Amos 9:13 - BAIBLO ALOO NGMAMI KLƆUKLƆU Ɔ

¹³ Yawɛ ke, “Be ma nɛ nyɛ zugba a maa ba ní babauu. Ke nyɛ du ní ɔ, ní kpali a nine be he kpee. Wai yiblii hu maa ba fuu nɛ wai peeli be deka nae kulaa. Wai dɔkɔdɔkɔ ma tsle kɛ je yo ɔmɛ a nɔ kɛ pue si.

Amos 9:13 ပူးပေါင်းရင်းမြစ်များ

Mose I, 49:11

E fiɔ e teji ngɔ woɔ wai tso he E fiɔ e teji bimɛ kɛ woɔ wai tso kpakpahi a he. E fɔɔ e tadehi a he ngɛ wai nɛ tsuɔ kaa muɔ mi.

La 97:5

Yohi sileɔ kaa wo gbaku ngɛ Yawɛ, je ɔ tsuo Nyɔmtsɛ ɔ hɛ mi.

Yesaya 16:10

Jehanɛ lɛɛ nɔ ko nɔ ko bua jɔɛ e he ngɛ ngmɔhi nɛ baa ní saminya a a nɔ hu. Nɔ ko nɔ ko kpa we ngmlaa; nɔ ko nɔ ko la we ngɛ wai ngmɔ ɔmɛ a nɔ, nɛ nɔ ko nɔ ko ngɛ̃ wai kɛ ji wai yiblii mi hu. Lele hwɔmi ngɛ ngmɔ ɔmɛ a nɔ ɔ tsuo se po.

Yesaya 55:13

Mio tso nane mi ɔ, sɛsɛo maa puɛ. Tso kpakpa maa puɛ ngɛ mio tso nane mi. E maa pee okadi nɛ maa hi si kɛ maa ya neneene, nɛ a kɛ ma kai nɔ́ nɛ Yawɛ tsu.”

Ezekiel 28:26

A maa hi si ngɛ tue mi jɔmi, kɛ he jɔmi mi. A maa ma tsuhi, nɛ a ma hu wai ngmɔhi. Nihi tsuo nɛ pue Israel hɛ mi si ɔ, ma gbla a tue, nɛ Israel ma na he jɔmi, kɛ tue mi jɔmi kulaa. Lɔ ɔ loko a ma na maa le kaa imi ji Yawɛ, a Mawu ɔ nɛ.”

Ezekiel 36:35

A ma de ke zugba nɛ ɔ nɛ fɔ si gu kaa nga kplanaa a, lɔ ɔ lɛ ba pee kaa Eden ngmɔ nɛ ɔ. Ma amɛ nɛ a ku pueɔ si, nɛ a ha a mi níhi, nɛ a pee ma dokuhi ɔ, a kpale fia a gbogbo ɔmɛ ekohu, nɛ nihi ngɛ ma amɛ a mi.

Yoel 2:24

Ngma mi sami he ɔmɛ ma hyi tɔ kɛ ngma, nɛ muɔ ɔmɛ nɛ ngɛ wai kɛ oliv nu ngami he ɔmɛ ma hyi, nɛ a maa fo dɔ kɛ wai, kɛ oliv nu.

Yoel 3:18

“Jamɛ a be ɔ mi ɔ, yoku ɔmɛ a nɔ ma hyi kɛ wai nɛ ngɔɔ, nɛ na nyɔ nyu maa pɔ he ngɛ yoku ɔmɛ tsuo a nɔ. Yuda pa amɛ tsuo ma hyi tɔ. Nyu hɛngmɛ maa hia kɛ je Yawɛ we ɔ mi, nɛ nyu ɔ ma ya pue Akasia kɔ̃ ɔ mi.

Yoel 3:20

Ma ye ni ɔmɛ nɛ a gbe yaka a a he lue; i be blɔ ngmɛe nɛ nɔ tɔli nɛ ɔmɛ nɛ a ye a he. Jehanɛ, nimli maa hi Yuda kɛ Yerusalem daa kɛ daa; nɛ Imi, Yawɛ nitsɛ ma hi Zion yo ɔ nɔ.”

Mose III, 26:5

Nyɛ ngmɔ ɔmɛ maa ba ní saminya; nyɛ maa hi blɛfo kpɔe hluu kɛ yaa si wai yiblii nya buami be; nɛ nyɛ maa hi wai yiblii nya buae hluu kɛ maa su blɛfo dumi be ekohu. Nyɛ maa ye ní, nɛ nyɛ maa tɔ; nyɛ maa hi si ngɛ tue mi jɔmi mi ngɛ zugba a nɔ.

Amos 9:5

Nyɔmtsɛ Yawɛ Tabohiatsɛ ɔ, ke e ta zugba a he pɛ kɛkɛ zugba a sile, nɛ nɔ tsuaa nɔ maa ye kɔmɔ. Zugba a tsuo maa ya hiɔwe nɛ e maa ba si kaa bɔ nɛ Nilo pa a nɛ ngɛ Egipt ɔ hyiɔ nɛ e faa a.

Yohane 4:35

Tse nyɛ deɔ ke, ‘E piɛ hlami eywiɛ nɛ a ma kpa ní.’ Se i ngɛ nyɛ dee ke, nyɛɛ hyɛ ngmɔ ɔmɛ a nɔ kɛ kpe, nɛ nyɛ maa na kaa ní ba, nɛ e kpami be su nɛ a ma bua nya.

Manyadali 5:5

Yo ɔmɛ mimiɛ ngɛ Yawɛ, nɔ nɛ je e he si ngɛ Sinai ɔ hɛ mi. Ee! A mimiɛ ngɛ Yawɛ, Israel Mawu ɔ nitsɛ hɛ mi.