Amos 7:10 - BAIBLO ALOO NGMAMI KLƆUKLƆU Ɔ

¹⁰ Osɔfo ko nɛ a tsɛɛ lɛ Amazia hi Mawu we ɔ ngɛ Betel. Ligbi ko ɔ, e tsɔ ya de Israel matsɛ, Yeroboam ke, “Amos ngɛ yi mi yaya toe kɛ wo o he ngɛ mo nitsɛ o nɔ yemi he ɔ. Munyuhi nɛ e ngɛ tue ɔ ma ha nɛ ma mi bi ɔmɛ maa te si kɛ wo mo, a matsɛ ɔ. Ke e ba mi ja a, kɛkɛ pe ma a ywia a nɛ.

Amos 7:10 ပူးပေါင်းရင်းမြစ်များ

Mose I, 37:8

E nyɛmimɛ ɔmɛ bi lɛ ke, “Lɛɛ tse o ma ba ye wa nɔ matsɛ, pi ja lo?” Nlami ɔ nɛ Yosef sɛɛ ha e nyɛmimɛ ɔmɛ ha nɛ e nyɛmimɛ ɔmɛ nyɛ lɛ pe kekle ɔ.

Matsɛmɛ I, 13:33

Ní nɛ ɔmɛ kulaa a se ɔ, Matsɛ Yeroboam kpale we kɛ ji e blɔ yayami ɔmɛ a nɔ; se mohu e hlaa nihi kɛ jeɔ ma a mi he tsuaa he, nɛ e woɔ mɛ osɔfohi kɛ haa ní tsumi ngɛ jami he ɔmɛ. Nɔ tsuaa nɔ nɛ suɔ kaa e maa ye osɔfo ɔ, kɛkɛ Yeroboam wo lɛ osɔfo.

Matsɛmɛ I, 18:17

Benɛ Ahab na lɛ ɔ, e bi ke, “Mo, Israel nya doolɔ ɔ ji nɛ ɔ?”

Yeremia 18:18

Kɛkɛ nɛ ma a de ke, “Nyɛ ha nɛ waa to Yeremia he ga. Daa nɛ ɔ, wa ma na osɔfohi nɛ maa tsɔɔ wɔ ní. Wa ma na ní leli nɛ maa wo wɔ ga, kɛ gbali nɛ ma ha wɔ Mawu sɛ gbi. Ke wa to ga nɛ ɔ, pi lɔ ɔ nɛ ma ha nɛ ní nɛ ɔmɛ a se maa po. Nyɛ ha nɛ waa po sane ngɔ fɔ e nɔ, nɛ waa jɔɔ e munyu ɔmɛ tue bumi.”

Yeremia 36:16

Benɛ a nu munyu ɔmɛ tsuo ɔ, a tsui po. Mɛ tsuo a plɛ hyɛ a sibi a hɛ mi, nɛ a de Baruk ke, “E hia kaa wa ya sɛɛ ní nɛ ɔ ha matsɛ ɔ.”

Yeremia 38:4

Kɛkɛ nɛ ma nimeli ɔmɛ ho nɛ a ya de matsɛ ɔ ke, “Ha nɛ a gbe nyumu nɛ ɔ. Munyuhi nɛ e ngɛ tue ɔ ha nɛ ta buli nɛ piɛ ngɛ ma a mi, kɛ nihi tsuo nɛ ngɛ ma a mi ɔ a kɔni mi ngɛ jɔe. Nyumu nɛ ɔ, ma a si gbeemi e ngɛ hlae, se pi ma a nɔ yami.”

Amos 1:1

To hyɛlɔ ɔ nɛ a tsɛɛ lɛ Amos, nɛ je Tekoa ma a mi ɔ, e munyuhi ji nɛ ɔmɛ nɛ. Jeha enyɔ loko zugba mimiɛ ɔ, benɛ Uzia ngɛ tsɛ yee ngɛ Yuda zugba a nɔ, nɛ Yehoash bi Yeroboam ngɛ tsɛ yee ngɛ Israel zugba a nɔ ɔ, Mawu je ní nɛ ɔmɛ tsuo ngɔ tsɔɔ Amos ngɛ Israel he.

Amos 3:14

Ligbi ɔ nɛ ma gbla Israel tue ngɛ a yayami ɔmɛ a he ɔ, ma ywia bɔ sami la tɛ ɔmɛ ngɛ Betel ma a mi. Bɔ sami la tɛ ɔmɛ a he koli ɔmɛ nɛ a saa we ngɛ a he ɔ, ma ku mɛ tsuo ngɔ pue si.

Amos 5:10

Nihi nɛ kaa nihi a hɛ mi ngɛ kojomi he, kɛ nihi nɛ tuɔ anɔkuale sisiisi ɔ, nyɛ nyɛɛ mɛ, nɛ nyɛ sume mɛ.

Amos 5:5

Nyɛ ko ya ja mi ngɛ Beersheba hu. Nyɛ ko ya hla mi ngɛ Betel hu, ejakaa Betel maa pee ma doku, kɛ mumi yayamihi a hi he. Nyɛ ko ya Gilgal, ejakaa a maa nuu Gilgal ma mi bi ɔmɛ nyɔguɛ kɛ je.

Amos 7:11

Nɔ́ nɛ Amos ngɛ dee ji, mo nɛnɛ ɔ, o ma gbo ngɛ ta mi. Se Israel ma a lɛɛ a maa nuu mɛ nyɔguɛ kɛ maa je a zugba a nɔ kɛ ho.”

Mateo 21:23

Yesu kpale kɛ ba sɔlemi we ɔ. Benɛ e ngɛ ní tsɔɔe ɔ, osɔfo nikɔtɔma amɛ, kɛ ma nimeli ɔmɛ ba e ngɔ, nɛ a ba bi lɛ ke, “Mɛni he wami o kɛ ngɛ ní nɛ ɔmɛ pee? Mɛnɔ ha mo kikɛmɛ a he wami nɛ ɔ?”

Luka 23:2

Nɛ a bɔni e nya pomi ke, “Wa nu nyumu nɛ ɔ nɛ e ngɛ wa ma mi bi ɔmɛ a tue puɛe. Wa nu nɛ e ngɛ mɛ dee ke a ko tsu tó ha Kaisare ɔ, se lɛ nitsɛ ji Kristo, matsɛ ɔ nɛ.”

Ni Tsumi 24:5

Wa na nyumu nɛ ɔ kaa ma ywialɔ. E woɔ Yuda bi a yi mi ngɛ he tsuaa he ke a tsɔ atuã. Jehanɛ hu, kuu nɛ a tsɛɛ Nazaree ɔ a nyatsɛ kpanaku ji lɛ.

Ni Tsumi 5:28

E bi mɛ ke, “Tse wa fia nyɛ tue mi veveeve ke nyɛ ko ngɔ Yesu biɛ kɛ tsɔɔ ní hu? Se nyɛɛ hyɛ nɔ́ nɛ nyɛ pee! Nyɛ ha nɛ nihi tsuo nɛ ngɛ Yerusalem ɔ nu nyumu nɛ ɔ he sane nɛ nyɛ ngɛ hlae nɛ nyɛɛ tsɔɔ kaa wɔ nɛ wa gbe lɛ!”

Ni Tsumi 7:54

Benɛ kpe ngua a mi bi ɔmɛ nu kikɛmɛ a munyu nɛ ɔmɛ ɔ, a mi mi wo la wawɛɛ nitsɛ, nɛ a kpe lungu nya kɛ wo e he.