Amos 9:1 - BAIBLO ALOO NGMAMI KLƆUKLƆU Ɔ

¹ I na Yawɛ nɛ daa si ngɛ bɔ sami la tɛ ɔ hɛ mi. E fa ke, “Nyɛɛ ngɔ nɔ́ kɛ fia titima amɛ nɛ ngɛ Yawɛ we ɔ mi ɔ a yi mi kpɔ ɔmɛ a nɔ wawɛɛ, konɛ tsu ɔ sisi tomi ɔ nɛ mimiɛ, nɛ tsu ɔ nɛ hule ngɔ pue ni ɔmɛ tsuo nɛ ngɛ lejɛ ɔ a nɔ. Ni nɛmɛ nɛ maa piɛ ɔ, ma gbe mɛ ngɛ ta nga nɔ; nɔ ko nɔ ko be fo tue kɛ je, nɛ nɔ kake ngmelu po he be mi jee.

Amos 9:1 ပူးပေါင်းရင်းမြစ်များ

Kronika II, 18:18

Mikaya ya nɔ nɛ e de ke, “Lɔ ɔ he ɔ, moo bu nɔ́ nɛ Yawɛ de ɔ tue! I na Yawɛ nɛ hii si ngɛ e sɛ ɔ nɔ ngɛ hiɔwe, nɛ e bɔfo ɔmɛ tsuo daa si kɛ bɔle lɛ kɛ kpe.

La 68:21

Mawu maa ywia e he nyɛli ɔmɛ a yi; níhi nɛ ji yayami peeli a hɛ mi nyami ɔ, Mawu ma kpata lɔ ɔmɛ tsuo a hɛ mi.

La 68:22

Bɔ nɛ Nyɔmtsɛ ɔ ngɛ dee ji nɛ ɔ nɛ: “Ma kpaka mɛ kɛ je Bashan kɛ ba ekohu; ma je mɛ kɛ je wo ɔ sisi tɔɔ kɛ ba,

Yesaya 30:16

Mohu, nyɛ to nyɛ yi mi kaa nyɛ maa hi okpɔngɔhi nɛ a he sɔɔ a nɔ kɛ tu fo kɛ je nyɛ he nyɛli ɔmɛ a he. Nɛ nyɛ nɔ́ da niinɛ; e sa kaa nyɛɛ tu fo kɛ je nyɛ he nyɛli a dɛ mi! Nyɛ susu kaa nyɛ we okpɔngɔ ɔmɛ a he sɔɔ saminya, se nihi nɛ nyɛɛ nyɛ se ɔ, a he sɔɔ kulaa pe nyɛ!

Yesaya 6:1

Jeha a nɛ Matsɛ Uzia gbo ɔ, i na Nyɔmtsɛ ɔ nɛ hii si ngɛ e matsɛ sɛ gojoo ko nɔ. E tade klɔii ɔ nya wuyaa a hyi Yawɛ we ɔ tsuo.

Yeremia 11:11

Lɔ ɔ he ɔ, imi Yawɛ, i ngɛ mɛ dee ke, ma ha nɛ haomi maa ba a nɔ nɛ a he be mi jee. Ke a fa kue ha mi po, i be mɛ tue bue.

Yeremia 42:16

lɛɛ ta a nɛ nyɛ ngɛ gbeye yee ɔ ma ba na nyɛ ngɛ lejɛ ɔ; mi mi hwɔ nɛ nyɛ tsui ngɛ poe ngɛ he ɔ, lɔ ɔ hu maa nyɛɛ nyɛ se, nɛ Egipt zugba a nɔ nɔuu nyɛ ma gbo ngɛ.

Yeremia 48:44

Ke nɔ ko tu fo kɛ je haomi ɔ nya a, e ma ya nɔ muɔ mi. Nɛ ke e je muɔ ɔ mi ɔ, e ma ya du klama. Ní nɛ ɔmɛ maa ba mi, ejakaa Yawɛ to be nɛ a kɛ ma kpata Moab hɛ mi.

Ezekiel 1:28

Alale su slɔɔtohi nɛ je kpo ngɛ mi ɔ ngɛ fɛu kaa nɔ́ ko. Bɔ nɛ Yawɛ hɛ mi nyami ɔ kpɛmi nɛ a be nyɛe maa kale ɔ je e he kpo ji nɛ ɔ nɛ. Benɛ i na nɔ́ nɛ ɔ, i tsɔ fia si, nɛ i ngɔ ye hɛ mi ngɔ bu zugba. Kɛkɛ nɛ i nu gbi ko nɛ ngɛ mi dee ke,

Ezekiel 10:4

Yawɛ hɛ mi nyami ɔ wo e he nɔ kɛ je kerub ɔmɛ a nɔ kɛ ba da we ɔ agbo ɔ nya. Bɔku ɔ hyi we ɔ mi tɔ, nɛ kue ɔ mi tsuo ngɛ kpɛe hleii kɛ Yawɛ hɛ mi nyami ɔ.

Ezekiel 15:7

Ja pɛpɛɛpɛ ma gbla Yerusalem bi ɔmɛ a tue. Ke a je haomi kake mi ɔ, a maa sɛ haomi kpa nɛ nya wa mi; nɛ a hɛ mi ma kpata pɛsɛpɛsɛ. Ke i gbla a tue wawɛɛ kikɛ ɔ, lɔ ɔ loko a ma na maa le kaa imi ji Yawɛ.

