Amos 7:9 - BAIBLO ALOO NGMAMI KLƆUKLƆU Ɔ

⁹ A ma kpata hehi tsuo nɛ Isak nina a jaa mi ngɛ ɔ a hɛ mi. Israel he klɔuklɔu ɔmɛ maa pee kaa kuku nɔ, nɛ ma ha nɛ Yeroboam matsɛ yemi ɔ se maa po.”

Amos 7:9 ပူးပေါင်းရင်းမြစ်များ

Mose I, 46:1

Yakob hia, kɛ e nɔ́ tsuaa nɔ́. Benɛ e su Beersheba a, e sã bɔ kɛ ha e tsɛ Isak Mawu ɔ ngɛ lejɛ ɔ.

Amos 8:14

Nimli nɛ ɔmɛ maa nɔ si, nɛ a be si tee hu gblegbleegble. Ejakaa a jaa mawuhi nɛ ngɛ Samaria, Dan, kɛ Beersheba a, nɛ a kɛ a biɛhi kaa kita.”

Amos 5:5

Nyɛ ko ya ja mi ngɛ Beersheba hu. Nyɛ ko ya hla mi ngɛ Betel hu, ejakaa Betel maa pee ma doku, kɛ mumi yayamihi a hi he. Nyɛ ko ya Gilgal, ejakaa a maa nuu Gilgal ma mi bi ɔmɛ nyɔguɛ kɛ je.

Amos 3:14

Ligbi ɔ nɛ ma gbla Israel tue ngɛ a yayami ɔmɛ a he ɔ, ma ywia bɔ sami la tɛ ɔmɛ ngɛ Betel ma a mi. Bɔ sami la tɛ ɔmɛ a he koli ɔmɛ nɛ a saa we ngɛ a he ɔ, ma ku mɛ tsuo ngɔ pue si.

Hosea 10:8

Wɔ piɛhi nɛ ngɛ Aven yoku ɔ nɔ, he nɛ Israel ma a ya jaa amaga amɛ ngɛ ɔ, a ma kpata a hɛ mi. Mio tso, kɛ hu maa bɔ kɛ pue a bɔ sami la tɛ ɔmɛ a nɔ. Nɛ Israel bi ma kpa ngmlaa ma de yo gagaa amɛ ke, “Nyɛ ba ha wa nɔ!” nɛ a ma de yoku ɔmɛ ke, “Nyɛ ba nɔ wa nɔ!”

Yesaya 63:18

Wɔ o ma klɔuklɔu ɔ, wa hi o he klɔuklɔu ɔ be bɔɔ, kɛkɛ nɛ wa he nyɛli ba ywia o ma a!

Yeremia 51:51

Nyɛ deɔ ke, ‘Wa hɛ mi pue si! Ahlua bɔ wɔ! Wa yi ta pɛ! Ejakaa he klɔuklɔuhi ngɛ Yawɛ we ɔ, nibwɔhi ba ngɔ.’

Amos 7:11

Nɔ́ nɛ Amos ngɛ dee ji, mo nɛnɛ ɔ, o ma gbo ngɛ ta mi. Se Israel ma a lɛɛ a maa nuu mɛ nyɔguɛ kɛ maa je a zugba a nɔ kɛ ho.”

Amos 7:13

Se Betel ma nɛ ɔ mi lɛɛ o be hie nɛ o kɛ gba hu gblegbleegble. Ejakaa hiɛmɛ nɛ ɔ lɛ matsɛ ɔ jaa Mawu ngɛ; hiɛmɛ nɛ ɔ ji ma a tsuo a jami he klɔuklɔu.”

Mika 1:5

Ní nɛ ɔmɛ tsuo maa ba mi, ejakaa Israel ma a pee yayami kɛ si Mawu, nɛ a tsɔ e hɛ mi atuã. Israel atuã tsɔmi ɔ, mɛnɔ kɛ ba? Ma nguaa a nɛ a tsɛɛ Samaria a, lɛ! Mɛnɔ yeɔ fɔ kaa e kɛ amaga jami ba Yuda? Yerusalem nitsɛ!

Matsɛmɛ II, 14:24

E pee yayami kɛ si Yawɛ. Yayamihi tsuo nɛ Yeroboam, Nebat binyumu ɔ ha nɛ Israel pee ɔ, e ngmɛɛ we he.

Ezekiel 6:3

De Israel yo ɔmɛ ke a bu Nyɔmtsɛ Yawɛ munyu ɔ tue. De mɛ ke a nu nɔ́ nɛ imi Nyɔmtsɛ Yawɛ, i ngɛ yo gagaa amɛ, yoku ɔmɛ, dɔgba amɛ, kɛ kɔ̃ ɔmɛ tsuo dee ɔ. Imi nitsɛ ma hia ta kɛ wo nyɛ; ma gbɛ nyɛ jami he ɔmɛ.

Amos 9:1

I na Yawɛ nɛ daa si ngɛ bɔ sami la tɛ ɔ hɛ mi. E fa ke, “Nyɛɛ ngɔ nɔ́ kɛ fia titima amɛ nɛ ngɛ Yawɛ we ɔ mi ɔ a yi mi kpɔ ɔmɛ a nɔ wawɛɛ, konɛ tsu ɔ sisi tomi ɔ nɛ mimiɛ, nɛ tsu ɔ nɛ hule ngɔ pue ni ɔmɛ tsuo nɛ ngɛ lejɛ ɔ a nɔ. Ni nɛmɛ nɛ maa piɛ ɔ, ma gbe mɛ ngɛ ta nga nɔ; nɔ ko nɔ ko be fo tue kɛ je, nɛ nɔ kake ngmelu po he be mi jee.