Amos 9:11 - BAIBLO ALOO NGMAMI KLƆUKLƆU Ɔ

¹¹ Yawɛ ke, “Amlɔ nɛ ɔ, David matsɛ yemi kpetekpleenyɛ ɔ pee kaa we ko nɛ hule ngɔ pue si. Se be ma nɛ ma ha nɛ matsɛ yemi nɛ ɔ maa da si ekohu kaa bɔ nɛ e ngɛ sa a.

Amos 9:11 ပူးပေါင်းရင်းမြစ်များ

Hiob 1:10

O baa Hiob yi, kɛ e we mi bimɛ, kɛ nɔ́ tsuaa nɔ́ nɛ e ngɛ, nɛ nɔ́ ko hia we lɛ. O gbaa e ní tsumi, nɛ o wo lɛ ní babauu ngɛ zugba a nɔ.

La 143:5

I kaii sa blema a, nɛ i susuɔ níhi tsuo nɛ o tsu ɔ a he; i susuɔ níhi nɛ o pee ɔ a he.

La 80:12

Mɛni he je mɔ lɛ o gbɛ piɛ ɔ ngɛ e he? Amlɔ nɛ ɔ, nɔ tsuaa nɔ nɛ bee ngɛ lejɛ ɔ gbaa ya tsɔɔ wai yiblii ɔ eko.

La 89:40

Gbogbo nɛ a fia kɛ wo ma a he ɔ, o ku lɛ tsuo pue si, nɛ mɔ ɔmɛ plɛ pee ní kokoehi.

Yesaya 16:5

Jehanɛ David nina ko ma ba ye matsɛ. Anɔkuale yemi kɛ suɔmi e kɛ maa ye ma a nɔ. E maa pee nɔ́ nɛ da; nɛ e maa ye dami sane.

Yesaya 5:5

“Bɔ nɛ ma pee ye wai ngmɔ ɔ ji nɛ ɔ nɛ: ma je piɛ ɔ, nɛ́ nga mi lohwehi nɛ ba ye wai yiblii ɔ; ma ku gbogbo nɛ bɔle lɛ ɔ, nɛ a ba naa nɔ.

Yesaya 58:12

Nyɛ maa fia gbogbo he ngɛ blema tsu kokoe ɔmɛ a nane mi. A maa fia kɛ ma sisi tomi momo ɔmɛ a nɔ. Sisi tomi ɔmɛ nɛ a to blema a, nyɛ ma tle mɛ si kɛ ma si ekohu. Lɔ ɔ he ɔ, a ma tsɛ nyɛ ke nihi nɛ ba fia gbogbo ɔmɛ ekohu, nihi nɛ ba dla ma doku ɔmɛ.”

Yesaya 63:11

Kɛkɛ nɛ ma a kai blema, Yawɛ tsɔlɔ Mose be ɔ, nɛ a bi ke, “Yawɛ nɛ́ je ma a, kɛ a hɛ mi nyɛɛli ɔmɛ kɛ je wo ɔ mi ɔ, jije e ngɛ? Jije nɔ nɛ ngɔ e mumi klɔuklɔu ɔ kɛ wo a mi ɔ ngɛ?

Yesaya 65:9

Ma ha Yakob nina babauu. Ma ha Yuda bi ɔmɛ ma ba hi yo ɔmɛ a nɔ; lejɛ ɔ tsuo maa pee ye sɔmɔli nɛ i hla nɛ ɔ a nɔ́.

Yeremia 18:9

Jã kɛ̃, ke i de ke ma pee je ma, loo nɔ yemi ko agbo,

Yeremia 30:9

Se mohu, a ma sɔmɔ imi Yawɛ, a Mawu ɔ, kɛ David nina ko nɛ ma wo matsɛ ha mɛ ɔ.

Yeremia 46:26

Ma ngɔ mɛ kɛ wo nihi nɛ ngɛ mɛ hlae nɛ a gbe ɔ, Babilonia matsɛ, Nebukadnezar, kɛ e tsɔli ɔmɛ a dɛ mi. Se pee se ɔ, nihi ma ba hi Egipt ekohu kaa sa a. Imi, Yawɛ lɛ i de.”

Kɔmɔ Yemi 5:21

Yawɛ, moo kpale wɔ kɛ ba o ngɔ ekohu! Yawɛ, kpale wɔ kɛ da wa da he ekohu! Ngɔɔ wa blema hɛ mi nyami ɔ kɛ ha wɔ ekohu.

