Amos 7:15 - BAIBLO ALOO NGMAMI KLƆUKLƆU Ɔ

¹⁵ Se Yawɛ je mi kɛ je to ɔmɛ a he, nɛ e tsɔ mi ke ma ngɔ sɛ gbi ya ha e ma Israel.

Amos 7:15 ပူးပေါင်းရင်းမြစ်များ

Samuel II, 7:8

“Lɔ ɔ he ɔ, mo de ye tsɔlɔ David ke, imi Yawɛ Tabohiatsɛ ɔ, i ngɛ lɛ dee ke, ‘Imi nɛ i ya ngɔ mo kɛ je lohwe lɛmi he, kɛ je tohi a se, konɛ o ba ye ganɔ ngɛ ye ma, Israel nɔ.

Mateo 9:9

Yesu je lejɛ ɔ, nɛ benɛ e yaa a, e na tó tsulɔ ko nɛ a tsɛɛ lɛ Mateo nɛ hii si ngɛ e ní tsumi he ɔ. Yesu de lɛ ke, “Nyɛɛ ye se!” Kɛkɛ nɛ Mateo te si, nɛ e nyɛɛ Yesu se.

Yeremia 1:7

Se Yawɛ de mi ke, “Ko de ke niheyo kɛkɛ ji mo. Nihi tsuo a ngɔ nɛ ma tsɔ mo ɔ, yaa; nɛ nɔ́ tsuaa nɔ́ nɛ ma fa mo ke o de ɔ, de.

Ni Tsumi 5:20

“Nyɛɛ ya sɔlemi we ɔ nɛ nyɛ ya jaje kikɛmɛ a si himi he nɛ ɔ mi munyu ɔmɛ tsuo ngɔ tsɔɔ ma a.”

Ni Tsumi 4:20

Ejakaa wɔɔ lɛɛ, níhi nɛ wa na, kɛ níhi nɛ wa nu ɔ, wa be nyɛe ma ma wa nya ngɔ to nɔ kaa ja wa de.”

Ni Tsumi 1:8

se ke Mumi Klɔuklɔu ɔ na ba nyɛ nɔ ɔ, nyɛ ma na he wami kɛ fiɛ, nɛ nyɛ maa ye odase ha mi ngɛ Yerusalem, Yudea, kɛ Samaria tsuo kɛ yaa su je ɔ nyagbe he tɔɔ.”

Samuel I, 10:11

Benɛ nihi nɛ le lɛ saminya a na e ní peepee ngɛ gbali ɔmɛ a kpɛti ɔ, a bi a he ke, “Mɛni lɛ ba Kish binyumu ɔ nɔ? Anɛ Saul hu ba plɛ pee gbalɔ lo?”

Yeremia 26:12

Kɛkɛ nɛ i de ma nimeli ɔmɛ, kɛ ma a tsuo ke, “Níhi tsuo nɛ nyɛ nu nɛ i de kɛ si we nɛ ɔ, kɛ ma nɛ ɔ, Yawɛ lɛ tsɔ mi ke ma ba de.

Matsɛmɛ I, 19:19

Eliya je lejɛ ɔ, nɛ e ya na Elisha nɛ e kɛ na blablɛhi ngɛ hue; na blablɛ nyɔngma kɛ kake ngɛ e hɛ mi, nɛ lɛ nitsɛ e kɛ na blablɛ nyɔngma kɛ enyɔne ngɛ hue. Eliya je tade klɔii ɔ ngɛ e he, nɛ e ngɔ wo Elisha.

Amos 3:8

Ke jata ngɛ huãe ɔ, mɛnɔ lɛ e tsui pui? Ke Yawɛ ngɛ munyu tue ɔ, mɛnɔ ma kua ke e be e sɛ gbi ɔ fiɛe? Nɔ ko nɔ ko be!