Amos 8:4 - BAIBLO ALOO NGMAMI KLƆUKLƆU Ɔ

⁴ Nyɛ jua yeli nɛ nyɛ kpɔɔ níhi ngɛ dɛgutsɛmɛ a dɛ, nɛ nyɛ hlaa kaa nyɛ ma kpata ohiatsɛmɛ nɛ ngɛ zugba a nɔ ɔ a hɛ mi, nyɛɛ bu tue!

Amos 8:4 ပူးပေါင်းရင်းမြစ်များ

Matsɛmɛ I, 22:19

Mikaya ya nɔ nɛ e de ke, “Lɔ ɔ he ɔ, moo bu nɔ́ nɛ Yawɛ de ɔ tue! I na Yawɛ nɛ hii si ngɛ e sɛ ɔ nɔ ngɛ hiɔwe, nɛ e bɔfo ɔmɛ tsuo daa si kɛ bɔle lɛ kɛ kpe.

Hiob 24:4

A fieɔ ohiatsɛmɛ kɛ jeɔ a blɔ nɔ, nɛ ohiatsɛmɛ ɔmɛ ya buaa a he nya nɛ a laa a he.

La 10:7

Munyuhi nɛ jeɔ e nya ji gbiɛmi kɛ sisimi, kɛ níhi nɛ woɔ nɔ susuma he gbeye. E he sɔɔ kɛ tuɔ yakayaka munyuhi, kɛ munyuhi nɛ kɛ nɔ woɔ haomi mi.

La 12:5

Se Yawɛ ke, “Akɛnɛ a ngɛ ohiatsɛmɛ yi mi wae, nɛ dɛgutsɛmɛ ngɛ kɛmɛe he je ɔ, jehanɛ lɛɛ ma te si, nɛ ma ha mɛ he jɔmi nɛ a ngɛ hlae ɔ.”

La 14:4

Yawɛ ngɛ bie ke, “Yayami peeli nɛ ɔmɛ ɔ, anɛ a be juɛmi lo? A ní tsumi kɛkɛ ji kaa a fia ye ma a ojo, se imi, Yawɛ lɛɛ a tsɛ we ye biɛ.”

La 140:12

Yawɛ, i le kaa nihi nɛ a ní ngɛ mɔbɔ ɔ, mo lɛ o hyɛɛ a nɔ, nɛ o yeɔ ohiatsɛmɛ a sane ha mɛ.

La 56:1

Mawu lee, naa mi mɔbɔ, ejakaa nimli adesahi ngɛ mi yi mi wae; ye futsɛmɛ ngɛ mi haoe daa ligbi.

Abɛ Womi 30:14

Ni komɛ sisiɔ ohiatsɛmɛ, kɛ nihi nɛ a ní ngɛ mɔbɔ, nɛ a kpɔɔ níhi ngɛ a dɛ. Bɔ nɛ jamɛatsɛmɛ ɔmɛ peeɔ kɛ yeɔ ní ji nɛ ɔ nɛ.

Yesaya 1:10

Yerusalem, nyɛ nɔ yeli ɔmɛ, kɛ nyɛ ma a mi bi ɔmɛ ngɛ kaa Sodom kɛ Gomora bi pɛ. Nyɛɛ bu nɔ́ nɛ Yawɛ ngɛ nyɛ dee ɔ tue saminya.

Yesaya 28:14

Jehanɛ, nyɛ he nɔ woli nɛ nyɛ ngɛ ma nɛ ɔ nɔ yee ngɛ Yerusalem hiɛmɛ nɛ ɔ, nyɛɛ bu nɔ́ nɛ Yawɛ ngɛ dee ɔ tue.

Yeremia 28:15

I bɔ gbalɔ Hanania amaniɛ nɛ ɔ, nɛ i ya nɔ nɛ i de lɛ ke, “Hanania, bu tue! Yawɛ tsɔ we mo fɛɛ, nɛ o ha nɛ ma nɛ ɔ he lakpa munyu ɔmɛ ye.

Yeremia 5:21

Nyɛ kuasiahi, kɛ nihi nɛ nyɛ be juɛmi! Nyɛ ngɛ hɛngmɛ, se nyɛ hyɛ we nɔ́; nyɛ ngɛ tue, se nyɛ nui nɔ́. Nyɛɛ bu tue!

Ezekiel 22:12

Nyɛ ti ni komɛ heɔ nyɔ mi ní nɛ a kɛ pueɔ muɔ si. Ni komɛ paa sika kɛ haa a nyɛmimɛ Israel fɔfɔɛhi, nɛ a heɔ hekpa fuu ngɛ a dɛ kɛ naa a he kpɔtɔɔ. Nɛ a hɛ je ye nɔ.” Nyɔmtsɛ Yawɛ lɛ de.

Ezekiel 45:10

“Nyɛɛ ngɔ sɛnihi nɛ hi, kɛ susumi níhi nɛ da kɛ tsu ní.

Amos 5:11

I le kaa nyɛ peeɔ yayami agboagbohi babauu. Nyɛ waa nimli kpakpahi yi mi. Nyɛ heɔ nyɔ mi ní. Nyɛ sisiɔ ohiatsɛmɛ, nɛ nyɛ plɛɔ dami sane hɛ mi ngɔ buɔ si. Enɛ ɔmɛ a he je ɔ, mɔ kpakpahi nɛ nyɛɛ kɛ tɛ ma a, nyɛ be a mi hie. Jehanɛ se hu, wai ngmɔ saminyawiiwi nɛ nyɛ pee ɔ, nyɛ be a mi dã nue.

Amos 7:16

Lɔ ɔ he ɔ, nyɛɛ bu nɔ́ nɛ Yawɛ ngɛ dee ɔ tue. Nyɛ ke ma kpa gbami, nɛ ma ko tu munyu kɛ si Israel ma a hu.

Mika 2:2

A hɛ kɔɔ nihi a zugbahi a nɔ, nɛ a kpɔɔ zugba amɛ pani nya; ke we ko nɛ muɔ a hɛ hu, a ngɔɔ faa. A kpɔɔ nihi a wehi ngɛ a dɛ, nɛ a juɔ a weto níhi.

Mika 3:3

Nyɛ yeɔ ye ma mi bi ɔmɛ. Nyɛ kpɔɔ a he womi kɛ jeɔ a he. Nyɛ kuɔ a wuhi, nɛ nyɛ poɔ mɛ kpɔ nya kpɔ nya kaa lo nɛ a kɛ maa wo kutu mi.

Zakaria 5:6

I bi lɛ ke, “Mɛni enɛ ɔ tsɔɔ?” E he nɔ ke, “Kusii. Ee, kusii nɛ ɔ daa si ha yayami tsuo nɛ a pee ngɛ zugba a nɔ ɔ.”

Mateo 23:13

“Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ ngaa hiɔwe matsɛ yemi ɔ nya ngɔ woɔ nihi, se nyɛ nitsɛmɛ lɛɛ nyɛ sɛ́ mi. Ni nɛmɛ nɛ a hlaa kaa a maa sɛ mi ɔ hu nyɛ ngmɛ́ mɛ blɔ! [

Yakobo 5:6

Nihi nɛ peeɔ nɔ́ nɛ da, se a be he wami nɛ a kɛ ma fa a he ɔ, nyɛ bu mɛ fɔ, nɛ nyɛ gbe mɛ.