Amos 6:8 - BAIBLO ALOO NGMAMI KLƆUKLƆU Ɔ

⁸ Yawɛ Tabohiatsɛ Mawu ɔ ka e he kita ke, “Israel bi ɔmɛ a he nɔ womi ɔ, i hiee; a mɔ nguangua amɛ hu, i sume. Ma ngɔ a matsɛ ma a, kɛ e mi níhi tsuo kɛ ha a he nyɛli.”

Amos 6:8 ပူးပေါင်းရင်းမြစ်များ

Mose I, 22:16

nɛ e de lɛ ke, “Imi Yawɛ, i ngɛ ye he kita kae kaa akɛnɛ o bu mi tue, nɛ o bi kake too ɔ he nɔ́ dɔɛ mo kaa o kɛ lɛ ma ha mi he je ɔ,

La 106:40

Enɛ ɔ he je ɔ, Yawɛ mi mi fu lɛ nitsɛ e ma a, nɛ e kua mɛ.

La 47:4

Lɛ nitsɛ nɛ e ngɔ zugba nɛ wa ngɛ nɔ nɛ ɔ ngɔ ha wɔ. E ngɔ weto ní kpakpa nɛ ɔ ngɔ ha e ma Yakob nɛ e suɔ saminya a.

La 50:12

“Ke hwɔ ngɛ mi yee ɔ, i be nyɛ dee, ejakaa ye nɔ́ ji je ɔ kɛ e mi nɔ́ tsuaa nɔ́.

La 78:59

Benɛ Mawu na nɔ́ nɛ ɔ, e mi mi fu, nɛ e kua e ma a pɛsɛpɛsɛ.

Abɛ Womi 8:13

Ke nɔ ko ke e yeɔ Yawɛ gbeye ɔ, e sa kaa e kua yayami. Hewo, he tsɔɔmi, je mi bami yaya, kɛ lakpa a, i sume.

Yesaya 28:1

Musu tloo Efraim nina, Israel nɔ yemi ɔ. E hɛ mi nyami ɔ ngɛ tae kaa mɔmɔ jlasi nɛ ma nimeli dã tɔli ngɔ fi a yi. A wo a yi mi nu je via saminya lɛɛ, se hyɛ mɛ nɛ a tɔ dã kpɔtɔɔ kɛ pueɔ si.

Yeremia 12:8

Ma nɛ i je blɔ hla a, a te si kɛ wo mi. A wo a nya nɔ ngɛ ye nɔ kaa bɔ nɛ jata huãa ngɛ pu mi ɔ; enɛ ɔ he je ɔ, imi hu i sume mɛ.

Yeremia 22:14

Nɔmlɔ nɛ deɔ ke, “Ma ma mɔ nguaa kɛ e mi hiɔwe tsu agboagbohi”; kɛkɛ nɛ e jeɔ saflɛhi ngɛ tsu ɔmɛ a mi, nɛ e kaa seda tso kɛ woɔ gbogbo ɔmɛ a he, nɛ e saa we ɔ he tsopa tsu saminyayoo ɔ, musu tloo lɛ!

Yeremia 22:5

Se ke nyɛ yi ye mlaa amɛ a nɔ ɔ lɛɛ i ngɛ ye he kita kae kaa ja matsɛ we nɛ ɔ pee we doku kokooko. Imi, Yawɛ lɛ i de.’ ”

Yeremia 44:26

Se jehanɛ, nyɛ Israel bi tsuo nɛ nyɛ ngɛ Egipt, nyɛɛ bu kita nguaa nɛ imi, Yawɛ hu i ka ye he, ngɛ ye biɛ kpetekpleenyɛ ɔ mi ɔ tue. Kɛ je mwɔnɛ ɔ kɛ yaa a, i be nyɛ ti nɔ ko nɔ ko blɔ ngmɛe hu nɛ e ngɔ ye biɛ kɛ ka kita nɛ e de ke, ‘I na Nyɔmtsɛ Yawɛ, hɛ kalɔ ɔ!’

Yeremia 49:13

Imi nitsɛ i ka ye he kita ke ma ha nɛ Bozra ma a maa pee ma doku; nihi maa ye a he fɛu, nɛ a kɛ ma a biɛ maa gbiɛ nɔ. Kɔpehi nɛ bɔle ma a tsuo a hɛ mi ma kpata kɛ ya neneene. Imi, Yawɛ lɛ i de.”

Yeremia 51:14

Yawɛ Tabohiatsɛ ɔ ka e he kita ke e maa ngɔ nihi babauu kaa baalɛhi kɛ ba tua Babilonia. A maa ye kunimi, nɛ a ma hwɔ lele.

