Amos 8:14 - BAIBLO ALOO NGMAMI KLƆUKLƆU Ɔ

¹⁴ Nimli nɛ ɔmɛ maa nɔ si, nɛ a be si tee hu gblegbleegble. Ejakaa a jaa mawuhi nɛ ngɛ Samaria, Dan, kɛ Beersheba a, nɛ a kɛ a biɛhi kaa kita.”

Amos 8:14 ပူးပေါင်းရင်းမြစ်များ

Matsɛmɛ I, 12:32

Jehanɛ, Yeroboam ngɔ nyɔhiɔ kpaanyɔne ɔ we ligbi nɛ ji nyɔngma kɛ enuɔ ɔ ngɔ pee nyami ligbi kaa bɔ nɛ e ngɛ ngɛ Yuda a. E ya sãã bɔ ngɛ bɔ sami la tɛ ɔ nɔ ngɛ Betel kɛ haa sika tsu na bi ɔmɛ nɛ e puɛ ɔ. E ngɔ osɔfo ɔmɛ hu ya to jami he ɔmɛ nɛ e ma ngɛ Betel ɔ.

Matsɛmɛ I, 14:16

Yawɛ ma je e nine ngɛ Israel he, ejakaa Yeroboam pee yayami, nɛ e ha nɛ Israel hu ya pee yayami.”

Matsɛmɛ I, 16:24

E he Samaria yoku ɔ ngɛ nyumu ko nɛ a tsɛɛ lɛ Shemer ɔ dɛ sika hiɔ yi akpe ekpa. Omri po ma ngɛ yoku ɔ nɔ, nɛ e fia gbogbo ngɔ wo he. E kɛ yoku ɔ tsɛ biɛ Shemer ɔ wo ma a, nɛ ma a biɛ ba pee Samaria.

Matsɛmɛ II, 10:29

Se lɛ hu e ya wo Matsɛ Yeroboam, Nebat binyumu ɔ nane; nɛ e pee yayami. Lɔ ɔ ji sika tsu na bi ɔmɛ nɛ Yeroboam pee kɛ ma Betel kɛ Dan nɛ e ha Israel ja mɛ, nɛ lɔ ɔ plɛ yayami ha mɛ ɔ, Yehu hu ya nɔ nɛ e ja mɛ ja nɔuu.

Kronika II, 36:16

Se mɛɛ lɛɛ, Mawu tsɔli ɔmɛ a he fɛu mohu a yeɔ; a bui Mawu munyu ɔ tue, nɛ e gbali ɔmɛ hu muɔ sɔuu a hii mɛ muɔe hluu kɛ ya si be nɛ Yawɛ mi mi ba fu e ma a wawɛɛ nitsɛ nɛ nɔ́ ko hi peemi ngɛ he hu.

La 140:10

Ha nɛ la ngu hɛuu ba pue a nɔ! A ya nɔ muɔ mi nɛ a ko nyɛ kpo nɛ a je gblegbleegble.

La 36:12

Hyɛ, yayami peeli ɔmɛ nɔ si! A tsɛ̃ mɛ ngɔ ko si, nɛ a nyɛ we nɛ a te si hu.

Abɛ Womi 24:16

Nɔmlɔ kpakpa a, ke e nɔ si nɔtonɔto si kpaago po, e maa te si ekohu. Se nimli yayamihi lɛɛ ke haomi ba a nɔ kɛkɛ a hɛ mi kpata pɛsɛpɛsɛ.

Abɛ Womi 29:1

Nɔ nɛ ke a ka e hɛ mi, nɛ e waa tue kɛ mwɔɔ ɔ, e maa ku kɛ pue si tlukaa, nɛ e be hie tsami.

Yesaya 24:20

E maa hi kpae kɛ hi yae kɛ hi bae kaa dã tɔlɔ, aloo ngmɔ si tsu nɛ kɔɔhiɔ sɛ mi. Yayamihi nɛ je ɔ tloo ɔ ngɛ lɛ gbee; ke e hule pue si ɔ, e be si tee gblegbleegble hu.