Ezekiel 17:24

Zugba a nɔ tso ɔmɛ tsuo maa le kaa imi Yawɛ lɛ i haa tso gagaa peeɔ kpiti, nɛ tso kpiti kaa gagaa. Imi lɛ i haa tso mumu gbliɔ, nɛ tso gbigbli peeɔ tso mumu ekohu. Imi, Yawɛ lɛ i de, nɛ ma pee.”

Ezekiel 36:11

Nimli, kɛ lohwehi a he ma ba hiɛ babauu ngɛ zugba a nɔ; a ma plɔke, nɛ a ma fɔ bimɛ. Ma ha a maa hi zugba a nɔ kaa bɔ nɛ a hi nyɛ zugba a nɔ sa a. Ma ha nyɛ maa bɔ pe kekle ɔ po. Kɛkɛ ɔ, nyɛ maa le kaa imi ji Yawɛ.

Hosea 3:5

Se pee se ɔ, Israel bi ɔmɛ maa kpale kɛ ba a ma a mi ekohu; a ma ba hla Yawɛ, a Mawu ɔ, kɛ David nɛ ji matsɛ ɔ nina se blɔ ekohu. Jamɛ a be ɔ, a maa ye Yawɛ gbeye, nɛ a ma na nike ní kpakpahi kɛ je e dɛ mi.

Obadia 1:17

“Se a ma he ni komɛ a yi wami ngɛ Zion yo ɔ nɔ, nɛ lejɛ ɔ maa pee klɔuklɔu. Yakob we ɔ nine maa su a blɔ fa mi ní ɔmɛ a nɔ ekohu.” Mawu lɛ de.

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Mika 7:11

Nyɛ Yerusalem bi, be ma nɛ a maa fia gbogbo kɛ wo nyɛ ma a he ekohu. Jamɛ a be ɔ, a maa hɛ nyɛ huzu ɔ mi kɛ maa ya se tsitsaa.

Mika 7:14

Yawɛ, moo hyɛ o ma a nɛ o hla a nɔ kaa bɔ nɛ to hyɛlɔ tsɔɔ e tohi. E ngɛ mi kaa a gbɛ ngɔ fia nga a nɔ mohu, se zugba kpakpa nɛ baa ní bɔle mɛ. Ha nɛ a ya ye Bashan kɛ Gilead zugba kpakpa amɛ a nɔ ní kaa bɔ nɛ a pee blema a.

Mika 7:8

E sɛ kaa wa he nyɛli ɔmɛ yeɔ wa he fɛu. Wa nɔ si lɛɛ, se wa maa te si ekohu. Amlɔ nɛ ɔ wa ngɛ diblii mi, se Yawɛ ma ha wɔ la.

Zakaria 12:7

“Imi Yawɛ, ma ha Yuda bo tsu ɔmɛ maa ye kunimi kekle, bɔ nɛ pee nɛ hɛ mi nyami nɛ David nina a, kɛ nihi nɛ ngɛ Yerusalem ɔ ma ná a kó pe Yuda nɔ́ ɔ.

Zakaria 14:10

Zugba a tsuo, kɛ je Geba ngɛ omleyi je kɛ yaa su Rimon ngɛ Yerusalem leneyi je ɔ maa pee kplanaa. Se Yerusalem lɛɛ bɔ nɛ e maa si gojoo ɔ, ja nɔuu e maa hi, kɛ je Benyamin agbo ɔ he kɛ ya agbo momo ɔ, kɛ Kɔ nya agbo ɔ he; jehanɛ kɛ je Hananel mɔ ɔ he kɛ ya su matsɛ dã ngami he ɔmɛ tsuo.

Zakaria 6:12

De lɛ ke bɔ nɛ Yawɛ Tabohiatsɛ ɔ de ji nɛ ɔ nɛ: ‘Nɔ ko ji nɛ ɔ nɛ. A tsɛɛ lɛ Tso Kɔni. E ma gba kɔni nɛ e ma ba ma Yawɛ we ɔ ekohu.

Mose IV, 24:18

E maa ye e he nyɛli ɔmɛ a nɔ ngɛ Edom; nɛ e maa ngɔ a zugba a; Israel maa ye kunimi daa.