Amos 8:6 - BAIBLO ALOO NGMAMI KLƆUKLƆU Ɔ

⁶ Wa maa jua ngma bibliwi po kɛ he jua wawɛ. Wa ma he ohiatsɛmɛ kɛ pee wa nyɔguɛhi, ejakaa a be nyɛe maa wo a hiɔ ɔmɛ. Ke ohiatsɛ ko hɛɛ hiɔ nɛ e nya maa su kaa tokota nane hiɛ kɛ hiɛ po, e be nyɛe maa wo.”

Amos 8:6 ပူးပေါင်းရင်းမြစ်များ

Amos 2:6

Yawɛ ke, “Nyɛ Israel ma, nyɛ pee yayamihi nɔtonɔto babauu. Nimli kpakpahi nɛ a hɛɛ hiɔ, kɛ dɛgutsɛmɛ nɛ a nyɛ we nɛ a wo tokota nane hiɛ kɛ hiɛ he hiɔ ɔ, nyɛ juaa mɛ kaa nyɔguɛhi. Enɛ ɔmɛ a he je ɔ, ja i gbla nyɛ tue.

Amos 8:4

Nyɛ jua yeli nɛ nyɛ kpɔɔ níhi ngɛ dɛgutsɛmɛ a dɛ, nɛ nyɛ hlaa kaa nyɛ ma kpata ohiatsɛmɛ nɛ ngɛ zugba a nɔ ɔ a hɛ mi, nyɛɛ bu tue!

Yoel 3:6

Nyɛ ngɔ Yuda kɛ Yerusalem bi ɔmɛ kɛ je a zugba nɔ kɛ ho ma se lokoo ya, nɛ nyɛ jua mɛ ngɔ ha Hela bi.

Yoel 3:3

A fɔ sɔ kɛ dla nyɔguɛhi nɛ a nuu ngɛ ta mi ɔ ngɔ ha a he. A kɛ nyumuwi ɔmɛ tsake yaholi, nɛ a jua yiwi ɔmɛ kɛ he wai nɛ a nu.

Nehemia 5:8

I de ke, “Wɔɔ lɛɛ wa ngɛ mɔde bɔe kaa wa ma kpɔ wa nyɛmimɛ Yuda bi ɔmɛ nɛ hiami nya a, a jua a he ngɔ ha nibwɔhi ɔ. Se nyɛɛ lɛɛ nyɛ ngɛ nyɛ nitsɛmɛ nyɛ nyɛmimɛ ɔmɛ a nɔ nyɛe kaa a jua a he ngɔ ha nyɛ a nyɛmimɛ Yuda bi!” Ma nimeli ɔmɛ pee kɔ̃; ejakaa a be nya jemi ko.

Amos 3:9

Mawu de gbalɔ ɔ ke e tsɔ nɛ a ya de nihi nɛ a ngɛ mɔ nguanguahi a mi ngɛ Egipt kɛ Ashdod ke, “Nyɛ ya bua nyɛ he nya ngɛ yo ɔmɛ nɛ bɔle Samaria a nɔ, nɛ́ nyɛɛ hyɛ yayamihi nɛ a ngɛ pee ngɛ lejɛ ɔ, kɛ bɔ nɛ lejɛ ɔ pee basabasa ha.”

Amos 4:1

Amos ya nɔ nɛ e de ke, “Nyɛ Samaria yihi nɛ nyɛ plɔke pee tɔfutɔfu kaa Bashan nahi nɛ a je blɔ lɛ mɛ, nyɛɛ bu tue! Nyɛ nɛ nyɛ waa ohiatsɛmɛ yi mi, nɛ nyɛ sisiɔ dɛgutsɛmɛ, nɛ nyɛ nyɛɔ nyɛ hunomɛ a nɔ ke a ha nyɛ dã nɛ nyɛɛ nu!

Ezekiel 22:12

Nyɛ ti ni komɛ heɔ nyɔ mi ní nɛ a kɛ pueɔ muɔ si. Ni komɛ paa sika kɛ haa a nyɛmimɛ Israel fɔfɔɛhi, nɛ a heɔ hekpa fuu ngɛ a dɛ kɛ naa a he kpɔtɔɔ. Nɛ a hɛ je ye nɔ.” Nyɔmtsɛ Yawɛ lɛ de.

Zakaria 5:6

I bi lɛ ke, “Mɛni enɛ ɔ tsɔɔ?” E he nɔ ke, “Kusii. Ee, kusii nɛ ɔ daa si ha yayami tsuo nɛ a pee ngɛ zugba a nɔ ɔ.”