Kɔmɔ Yemi 2:5

Nyɔmtsɛ ɔ kpata Israel hɛ mi kaa nɔ́ nɛ e he nyɛlɔ ji lɛ. E ywia e mɔ ɔmɛ, kɛ matsɛ we ɔmɛ ngɔ pue si. E ha nɛ Yuda ma a ngɛ kɔmɔ yee babauu.

Ezekiel 24:21

ma ngɔ sɛ gbi nɛ ɔ kɛ ha Israel ma a, nɛ ma de mɛ ke, bɔ nɛ imi Nyɔmtsɛ Yawɛ, i de ji nɛ ɔ nɛ: Ma ble ye he klɔuklɔu ɔ, he nɛ nyɛ fĩaa ngɔ fɔɔ nɔ ke nyɛ naa he wami kɛ jeɔ ɔ. We ɔ peeɔ nyɛ fɛu saminya, nɛ nyɛ suɔ kɛ nyɛ tsui tsuo kaa nyɛ maa ya lejɛ ɔ. Ma ha nyɛ bimɛ, yi ɔmɛ kɛ nyumu ɔmɛ tsuo nɛ nyɛ si ngɛ Yerusalem ɔ maa nɔ ngɛ klaate nya.

Hosea 11:6

Ta ma ba tua a ma amɛ; a maa ku a gbogbo ɔmɛ ngɔ pue si, nɛ a ma kpata a hɛ mi ngɛ a yi mi tomi ɔmɛ a he.

Mose III, 26:11

Ma pee ye sihi he ngɛ nyɛ kpɛti; i be nyɛ siee.

Mose III, 26:30

Ma puɛ nyɛ jami he ɔmɛ ngɛ yo ɔmɛ a nɔ, nɛ ma ywia nyɛ tsopa kɛ e he via bɔ sami la tɛ ɔmɛ; ma ngɔ nyɛ gbogboe ɔmɛ ngɔ pue nyɛ we amaga amɛ nɛ i ywia a a nɔ. Nyɛ maa pee nɔ́ nɛ a hiee ha mi.

Amos 3:10

Yawɛ ke, “Nimli nɛ ɔmɛ a mɔ ɔmɛ hyi tɔ kɛ níhi nɛ a gu ju kɛ yi mi wami blɔhi a nɔ kpɔ ngɛ nihi a dɛ. Bɔ nɛ a yeɔ anɔkuale po, a li.

Amos 3:11

Lɔ ɔ he ɔ, he nyɛli ma ba sa ma a yi. A maa ywia a mɔ ɔmɛ, nɛ a maa ha ní ngɛ a we saminyawiiwi ɔmɛ a mi.”

Amos 4:2

Nyɔmtsɛ Mawu ka e he kita ke, ‘Be ma, nɛ e be kɛe kulaa, nɛ a kɛ gbowe maa gbla nyɛ kɛ ho; nyɛ ti nɔ tsuaa nɔ maa pee kaa lo ngɛ gbowe nya.

Amos 5:21

Yawɛ ke, “Kusumihi nɛ nyɛ peeɔ, kɛ gua pɔtɛɛhi nɛ nyɛ bɔɔ ngɛ nyɛ nyami ligbi ɔmɛ a nɔ, nɛ nyɛɛ kɛ woɔ ye hɛ mi nyami ɔ, i hiee, nɛ i na we a he bua jɔmi.

Amos 8:3

Jamɛ a ligbi ɔ, yi ɔmɛ nɛ a hii lae ngɛ matsɛ we ɔ mi ɔ ma nya awe mohu. A ma sake ni gbogboehi babauu kɛ fɔ he tsuaa he dii, nɛ a be nɔ́ ko nɔ́ ko he nue.”

Amos 8:7

Yawɛ, nɔ nɛ Israel woɔ e hɛ mi nyami ɔ ka kita ke, “Ye hɛ be a ní yayami ɔmɛ a nɔ jee gblegbleegble.

Zakaria 11:8

Nyɔhiɔ kake mi ɔ, to hyɛli etɛ komɛ nɛ sume mi ɔ, i ngmɛɛ a he, ejakaa a sane ba gbe ye nya.

Mose V, 32:19

“Benɛ Yawɛ na nɔ́ nɛ ɔ, e mi mi wo la, nɛ e kua e ma a; ejakaa a binyumu ɔmɛ, kɛ a biyi ɔmɛ wo e mi mi la.