Amos 8:11 - BAIBLO ALOO NGMAMI KLƆUKLƆU Ɔ

¹¹ “Be ma, nɛ ma ha nɛ hwɔ maa ba zugba a nɔ; pi mi mi hwɔ, loo kuma. Se sɛ gbi nɛ maa je imi Yawɛ, ye ngɔ ɔ, ma bɔ nyɛ. Imi, Nyɔmtsɛ Yawɛ lɛ i de.

Amos 8:11 ပူးပေါင်းရင်းမြစ်များ

Kronika II, 15:3

Be saii ji nɛ ɔ nɛ Israel ma a ngɛ kɛkɛ, nɛ a ja we anɔkuale Mawu ɔ; osɔfohi be nɛ maa tsɔɔ mɛ ní ɔ, mlaa ko hu be.

La 74:9

Wa pa nɛ okadi ko hu; gbalɔ ko gbalɔ ko be hu. Nɔ ko nɔ ko hu li be nɛ nɔ́ nɛ ɔ se maa po.

Abɛ Womi 29:18

Ma nɛ kɛ e hɛ fɔɛ Mawu nɔ ɔ, e níhi peeɔ basaa. Nɔ nɛ yeɔ mlaa a nɔ ɔ, a gbaa lɛ.

Yesaya 5:6

Ma ha nɛ ngmɔ ɔ mi nɛ hɛ. I be wai tso ɔmɛ a he sãe, nɛ ngmɔ ɔ mi hu i be hue. Nɔ́ nɛ ma pee mohu ji, ma ngmɛ blɔ nɛ mio tso, kɛ mio maa puɛ ngɛ ngmɔ ɔ nɔ. Pi lɔ ɔ kɛkɛ, se mohu i be hae nɛ hiɔmi nɛ nɛ ngɔ pue ngmɔ ɔ nɔ hu.”

Ezekiel 7:26

Amanehlu maa nyɛɛ amanehlu se; nɛ munyu yobu maa nyɛɛ munyu yobu se; nyɛ ma hla nina kɛ je gbali ɔmɛ a ngɔ, se osɔfo ɔmɛ po mlaa maa laa mɛ kulaa; nɛ nyɛ ma nimeli ɔmɛ hu be ga kpakpa ko nyɛe maa wo.

Hosea 2:3

Ke pi ja a, ma kpa bo ngɛ e he, nɛ e he maa fɔ si paslapaa kaa bɔ nɛ a fɔ lɛ ɔ. Ma ha e maa pee kaa zugba gbigbli nɛ bɛ ní; nɛ nyu kuma maa gbe lɛ.

Mika 3:6

“Nyɛ ligbi ɔ nya ta, nɛ du miɔ nɛ e ma bu nyɛ. Nyɔ mi ɔ, nyɛ be ní nae hu; ke diblii wo ɔ, nyɛ be klaae hu.” Yawɛ lɛ de.

Mateo 9:36

Benɛ e na ma kpekpemi ɔ, e mi mi sã lɛ ngɛ ni ɔmɛ a he, ejakaa pɔ tɔ mɛ, nɛ a dɛ yaa kaa tohi nɛ be hyɛlɔ.

Samuel I, 28:15

Samuel bi Saul ke, “Mɛni he je o hao mi kikɛ nɛ ɔ? Mɛni he je o ba tsɛ mi?” Saul he nɔ ke, “Ye yi fi. Lɔ ɔ ji Filisti bi ɔmɛ kɛ mi ngɛ ta hwue, nɛ Mawu je ye se. Ke i tsɛ lɛ ɔ, e he we nɔ; jehanɛ hu i nui e he kɛ gui gbali ɔmɛ a nɔ, loo nlami mi. Enɛ ɔ he je nɛ i ba tsɛ mo, konɛ o tsɔɔ mi bɔ nɛ ma pee.”

Samuel I, 28:6

lɔ ɔ he ɔ, e ya bi Yawɛ ga womi. Se Yawɛ pui e nya mi. E na we sɛ gbi ko kɛ gui nlami mi. Urim kɛ Tumim de we lɛ nɔ́ ko, nɛ e nui nɔ́ ko kɛ ji gbalɔ ko gbalɔ ko nya.

Samuel I, 3:1

Be mi nɛ jokuɛ nyumuyo Samuel ɔ ngɛ Eli ngɔ nɛ e ngɛ Yawɛ sɔmɔe ɔ, Yawɛ nya mi sɛ gbi pɔɛ he; nɛ ní nami hu pɔɛ he.