Amos 7:12 - BAIBLO ALOO NGMAMI KLƆUKLƆU Ɔ

¹² Jehanɛ, Amazia de Amos ke, “E maa hi kaa o je ma nɛ ɔ mi nɔuu kɛ ho Yuda ya. Yaa nɛ o ya gba ngɛ lejɛ ɔ, nɛ o na o nya mi ngma.

Amos 7:12 ပူးပေါင်းရင်းမြစ်များ

Kronika II, 16:10

Nɔ́ nɛ ɔ ha Asa mi mi fu gbalɔ ɔ wawɛɛ nitsɛ, nɛ e wo lɛ tsu. Jamɛ a be ɔ mi nɔuu ɔ, Asa bɔni ma mi bi ɔmɛ ekomɛ yi mi wami.

Yesaya 30:10

A deɔ gbali ɔmɛ ke, “Nyɛ ko na ní; nyɛɛ gba ní kpakpahi mohu ha wɔ. Nyɛɛ kɛ wɔ nɛ tu munyu nɛ maa ngɔ ngɛ wa tue mi; ke sisimi munyuhi pohu wa suɔ.

Yesaya 56:11

A ngɛ kaa gbehi nɛ li tɔ biɛ! Ma nɔ yeli nɛ ɔmɛ be juɛmi kokooko! Nɔ tsuaa nɔ peeɔ nɔ́ nɛ e suɔ; mɛ nitsɛmɛ a se nami pɛ a hlaa.

Ezekiel 13:19

Akoko dɛ kɔkɔ fuu, kɛ abolo nya bɔbɔɛ bɔɔ ko he ɔ, nyɛ gbee nihi yaka gu, nɛ nyɛ heɔ nihi nɛ a sa gbenɔ ɔ mohu a yi wami. Nyɛ yeɔ lakpa kɛ haa ye ma a, nɛ mɛ hu a buɔ nyɛ tue; lɔ ɔ he ɔ, ye he guɛ gbo ngɛ ye ma a hɛ mi.”

Amos 2:12

Se nyɛ ha nɛ Nazir bi ɔmɛ nu dã, nɛ a puɛ kɔ; gbali ɔmɛ hu, nyɛ wo mɛ mlaa ke a ko de ye sɛ gbi ɔ. Ye ma Israel, anɛ nɔ́ nɛ ɔ be mi lo? Imi Yawɛ lɛ i ngɛ nyɛ bie!

Amos 7:11

Nɔ́ nɛ Amos ngɛ dee ji, mo nɛnɛ ɔ, o ma gbo ngɛ ta mi. Se Israel ma a lɛɛ a maa nuu mɛ nyɔguɛ kɛ maa je a zugba a nɔ kɛ ho.”

Malaki 1:10

Yawɛ Tabohiatsɛ ɔ ke, “I ná nɛ nyɛ ti nɔ ko ya nga ye we klɔuklɔu ɔ nya, bɔ nɛ pee nɛ nyɛ ko ya slɛ la ngɛ ye bɔ sami la tɛ ɔ nɔ yaka gu hu. I be nyɛ he bua jɔmi; nyɛ nike ní ɔmɛ hu, i be ngɔe.

Mateo 8:34

Kɛkɛ nɛ ma a tsuo bu kɛ ba ná Yesu. Benɛ a na lɛ ɔ, a kpa lɛ pɛɛ ke e je a kpokpa a nɔ kɛ ho.

Luka 13:31

Jamɛ a be ɔ mi nɔuu ɔ, Farisi bi komɛ ba Yesu ngɔ ba de lɛ ke, “Jee hiɛ ɔ nɛ o ho; ejakaa Herode ngɛ mo hlae nɛ e gbe.”

Ni Tsumi 16:39

Lɔ ɔ he ɔ, Roma kojoli ɔmɛ ba Paulo kɛ Sila a ngɔ, nɛ a ba ye pɔpu. Lɔ ɔ se ɔ, a je mɛ ngɛ tsu ɔ mi, nɛ a de mɛ ke a je ma a mi nɛ a ho.

Romabi 16:18

Ejakaa nimli kaa kikɛ nɛ ɔ, pi Kristo, wa Nyɔmtsɛ ɔ nɛ a ngɛ sɔmɔe. Se mɛ nitsɛmɛ a muklii mohu he mɔde nɛ a ngɛ bɔe. A kɛ munyu dɔkɔɔ gbeɔ nihi nɛ a juɛmi se ti we ɔ a yi mi, nɛ a sisiɔ mɛ.

1 Korintobi 2:14

Nɔ nɛ be mumi ɔ na we Mawu mumi ɔ nike níhi. Nɔmlɔ kaa kikɛ nɛ ɔ nui mumi ɔ nike níhi a sisi saminya. Enɛ ɔmɛ peeɔ kuasiahi a sane kɛ haa lɛ; ejakaa ni nɛ ɔmɛ ɔ, mumi mi hɛngmɛ a kɛ naa.

1 Petro 5:2

Mawu asafo ɔ nɛ e ngɔ ha nyɛ ɔ, nyɛɛ hyɛ nɔ saminya kaa bɔ nɛ to hyɛlɔ lɛɔ e to kuu ɔ. Nyɛɛ pee enɛ ɔ kɛ je nyɛ tsui mi, se pi kaa a nyɛ nyɛ nɔ kɛ pee. Nyɛ tsu ní, pi ngɛ hiɔwo nɛ nyɛ ma na a he, se mohu kaa nyɛ ná nɔ́ nɛ nyɛ ngɛ pee ɔ he bua jɔmi. Bɔ nɛ Mawu to kaa nyɛɛ pee ji nɛ ɔ nɛ.

Samuel I, 2:36

Nɛ ni nɛmɛ nɛ maa piɛ ngɛ o we ɔ mi ɔ, ja a ya jamɛ a osɔfo ɔ ngɔ nɛ a ya ba sika, loo niye ní; aloo ja a ya kpa pɛɛ kaa a ngmɛ mɛ blɔ nɛ a piɛ osɔfo ɔmɛ a he kɛ tsu ní, loko a ma na a nya mi ngma!”

Samuel I, 9:9

Saul de ke, “Mo! O le demi; ha nɛ waa ho.” Nɛ a pue nɔ kɛ ho ma a mi he nɛ Mawu nɔmlɔ ɔ ngɛ ɔ ya. Benɛ a ngɛ yoku ɔ kuɔe kɛ yaa a, a kɛ yihewi komɛ kpe nɛ a yaa yɛ nyu. A bi yihewi ɔmɛ ke, “Ní nalɔ ɔ ngɛ ma a mi lo?” (Jamɛ a be ɔ, bɔ nɛ a tsɛɔ gbalɔ ji ní nalɔ. Lɔ ɔ he ɔ, ke nɔ ko yaa bi ní ngɛ Israel ɔ, bɔ nɛ e deɔ ji, “Nyɛ ha waa ho ní nalɔ ɔ ngɔ ya.”)