Ezekiel 9:2

Amlɔ nɔuu ɔ, nyumuhi ekpa je yiti je agbo nɛ ngɛ omleyi je ɔ mi kɛ ba kɛ a dɛ mi awi yemi dadehi. Nɔ ko hu nɛ ha kploba, nɛ e kpla womi ngmami nɔ́ ko ngɛ e kasa nya kɛ mɛ ba. A ba da si ngɛ bɔ sami la tɛ nɛ a kɛ akɔblee pee ɔ he.

Amos 3:14

Ligbi ɔ nɛ ma gbla Israel tue ngɛ a yayami ɔmɛ a he ɔ, ma ywia bɔ sami la tɛ ɔmɛ ngɛ Betel ma a mi. Bɔ sami la tɛ ɔmɛ a he koli ɔmɛ nɛ a saa we ngɛ a he ɔ, ma ku mɛ tsuo ngɔ pue si.

Amos 7:17

Enɛ ɔ he je ɔ, Amazia, Yawɛ ngɛ mo dee ke, ‘O bimɛ ma gbo ngɛ ta nga nɔ. He nyɛli ma ba ngɔ o ma a, nɛ o zugba a maa pee ni kpahi a nɔ nɛ a maa dla. O yo maa bɔ ajuama ngɛ ma a mi, nɛ mo nitsɛ lɛɛ a maa ngɔ mo kɛ ho, nɛ o ma ya gbo ngɛ ma se. A maa nuu Israel bi ɔmɛ nyɔguɛ kɛ maa ho.’ ”

Amos 7:9

A ma kpata hehi tsuo nɛ Isak nina a jaa mi ngɛ ɔ a hɛ mi. Israel he klɔuklɔu ɔmɛ maa pee kaa kuku nɔ, nɛ ma ha nɛ Yeroboam matsɛ yemi ɔ se maa po.”

Habakuk 3:13

O je kpo nɛ o ya he o ma a, kɛ matsɛ ɔ nɛ mo nitsɛ o hla a a yi wami. O fia yiwutsotsɛmɛ ɔmɛ a hɛ mi nyɛɛlɔ ɔ nɔ́ nɛ o gbe, nɛ o kpata e we bi ɔmɛ a hɛ mi butuu.

Zefania 1:12

“Jamɛ a ligbi ɔ, ma su kane kɛ kpa Yerusalem. Nɛ nihi nɛ hii si ngɛ a he yayami mi, nɛ nɔ́ ko pue we a tsui nɔ ɔ, ma ya hla a se blɔ, nɛ ma gbla a tue. Nimli nɛ ɔmɛ deɔ a he ke, ‘Oo, Yawɛ tsa be wɔ nɔ́ ko pee.’

Zefania 2:14

Nineve ma plɛ pee tohi kɛ pu mi lohwe slɔɔtoslɔɔtohi a hi he. Ablɛgogoe maa pee muɔ ngɛ lejɛ ɔ. Okpoku kɛ klomi maa hi hwɔe kɛ je saflɛ mi ngɛ mɔ kokoe ɔmɛ a nɔ, nɛ kuakualabite maa hi pɛe kuaakuaa ngɛ sinya tso ɔmɛ a yi mi. Seda ma kpɔ ngɛ tso ɔmɛ a he.

Yohane 1:18

Mawu ɔ, nɔ ko nɛ lɛ hyɛ. E bi kake too ɔ nɛ hii si ngɛ Tsɛ ɔ hiɔ nɔ ɔ, lɛ nɛ e tsɔɔ wɔ bɔ nɛ Tsɛ ɔ ngɛ ha.

Yohane 1:32

Jehanɛ ɔ, Yohane tu munyu kɛ ye Yesu he odase ke, “I na Mumi ɔ nɛ kple si kɛ je hiɔwe kaa lahuɛ ba ma e nɔ.

Ni Tsumi 26:13

Nɛnɛ, piani katakata, benɛ i nyɛɛ blɔ kɛ yaa a, i na la ko nɛ kpɛ nylamnylam pe pu po kɛ je hiɔwe ba bɔle mi, kɛ nihi nɛ kɛ mi nyɛɛ ɔ.

Yoshua 10:18

Yoshua fa ke, “Nyɛ ya kpɛne tɛ agbo komɛ kɛ tsi tɛ puɔ ɔ nya, nɛ nyɛ ha nɛ nihi nɛ bu he;

Kpojemi 1:17

Benɛ i na lɛ ɔ, i nɔ si ngɛ e nane nya kaa nɔ gbogboe. Se e ngɔ e hiɔ nine ngɔ fɔ ye nɔ, nɛ e de mi ke, “Koo ye gbeye! Imi ji kekleekle no kɛ nyagbe no.

Kpojemi 8:3

Bɔfo kpa ba ba da si ngɛ bɔ sami la tɛ ɔ he, nɛ e hɛɛ tsopa kɛ e he via sami nɔ́ nɛ a kɛ sika tsu pee. A ha lɛ tsopa kɛ e he via fuu nɛ e kɛ piɛ Mawu we bi ɔmɛ tsuo a sɔlemi ɔ he, konɛ e kɛ sã bɔ ngɛ bɔ sami la tɛ nɛ a kɛ sika tsu pee ɔ nɔ ngɛ matsɛ sɛ ɔ hɛ mi.