Amos 8:5 - BAIBLO ALOO NGMAMI KLƆUKLƆU Ɔ

⁵ Nyɛ biɔ nyɛ sibi ke, “Mɛni be Nyɔhiɔhe nyami be ɔ maa ta nɛ waa jua blɛfo? Mɛni be Hejɔɔmi ligbi ɔ maa be, nɛ wa bɔni ngma juami ekohu?” Nyɛ yaa nɔ nɛ nyɛ deɔ ke, “Wa ma tsake wa sɛni tɛ ɔmɛ, kɛ ní juami ní kpa amɛ, nɛ wa maa sisi ni nɛmɛ nɛ waa kɛ mɛ yeɔ jua a.

Amos 8:5 ပူးပေါင်းရင်းမြစ်များ

Matsɛmɛ II, 4:23

E huno ɔ bi lɛ ke, “Mɛni he je o yaa Mawu nɔmlɔ ɔ ngɔ mwɔnɛ ɔ? Tsa pi Nyɔhiɔhe nyami be, aloo Hejɔɔmi ligbi ji mwɔnɛ ɔ.” E he nɔ ke, “E pee we nɔ́ ko!”

Mose II, 31:13

nɛ e fa lɛ nɛ e de Israel bi ɔmɛ ke, “Nyɛɛ ye ye Hejɔɔmi ligbi ɔ; ejakaa Hejɔɔmi ligbi ɔ ji neneene somi nɛ ngɛ i kɛ nyɛ wa kpɛti ɔ he okadi, konɛ nyɛ na nɛ nyɛɛ le kaa imi Yawɛ, lɛ i hla nyɛ kɛ pee ye ma.

Abɛ Womi 11:1

Susumi ní yayahi nɛ a kɛ sisiɔ nɔ ɔ, Yawɛ sume. Nɔ́ nɛ e suɔ ji nɔ́ susumi ní kpakpahi.

Abɛ Womi 16:11

Yawɛ suɔ kaa jua yeli nɛ a ngɔ sɛni, kɛ sɛni tɛ kpakpahi kɛ jua ní, konɛ a ko sisi nɔ.

Abɛ Womi 20:23

Yawɛ hiɔ ní ngmɛmi ní munomunohi; sɛni kɛ e mi tɛ nɛ a kɛ sisiɔ nɔ ɔ, e hí.

Yesaya 1:13

Se nami ko be he kaa nyɛ maa ngɔ nyɛ bɔ ɔmɛ kɛ ba hu. Nyɛ tsopa kɛ e he via nɛ nyɛ ngɛ sãe ɔ ngɛ fu jee kɛ ngɛ mi woe. I hla we nyɛ Nyɔhiɔhe nyami be ɔmɛ, nyɛ Hejɔɔmi ligbi ɔmɛ, kɛ behi nɛ nyɛ peeɔ kpe kɛ jaa imi, nyɛ Mawu ɔ hu; yayamihi nɛ nyɛ ngɛ pee ɔ puɛ enɛ ɔmɛ tsuo.

Yesaya 58:13

Bɔ nɛ Yawɛ ngɛ dee ji nɛ ɔ nɛ: “Ke nyɛ maa ye Hejɔɔmi ligbi ɔ kaa ligbi klɔuklɔu, nɛ nyɛ be nyɛ nitsɛmɛ nyɛ suɔmi nya ní pee jamɛ a ligbi ɔ, ke nyɛ maa bu ye ligbi klɔuklɔu ɔ, nɛ nyɛ be blɔ hiae, nyɛ be ní tsue, nɛ nyɛ be yakayaka munyu tue ligbi nɛ ɔ,

Hosea 12:7

Yawɛ ke, “Jua yelɔ nɛ ngɔɔ lakpa sɛni kɛ e nɔ sɛni tɛ kɛ juaa ní ɔ, nɔ sisilɔ ji lɛ.

Hosea 12:8

Bɔ nɛ Israel ma a deɔ ji, ‘Niatsɛmɛ ji wɔ. Wa ná ní babauu.’ Se ní nɛ a na babauu ɔ tsuo be nyɛe ma je a he yayami ɔ.

Mose III, 19:36

Nyɛɛ ngɔ sɛnihi, sɛni tɛhi, kɛ susumi níhi nɛ da kɛ tsu ní. Imi ji Yawɛ, nyɛ Mawu ɔ nɛ je nyɛ kɛ je Egipt zugba a nɔ ɔ nɛ.

Zakaria 5:6

I bi lɛ ke, “Mɛni enɛ ɔ tsɔɔ?” E he nɔ ke, “Kusii. Ee, kusii nɛ ɔ daa si ha yayami tsuo nɛ a pee ngɛ zugba a nɔ ɔ.”

Zakaria 5:8

Bɔfo ɔ de ke, “Yo nɛ ɔ daa si ha yi wu tso ní peemi.” Kɛkɛ nɛ e nyɛ yo ɔ nɔ kɛ wo kusii ɔ mi, nɛ e ngɔ nya nɔ́ ɔ kɛ bu nya.

Malaki 1:13

Nyɛ deɔ ke, ‘Mɛni haomi po ji nɛ ɔ!’ Nɛ nyɛ gbeɔ ye he guɛ. Lohwe nɛ nyɛ kɛ ba sãã bɔ ha mi ji lohwe jujui, loo akpaketsɛ, loo hiɔtsɛ. Anɛ ma he bɔhi kaa kikɛ nɛ ɔ ngɛ nyɛ dɛ lo?

Mose IV, 10:10

Jehanɛ, ngɛ nyɛ nyami ligbihi, kɛ ligbi kpahi nɛ a to ɔ, kɛ Nyɔhiɔhe nyami be ɔmɛ hu nyɛ kpa titimati ɔmɛ be mi nɛ nyɛ ngɛ sami bɔ ɔmɛ, kɛ tue mi jɔmi bɔ ɔmɛ sãe. Nɔ́ nɛ ɔ ma ha nɛ nyɛ Mawu ɔ ma kai nyɛ. Imi ji Yawɛ, nyɛ Mawu ɔ nɛ.”

Kolosebi 2:16

Lɔ ɔ he ɔ, nyɛ ko ha nɔ ko nɛ wo nyɛ mlaa ngɛ nɔ́ nɛ nyɛ maa ye, kɛ nɔ́ nɛ nyɛ maa nu he, aloo ngɛ nyami be, Nyɔhiɔhe nyami be, kɛ Hejɔɔmi ligbi he.

Samuel I, 20:5

David de Yonatan ke, “Hyɛ, hwɔɔ ji Nyɔhiɔhe nyami be ɔ nɛ, nɛ jinɛ e sa kaa i kɛ matsɛ ya ye ní. Se ha nɛ ma ya laa ye he ngɛ nga a nɔ kɛ yaa si ligbi etɛne ɔ gbɔkuɛ nya si.