Yesaya 43:17

Ta nguaa nɛ ngɛ he wami, nɛ je kpo kɛ e ta zugba lɛhi kɛ okpɔngɔhi babauu ɔ, e ha mɛ tsuo a nɔ si nɛ a nyɛ we nɛ a te si hu; a la a gbo kaa kane mi tako, loo kaa kane nɛ nu ta mi.

Yeremia 25:27

Jehanɛ, Yawɛ de mi ke, “De ma a ke imi Yawɛ Tabohiatsɛ, Israel Mawu ɔ, i ngɛ mɛ fae ke nɔ tsuaa nɔ nɛ nu nɔ́ nɛ ngɛ kplu ɔ mi ɔ kɛ yaa si e maa tɔ dã, nɛ e maa vie, kɛ yaa si e maa nɔ si nɛ e be nyɛe maa te si hu; ejakaa i tsɔ ta nɛ nya wa wawɛɛ nitsɛ kɛ ma a ngɔ.

Yeremia 51:64

nɛ o de ke, ‘Bɔ nɛ Babilonia ma mu kɛ ya nyu sisi ji nɛ ɔ nɛ. Babilonia ma mu, nɛ e be hiae hu, ejakaa Yawɛ ma kpata zugba a hɛ mi pɛsɛpɛsɛ.’ ” Yeremia sɛ gbi ɔ nya ta ngɛ hiɛ ɔ.

Hosea 10:5

Samaria bi maa ye gbeye, nɛ a maa ye kɔmɔ ngɛ sika tsu na ku ɔ nɛ ngɛ Betel nɛ a kpata e hɛ mi ɔ he. A kɛ lakpa osɔfo ɔmɛ tsuo ma nya awe kaa amaga a hɛ mi nyami ɔ laa mɛ.

Hosea 13:16

A maa gbla Samaria tue, ejakaa e tsɔ ye hɛ mi atuã. Ta ma kpata ma a mi bi ɔmɛ a hɛ mi; a maa ngɔ a bimwɔwi ɔmɛ ngɔ fiaa si, nɛ a kɛ klaate ma fɛ yihɔyi ɔmɛ a mi mi.”

Hosea 13:2

A ngɛ yayami pee kɛ mwɔɔ. A ngɛ amagahi jae. Se amaga nɛ ɔmɛ ɔ, nimli a juɛmi kɛ a nine nya ní tsumi nɛ a kɛ sika hiɔ pee ji mɛ. Amagahi nɛ a ngɛ kaa na bi ɔ, ní nɛ ɔmɛ nyɛ ke a sã bɔ ha lo? Kɛ nimli adesahi maa pee kɛɛ nɛ a ma fiɔ ní nɛ ɔmɛ a nya he?

Hosea 4:15

“Israel, nyɛ yi mi anɔkuale; nyɛɛ hyɛ nɛ hi nɛ Yuda ko ba pee kaa nyɛ. Nyɛ ko ya ja Mawu ngɛ Gilgal, loo Betaven; nɛ nyɛ kó ka kita ngɛ Yawɛ, Mawu hɛ kalɔ ɔ biɛ mi hulɔ.

Amos 5:1

Israel ma, nyɛɛ bu kɔmɔ yemi la nɛ ɔ nɛ imi Amos, i ngɛ lae ha nyɛ ɔ tue:

Amos 5:2

Israel bi nɛ nyɛ ngɛ kaa zangmawi! Nyɛ nɔ ta, nɛ nyɛ be si tee hu. A gbe nyɛ ngɔ pue nyɛ nitsɛmɛ nyɛ zugba nɔ; Nɛ nɔ ko bɛ nɛ e ba wo nyɛ nɔ.

Amos 5:5

Nyɛ ko ya ja mi ngɛ Beersheba hu. Nyɛ ko ya hla mi ngɛ Betel hu, ejakaa Betel maa pee ma doku, kɛ mumi yayamihi a hi he. Nyɛ ko ya Gilgal, ejakaa a maa nuu Gilgal ma mi bi ɔmɛ nyɔguɛ kɛ je.

