Amos 7:5 - BAIBLO ALOO NGMAMI KLƆUKLƆU Ɔ

⁵ Kɛkɛ nɛ i fa kue ha Nyɔmtsɛ Yawɛ ke, “Nyɔmtsɛ Yawɛ lee, i kpa mo pɛɛ, ha nɛ la a se nɛ po! Kɛ o ma a maa pee kɛɛ nɛ a yi ma na wami? Israel ɔ, ma wayoo kɛkɛ ji mɛ; a he wɛ tsɔ ko!”

Amos 7:5 ပူးပေါင်းရင်းမြစ်များ

La 85:4

Mawu, wa yi wami helɔ, kpale wɔ kɛ ba o ngɔ ekohu. O mi mi ko fu wɔ hu!

Yesaya 1:9

Kaa Yawɛ Tabohiatsɛ ɔ ha we nɛ wa ti ni komɛ a yi nɛ na wami ɔ, wa ko pee kaa Sodom kɛ Gomora.

Yesaya 10:25

Ma gbla nyɛ tue be bɔɔ ko kɛkɛ, nɛ lɔ ɔ se ɔ, ma kpata a hɛ mi.

Yeremia 30:19

Ni nɛmɛ nɛ ngɛ lejɛ ɔ ma la yi jemi la, nɛ a ma hwɔ lele. Ma gbaa mɛ; a maa hiɛ babauu, nɛ ma wo a hɛ mi nyami.

Ezekiel 9:8

Benɛ a ngɛ ni ɔmɛ gbee ɔ, e ba piɛ imi nɔ kake too nɛ a gbi mi. I ngɔ ye hɛ mi ngɔ bu si, nɛ i kpa ngmlaa ke, “Ao, Nyɔmtsɛ Yawɛ, bɔ nɛ o ngɔ o mi mi la kɛ kple Yerusalem nɔ nɛ ɔ, anɛ o miɔ nɛ o kpata Israel bi nɛ piɛ ɔ tsuo a hɛ mi lo?”

Yoel 2:17

Osɔfo ɔmɛ nɛ sɔmɔɔ Yawɛ ngɛ e we ɔ mi sinya a nya, kɛ bɔ sami la tɛ ɔ he ɔ, a wo yana, nɛ a fa kue ke, “Yawɛ, naa o ma a mɔbɔ. Ko ha nɛ je ma kpa amɛ nɛ a bɔ wɔ ahlua, nɛ a ye wa he fɛu, nɛ a bi wɔ ke, ‘Jije nyɛ Mawu ɔ ngɛ?’ ”

Zakaria 4:10

Amlɔ nɛ ɔ nɛ ní tsumi ɔ yɛ nɔ kpakpa ko ɔ, nɛ ni ɔmɛ pee kaa nɔ́ nɛ a kɔni mi jɔ̃. Se ke a na Zerubabel nɛ ngɛ Mawu we ɔ mae ekohu ɔ, a bua maa jɔ.”

Mose IV, 14:19

I kpa mo pɛɛ, ngɔɔ ma nɛ ɔ he yayami ɔmɛ kɛ pa mɛ ngɛ o mɔbɔ nami kpetekpleenyɛ ɔ nya, kaa bɔ nɛ o ngɔ a he yayami ɔmɛ kɛ pa mɛ kɛ je Egipt hluu kɛ ba si amlɔ nɛ ɔ.”