Amos 8:10 - BAIBLO ALOO NGMAMI KLƆUKLƆU Ɔ

¹⁰ Jehanɛ se hu, be mi nɛ nyɛ ngɛ ní yee, nɛ nyɛ ngɛ nyae ɔ, ma ha nɛ nyɛ ma bɔni kɔmɔ yemi jamɛ a be ɔ mi nɔuu; ma tsake nyɛ bua jɔmi la amɛ kɛ pee kɔmɔ yemi lahi. Ma ha nɛ nyɛ ma sã nyɛ yi nɔ, nɛ nyɛ ma bu kpekpe ya bo. Ma ha nɛ nyɛ maa ye kɔmɔ kaa nɔ ko nɛ e bi kake too pɛ ɔ gbo; nɔ tsuaa nɔ maa pee mɔbɔmɔbɔ jamɛ a ligbi ɔ.

Amos 8:10 ပူးပေါင်းရင်းမြစ်များ

Mose I, 21:16

nɛ e ho ya hi si ngɛ he ko banee, maa pee gugue nyingmi enuɔ loo nɔ kɛmi kɛ je he nɛ jokuɛ ɔ ngɛ ɔ. E de ngɛ e yi mi ke, “I be nyɛe nɛ ma hi jokuɛ ɔ hɛ mi hyɛe kɛ yaa si e ma gbo.” Benɛ e hii si ngɛ lejɛ ɔ, e bɔni ya fomi.

Hiob 20:23

Mawu ma ha e mi mi la nɛ nya wa a ma kple e nɔ kaa niye ní nɛ e ye nɛ e tɔ.

Hiob 3:5

Ha nɛ e pee mɔbɔ ligbi, nɛ je ɔ mi nɛ wo diblii kpii. Ha nɛ bɔku tuu ba ha pu ɔ hɛ mi.

Hiob 30:31

Ye gbi nɛ jijeɔ kaa saku, aloo bɛ ɔ, mwɔnɛ ɔ, e pɛɛ kaa nihi nɛ a wo yana kɛ ngɛ kɔmɔ yee.

Yesaya 3:24

Nu je via be hae nɛ a he maa je via hu, a he maa je fu mohu; tangme kpa titlii a kɛ maa fi a mlɛ mi, pi mlɛ mi fimi nɔ́ saminyawiiwi ɔmɛ hu; yi nɛ a hɔɔ saminyayoo ɔ maa pee kpalokpalo; a heha ní kpakpa amɛ ma plɛ pee tako piɛ; a he fɛu ɔ ma plɛ pee zo ha mɛ!

Yeremia 2:19

Mo nitsɛ o ní yayami ɔmɛ maa gbla o tue; o se yami ɔ ma ka o hɛ mi. O ma ba na paa kaa kuami nɛ o kua imi, Yawɛ o Mawu ɔ, kɛ ye hɛ mi atuã nɛ o tsɔ ɔ ji nɔ́ ko nɛ hí kulaa; e ngɛ kaa nɔ́ ko nɛ dooɔ kaa agba. Imi, Nyɔmtsɛ Yawɛ Tabohiatsɛ ɔ lɛ i de.”

Yeremia 48:37

A ti nɔ tsuaa nɔ sã e yi nɔ kpalokpalo, nɛ e sɛ kpɛni. Mɛ tsuo a poo a kɔnihi a he, nɛ a ngɔ kpekpe kɛ muɔ a mlɛ mi.

Yeremia 6:26

Yawɛ de e ma a ke, “Nyɛ bu kpekpe ya bo, nɛ nyɛɛ ngɔ nyɛ he kɛ wuwlua si ngɛ la zu mi. Nyɛɛ wo yana nɛ nyɛɛ ye kɔmɔ kaa a yeɔ kɔmɔ kɛ haa bi kake too nɛ gbo, ejakaa ta a nɛ ma nyɛ hɛ mi kpatami ɔ ma ba tua nyɛ tlukaa.

Kɔmɔ Yemi 5:15

Bua jɔmi ko be ha wɔ ngɛ je mi hu; wa kpa domi nɛ wa ngɛ kɔmɔ yee.

Ezekiel 7:18

A ma bu kpekpe ya bo; sawale maa nu mɛ. A ma sã mɛ tsuo a yi nɔ ha mɛ, nɛ zo maa gbe mɛ kpɔtɔɔ.

Ezekiel 7:2

“Nɔmlɔ adesa, bɔ nɛ imi Nyɔmtsɛ Yawɛ, i ngɛ Israel zugba a dee ji nɛ ɔ nɛ: O gbe nya pɛ! Israel zugba a tsuo, o nyagbe ɔ su jehanɛ!

Hosea 2:11

E nyami be ɔmɛ: Nyɔhiɔhe, Hejɔɔmi, kɛ nyami be kpa amɛ tsuo a se maa po.

Hosea 2:13

Ma gbla Gomer tue ngɛ níhi nɛ e pee be ko ɔ a he. Ke pee ɔ, Gomer ma dla e he saminyayoo kɛ nguɛ ní, kɛ june kpakpa, nɛ e ma ya sã tsopa kɛ e he via ha Baal. E ma dla e he saminyayoo kikɛ nɛ ɔ, nɛ e ma ya hi e pla amɛ a nɔ kpae; kɛkɛ ɔ, e hɛ maa je ye nɔ pɛsɛpɛsɛ. Ma gbla e tue ngɛ ní nɛ ɔmɛ a he. Yawɛ lɛ de.

Yoel 1:8

Nyɛ nya awe kaa bɔ nɛ yomiyo nyɛɛ ya kɛ haa nyumu nɛ na we nɛ e kpee lɛ loko e gbo ɔ.

Mose III, 13:40

Ke bwɔmi ta nyumu yi mi ɔ, e yi mi kɛkɛ lɛ kpa; se e he tsɔ.

Amos 5:21

Yawɛ ke, “Kusumihi nɛ nyɛ peeɔ, kɛ gua pɔtɛɛhi nɛ nyɛ bɔɔ ngɛ nyɛ nyami ligbi ɔmɛ a nɔ, nɛ nyɛɛ kɛ woɔ ye hɛ mi nyami ɔ, i hiee, nɛ i na we a he bua jɔmi.

Amos 5:23

Nyɛɛ jɔɔ mi haomi kɛ la nɛ nyɛ laa kɛ ngmlaa boboobo ɔ; nyɛ kpa saku ɔmɛ hu, i hla we nɛ ma nu a gbi.

Amos 8:3

Jamɛ a ligbi ɔ, yi ɔmɛ nɛ a hii lae ngɛ matsɛ we ɔ mi ɔ ma nya awe mohu. A ma sake ni gbogboehi babauu kɛ fɔ he tsuaa he dii, nɛ a be nɔ́ ko nɔ́ ko he nue.”

Nahum 1:10

Kaa bɔ nɛ a buaa mio tsohi, kɛ go gbigbli nya nɛ a sãã a, jã e maa sã nyɛ butuu!

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Mose V, 16:14

Nyɛɛ kɛ nyɛ bimɛ ɔmɛ, nyɛ sɔmɔli ɔmɛ, Levi bi ɔmɛ, nibwɔ ɔmɛ, awusa amɛ, kɛ yalɔyi ɔmɛ nɛ ngɛ nyɛ ma amɛ a mi ɔ tsuo nyɛɛ ye nyami be nɛ ɔ.