Mika 1:5

Ní nɛ ɔmɛ tsuo maa ba mi, ejakaa Israel ma a pee yayami kɛ si Mawu, nɛ a tsɔ e hɛ mi atuã. Israel atuã tsɔmi ɔ, mɛnɔ kɛ ba? Ma nguaa a nɛ a tsɛɛ Samaria a, lɛ! Mɛnɔ yeɔ fɔ kaa e kɛ amaga jami ba Yuda? Yerusalem nitsɛ!

Zefania 1:5

Nɔ tsuaa nɔ nɛ kuɔɔ kɛ yaa tsu yi mi, nɛ e ya jaa pu, loo nyɔhiɔ, loo dodoe ɔ, ma kpata e hɛ mi. Nihi nɛ a jaa imi Yawɛ, nɛ a woɔ si ke a maa nyɛɛ ye se, se a kɛ mawu ɔ nɛ a tsɛɛ Milkom ɔ biɛ kaa kita a, mɛ hu ma kpata a hɛ mi.

Ni Tsumi 18:25

A tsɔɔ nyumu nɛ ɔ Nyɔmtsɛ ɔ blɔ ɔ, nɛ e kɛ kã, kɛ mumi nɛ nya wa fiɛ Mawu munyu ɔ; nɛ e tsɔɔ Yesu he ní fitsofitso. Pohu Yohane nɔ sɔlemi ɔ pɛ nɛ e le.

Ni Tsumi 19:23

Be nɛ ɔ mi nɔuu ɔ, basabasa peemi wawɛɛ ko ba te si ngɛ Efeso ngɛ Nyɔmtsɛ ɔ blɔ ɔ he.

Ni Tsumi 19:9

Se ni komɛ wa tue, nɛ a he we yi; nɛ ngɛ ni ɔmɛ tsuo a hɛ mi ɔ, a tu munyu yaya kɛ si Nyɔmtsɛ ɔ blɔ ɔ. Lɔ ɔ he ɔ, Paulo je a he nɛ e je kaseli ɔmɛ kɛ je a kpɛti; nɛ daa nɛ ɔ, e kɛ nihi ya hlaa níhi a mi ngɛ nɔ ko nɛ a tsɛɛ lɛ Tirano ɔ ni kasemi he.

Ni Tsumi 24:14

Niinɛ ɔ, wa nɛmɛ a Mawu ɔ i jaa ngɛ tsɔɔmi ɔ nɛ mɛɛ a deɔ ke e pi blɔ kpakpa a mi. Imi hu níhi nɛ a ngma ngɛ Mose mlaa a, kɛ gbali ɔmɛ a womi ɔmɛ a mi ɔ, i heɔ lɛ tsuo yeɔ.

Ni Tsumi 9:2

nɛ e ya bi nɛ a ha lɛ womi nɛ e kɛ ya Damasko kpe he ɔmɛ, konɛ ke e na Nyɔmtsɛ ɔ se nyɛɛli komɛ ngɛ lejɛ ɔ, nyumuhi jio, yihi jio, e nuu mɛ kɛ ba Yerusalem.

Mose V, 33:11

Lɔ ɔ he ɔ, Yawɛ, moo gbaa Levi bi ɔmɛ, nɛ a he nɛ wa. Ha nɛ a pee nɔ́ nɛ maa sa o hɛ mi. Moo ku a he nyɛli ɔmɛ tsuo a mi kɛ pue si, nɛ a ko te si gblegbleegble.”

Mose V, 9:21

Jehanɛ, jamɛ a nɔ́ yaya a nɛ nyɛ sɔ̃, nɛ ji na bi ɔ, i ngɔ, nɛ i sã ngɛ la mi. Lɔ ɔ se ɔ, i ywia lɛ wɔtsɔwɔtsɔ nɛ i wɛɛ lɛ bɔdɔbɔdɔ; e pee kaa tabo zu, nɛ i ya hɛ lɛ ngɔ pue pa a nɛ je yo ɔ nɔ kɛ ngɛ bee ɔ mi.