Amos 9:3 - BAIBLO ALOO NGMAMI KLƆUKLƆU Ɔ

³ Ke a ya laa a he ngɛ Karmel yo ɔ yi mi tete po, ma ya hla mɛ ngɛ lejɛ ɔ nɛ ma nu mɛ. Nɛ ke a ya laa a he ngɛ wo ɔ sisi tɔɔ po, ma fa wo mi sinɔ ɔ nɛ e ma ya kɔɔ mɛ ngɛ lejɛ ɔ.

Amos 9:3 ပူးပေါင်းရင်းမြစ်များ

Mose I, 3:8

Jamɛ a gbɔkuɛ ɔ, benɛ kɔɔhiɔ yluduu ko ngɛ fiae ɔ, nyumu ɔ kɛ e yo ɔ nu Yawɛ Mawu he nɛ e ngɛ nyɛɛe ngɛ ngmɔ ɔ mi, nɛ a ya laa a he ngɛ tso ɔmɛ a kpɛti.

Samuel II, 22:46

Sawale maa nu ma je li ɔmɛ; a kɛ he kpokpomi maa hia kɛ maa je a laami he ɔmɛ kɛ ba.

Hiob 22:13

Se kɛ̃ ɔ, o biɔ ke, “Mawu ɔ, mɛni e le? Nɔ nɛ bɔku kpii ha e hɛ mi ɔ, kɛ e maa pee kɛ kojo wɔ kɛɛ?”

Hiob 34:22

Diblii ko be nɛ nya tsa bɔ nɛ yayami peeli maa laa a he ngɛ mi.

La 68:23

konɛ o nane nɛ naa muɔ mi kɛ be, nɛ o gbe ɔmɛ hu a lilɛ nɛ na o he nyɛli ɔmɛ a he nɔ́ ko nɛ a lɔ.”

Yesaya 27:1

Jamɛ a ligbi ɔ, Yawɛ kɛ e klaate kpetekpleenyɛ ɔ maa gbe wo mi sinɔ agbo langalanga a.

Yeremia 16:16

Yawɛ ke “Ma tsɔ hɛli babauu kɛ ba nɛ a ba hɛ nimli nɛ ɔmɛ kaa a hɛɛ lo. Lɔ ɔ se ɔ, ma tsɔ de dali babauu kɛ ba nɛ a ba da mɛ kaa a daa lohwe de ngɛ yo tsuaa yo, kɛ yoku tsuaa yoku nɔ, kɛ tɛ puɔ tsuaa tɛ puɔ mi ngɛ tɛ sa amɛ a nɔ.

Amos 1:2

Amos de ke, “Yawɛ tu munyu ngɛ Zion yo ɔ nɔ kaa jata nɛ ngɛ huãe, nɛ e miɔ nɛ e ma tsɔtslɔɔ lohwe ko mi. Yawɛ wo gbi ngɛ Yerusalem kaa hiɔwe nɛ ngɛ sie. Ba amɛ ngla ngɛ lohwehi a ní yemi he ɔmɛ, nɛ nga nɛ ngɛ Karmel yo ɔ nɔ ɔ gbli.”