Amos 7:4 - BAIBLO ALOO NGMAMI KLƆUKLƆU Ɔ

⁴ Nɔ́ kpa ko nɛ Nyɔmtsɛ Yawɛ je ngɔ tsɔɔ mi ngɛ nina mi ji nɛ ɔ nɛ: Nyɔmtsɛ Yawɛ tsɔɔ mi bɔ nɛ e ngɔ la kɛ gbla e ma a tue. La a sã muɔ voo ɔ nɛ ngɛ zugba a sisi ɔ, nɛ e bɔni zugba a hu sami.

Amos 7:4 ပူးပေါင်းရင်းမြစ်များ

Yesaya 27:4

Ye wai ngmɔ ɔ he mi mi la ko be ye mi hu. Ke kaa miohi, kɛ mio pu kɛkɛ nɛ i kɛ gba ta a, jinɛ ma ya mɛ a he la, nɛ ma sã mɛ tsuo.

Yeremia 4:4

Somi nɛ nyɛɛ kɛ imi Yawɛ, nyɛ so ɔ, nyɛɛ ye nɔ, nɛ nyɛɛ ngɔ nyɛ he kɛ ha mi, nyɛ Yuda ma, kɛ Yerusalem bi. Ke nyɛ pee we ja a, ye mi mi ma fu nyɛ ngɛ nyɛ ní yayami ɔmɛ a he. Nɛ ke ye mi mi fu ɔ, nɔ ko be nyɛe maa jɔɔ he.”

Ezekiel 21:3

imi Yawɛ, nɔ́ nɛ i ngɛ dee ji i kɛ mo ná. Ma hia ye klaate kɛ je e kpo ɔ mi, nɛ ma kpata nɔ tsuaa nɔ hɛ mi, dalɔ jio, yayami peelɔ jio.

Yoel 1:19

Yawɛ, i ngɛ kue fae kɛ ngɛ mo tsɛe; ejakaa la sã tso ɔmɛ tsuo ngɛ nga a nɔ. La kpata lohwe lɛmi he ɔmɛ tsuo a hɛ mi ngɛ nya nɔ!

Yoel 2:30

“Ma ha a maa na jamɛ a ligbi ɔ he okadi nɛ ɔmɛ ngɛ hiɔwe, kɛ zugba a nɔ: muɔ, kɛ la, kɛ la su ku kpii.

Mose III, 10:2

Tlukaa a, la je Yawɛ ngɔ ba sã mɛ, nɛ a gbo ngɛ lejɛ ɔ.

Amos 1:4

Ma mɛ we ɔ nɛ Matsɛ Hazael po ɔ he la, nɛ Matsɛ Benhadad mɔ ɔmɛ maa sã.

Amos 1:7

Ma mɛ Gaza gbogbo ɔmɛ, kɛ mɔ ɔmɛ a he la.

Amos 2:5

Ma mɛ Yuda ma a, kɛ Yerusalem mɔ ɔmɛ a he la.”

Amos 4:11

“I kpata nyɛ ti ni komɛ a hɛ mi kaa bɔ nɛ i pee Sodom kɛ Gomora ma amɛ ɔ. Ni nɛmɛ nɛ a he je mi ɔ ngɛ kaa la tso nɛ a hia kɛ je la mi. Se loloolo ɔ, nyɛ kpale we kɛ bɛ ye ngɔ.” Yawɛ lɛ de.

Amos 5:6

“Ke nyɛ kpale we kɛ bɛ ye ngɔ ɔ, ma ba nyɛ Israel bi ɔmɛ nyɛ kpɛti kaa la nɛ ngɛ tsoe gegeege. La nɛ ɔ maa sã Betel ma mi bi ɔmɛ, nɛ nɔ ko nɔ ko be nyɛe nɛ e gbe.” Nɔ́ nɛ Yawɛ de Israel bi ɔmɛ ke a pee, konɛ a yi nɛ na wami ji nɛ ɔ nɛ.

Amos 7:1

Nɔ́ ko nɛ Nyɔmtsɛ Yawɛ je ngɔ tsɔɔ mi ngɛ nina mi ji nɛ ɔ nɛ. I na lɛ nɛ e ngɛ baalɛhi babauu bɔe be mi nɛ a poo nga kɛ ha matsɛ ɔ ta. Jamɛ a be ɔ mi nɔuu lɛ nga mumu bɔni puɛmi ekohu.

Amos 7:7

Jehanɛ, nɔ́ kpa ko hu nɛ Nyɔmtsɛ ɔ je ngɔ tsɔɔ mi ngɛ nina mi ji nɛ ɔ nɛ. I na Nyɔmtsɛ ɔ nɛ e hɛɛ sumui kɛ e nya kpa kɛ daa si ngɛ gbogbo ko he.

Mika 1:4

Yo ɔmɛ maa sile ngɛ e nane sisi kaa hwo gbaku ngɛ la mi; nɔ́ nɛ sile ɔ ma kpa ngɔ pue kɔ̃ ɔmɛ a mi kaa pa nɛ hia kɛ bee ngɛ yoku he kɛ yaa kɔ̃ mi.

Nahum 1:6

Ke e mi mi fu ɔ, mɛnɔ ma nyɛ maa da nya? Ke e hɛ dɔ wawɛɛ ɔ, mɛnɔ yi ma na wami? Ke e je e mi mi la glegleegle ɔ kpo ɔ, tɛ sahi peeɔ wɔtsɔwɔtsɔ kaa bunyuku ngɛ e hɛ mi.

Mose IV, 16:35

Kɛkɛ nɛ la je Yawɛ ngɔ ba sã nimli lafa enyɔ kɛ nyingmi enuɔ ɔmɛ nɛ a ngɔ tsopa kɛ e he via a kɛ ba a.

Mose V, 32:22

Ye mi mi fumi nya maa wa wawɛɛ kaa la nɛ ngɛ tsoe; e maa sã nɔ́ tsuaa nɔ́ ngɛ je ɔ mi kɛ ya su gbeje tɔɔ; e maa sã yo ɔmɛ a sisi tomi ɔmɛ hulɔ.

Hebribi 1:7

Bɔfo ɔmɛ lɛɛ nɔ́ nɛ Mawu de ngɛ a he ji, “Mawu haa e bɔfo ɔmɛ peeɔ kaa kɔɔhiɔ, nɛ e tsɔli ɔmɛ peeɔ kaa la lilɛhi.”

Kpojemi 4:1

Enɛ ɔ se ɔ, i na nina kpa. I na nɛ a bli sinya ko ngɔ fɔ si ngɛ hiɔwe. Nɛ gbi ɔ nɛ i nu nɛ pɛ kaa titimati, nɛ e kɛ mi ba tu munyu be ko ɔ de ke, “Ba hiɛ ɔ nɛ ma tsɔɔ mo níhi nɛ maa ba mi be kpiti mi.”