Amos 7:8 - BAIBLO ALOO NGMAMI KLƆUKLƆU Ɔ

⁸ E bi mi ke, “Amos, mɛni o na?” I he nɔ ke, “Sumui kɛ e nya kpa.” Kɛkɛ nɛ e de mi ke, “I ngɔ sumui kɛ e nya kpa nɛ ɔ kɛ ngɛ ye ma Israel ɔ susue kaa a susuɔ gbogbo. Enɛ ɔ he je ɔ, i be ye yi mi tomi ɔ tsakee hu; ja i gbla a tue kokooko!

Amos 7:8 ပူးပေါင်းရင်းမြစ်များ

Matsɛmɛ II, 21:13

Bɔ nɛ i gbla Samaria, kɛ Israel matsɛ, Ahab kɛ e we ɔ a tue ɔ, ja nɔuu ma pee Yerusalem. Ma ha nɛ a maa muɔ nimli ɔmɛ tsuo kɛ je Yerusalem, nɛ Yerusalem ma a maa pee falifali kaa kã nɛ a fɔ mi nɛ a plɛ ngɔ bu si.

Yesaya 28:17

Ma ngɔ dami sane yemi kɛ pee susumi kpa.” Ahumi kɛ gbiɛ ngo ngu maa bɛɛ lakpa amɛ tsuo kɛ ho, nɛ pahi maa je a hi he ɔmɛ.

Yesaya 34:11

Se kayo, kɛ kɔtɔkɔ maa ngɔ lejɛ ɔ ngɔ pee a nɔ́; nɛ klomi kɛ kuakualabite maa hi lejɛ ɔ. Yawɛ ma ha zugba a nɔ maa je gu kulaa kaa bɔ nɛ e ngɛ be nɛ a bɔ je ɔ.

Yeremia 15:6

Nyɛ kua mi; nyɛ plɛ nyɛ se kɛ wo mi. Enɛ ɔ he je ɔ, imi hu i wo ye nine nɔ ngɛ nyɛ nɔ, nɛ i kpata nyɛ hɛ mi. Ejakaa bɔ nɛ i ngɔɔ nyɛ he kɛ kee nyɛ daa nɛ ɔ, pɔ ba tɔ mi jehanɛ.

Kɔmɔ Yemi 2:8

Yawɛ to e yi mi kaa a ku Zion gbogbo ɔmɛ ngɔ pue si. E susu a kami kɛ blimi kɛ to, bɔ nɛ pee nɛ a kpata nɔ́ tsuaa nɔ́ hɛ mi pɛsɛpɛsɛ. Amlɔ nɛ ɔ, mɔ ɔmɛ, kɛ gbogbo ɔmɛ tsuo ku kɛ pueɔ si.

Hosea 1:6

E na mi ekohu nɛ e fɔ yo. Yawɛ de Hosea ke, “Moo wo lɛ ke, ‘Asumemo’. Ejakaa i be Israel sane suɔe hu, nɛ i be a tɔmi ngɔe kɛ pa mɛ.

Amos 7:7

Jehanɛ, nɔ́ kpa ko hu nɛ Nyɔmtsɛ ɔ je ngɔ tsɔɔ mi ngɛ nina mi ji nɛ ɔ nɛ. I na Nyɔmtsɛ ɔ nɛ e hɛɛ sumui kɛ e nya kpa kɛ daa si ngɛ gbogbo ko he.

Amos 8:2

Yawɛ tsɛ ye biɛ, nɛ e bi ke, “Amos, mɛni o na?” I he nɔ ke, “Kusii kɛ e mi tso yiblii nɛ fu.” Kɛkɛ nɛ Yawɛ de mi ke, “Tso yiblii ɔ daa si ha ye ma Israel. Bɔ nɛ tso yiblii ɔ fu ɔ tsɔɔ kaa be ɔ su jehanɛ, nɛ ma gbla a tue; i be ye yi mi tomi ɔ tsakee hu.

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

Zakaria 4:10

Amlɔ nɛ ɔ nɛ ní tsumi ɔ yɛ nɔ kpakpa ko ɔ, nɛ ni ɔmɛ pee kaa nɔ́ nɛ a kɔni mi jɔ̃. Se ke a na Zerubabel nɛ ngɛ Mawu we ɔ mae ekohu ɔ, a bua maa jɔ.”

Zakaria 4:2

E bi mi ke, “Mɛni o na?” I he nɔ ke, “I na kane tso nɛ a kɛ sika tsu pee. Tɔ maa si ngɛ e yi mi. Kane kpaago ngɛ kane tso ɔ he. Kane ɔmɛ eko fɛɛ eko hɛɛ puɔ kpaago.

Zakaria 5:2

Bɔfo ɔ bi mi ke, “Mɛni o na?” I he nɔ ke, “I na womi kpo ko nɛ ngɛ tee kɛ bee; e kami maa pee gugue enuɔ, nɛ e blimi maa pee gugue enyɔ kɛ fa.”