛ ba si, nɛ o kple si kɛ ba. Moo ta yo ɔmɛ a he, konɛ a je la su ku.

La 32:6

Lɔ ɔ he ɔ, e sa kaa o ni klɔuklɔu ɔmɛ tsuo nɛ a fa kue ha mo ngɛ a fimi behi a mi. Ke haomi ba babauu kaa nyu nɛ ywia nga po, e be a he sae.

La 46:6

Je ma amɛ a mi mi fuɔ, nɛ a peeɔ hoo; se ke Mawu wo gbi ɔ, zugba a he jɔɔ.

La 97:5

Yohi sileɔ kaa wo gbaku ngɛ Yawɛ, je ɔ tsuo Nyɔmtsɛ ɔ hɛ mi.

Yesaya 64:1

I ná nɛ hiɔwe mi gba enyɔ nɛ o kple si kɛ ba!

Yeremia 12:4

Wa ngmɔ ɔmɛ a nɔ nga a tsuo gbli. Pu mi lohwehi, kɛ lohwe pɛlitsɛmɛ ngɛ tae. Wa zugba a pee mɔbɔmɔbɔ, ejakaa wa ma mi bi ɔmɛ pee yayami. Nɔ́ nɛ a deɔ ji, “Nɔ́ nɛ wa ngɛ pee nɛ ɔ, Mawu tsa nɛ.” Mɛni be nɔ́ nɛ ɔ maa ya nɔ kɛ yaa si?

Hosea 4:3

Enɛ ɔ he je nɛ zugba a pee mɔbɔmɔbɔ ɔ nɛ. Níhi tsuo nɛ ngɛ zugba a nɔ, nga mi lohwehi kɛ lohwe pɛlitsɛmɛ tsuo pee gbedee; nɛ pa mi lohi tete ngɛ gboe.”

Amos 8:8

A ní yayami ɔmɛ a he je ɔ, ma ha nɛ zugba ma mimiɛ, nɛ nɔ tsuaa nɔ nɛ ngɛ zugba a nɔ ɔ maa hao. Zugba a tsuo ma mimiɛ; e maa ya hiɔwe, nɛ e maa ba si kaa bɔ nɛ Nilo pa a nɛ ngɛ Egipt ɔ, hyiɔ nɛ e faa daa jeha a.

Nahum 1:5

Yoku mimiɛɔ ngɛ Yawɛ hɛ mi; nɛ yokuhi sileɔ ngɛ e hɛ mi. Ke Yawɛ je e he kpo ɔ, zugba a mimiɛɔ; nɛ je ɔ, kɛ e mi nimli ɔmɛ tsuo a he doɔ blibliibli.

Nahum 1:6

Ke e mi mi fu ɔ, mɛnɔ ma nyɛ maa da nya? Ke e hɛ dɔ wawɛɛ ɔ, mɛnɔ yi ma na wami? Ke e je e mi mi la glegleegle ɔ kpo ɔ, tɛ sahi peeɔ wɔtsɔwɔtsɔ kaa bunyuku ngɛ e hɛ mi.

Habakuk 3:10

Benɛ yo ɔmɛ na mo ɔ, a he do blibliibli; hiɔmi nɛ pue si piapiaapia. Muɔ voo ɔ wo gbi, nɛ oslɔke fluku.

Mateo 7:27

Hiɔmi ba nɛ, nɛ pahi hia, nɛ kɔɔhiɔ fia wawɛɛ kɛ si tsu ɔ. Nɛ e hule kɛ pue si butuu nɛ nɔ́ ko piɛ.”

Kpojemi 20:11

Enɛ ɔ se ɔ, i na Mawu nɛ hii si ngɛ matsɛ sɛ hiɔ kpetekpleenyɛ ko nɔ. Tlukaa a, hiɔwe kɛ zugba laa, nɛ a nɛ mɛ hu.