Amos 6:7 - BAIBLO ALOO NGMAMI KLƆUKLƆU Ɔ

⁷ Enɛ ɔ he je ɔ, nyɛ ji kekleekle nihi nɛ a maa nuu nyɔguɛ kɛ ho. Nɛ nyɛ bua jɔmi ɔ se maa po.

Amos 6:7 ပူးပေါင်းရင်းမြစ်များ

Ester 5:8

Ke e sa nɛnɛ hɛ mi kaa nɛnɛ ma ha mi nɔ́ nɛ ma bi lɛ ɔ, lɛɛ nɛnɛ kɛ Haman kɛ mi nɛ ba ye ní ekohu hwɔɔ. Jamɛ a be ɔ mi ɔ, ma tsɔɔ nɛnɛ nɔ nɛ i ngɛ hlae.”

Yesaya 21:4

E pee mi kaa ye hɛ mi ngɛ mi tsitsɛɛe, nɛ ye he ngɛ doe blibliibli kɛ sawale. Jinɛ i ngɛ blɔ hyɛe kaa du nɛ bu mla, se gbeye níhi mohu nɛ je mi kɛ ba.

Yesaya 24:8

Saku kɛ miɛ, la kɛ do nɛ a kɛ nyaa a tsuo se po.

Daniel 5:30

Jamɛ a nyɔ ɔ mi nɔuu ɔ, a gbe Belshazar, Babilonia matsɛ ɔ;

Amos 4:3

A maa gbla nyɛ ti nɔ tsuaa nɔ kɛ gu gbogbo puɔ nɛ ngɛ e hɛ mi tɛɛ ɔ mi, nɛ a ma sake nyɛ ngɔ fɔ he.’ ” Yawɛ lɛ de.

Amos 5:27

nɛ ma ngɔ nyɛ kaa nyɔguɛhi kɛ maa ya Damasko se tsitsaa a.” Yawɛ Tabohiatsɛ Mawu ɔ lɛ de.

Amos 5:5

Nyɛ ko ya ja mi ngɛ Beersheba hu. Nyɛ ko ya hla mi ngɛ Betel hu, ejakaa Betel maa pee ma doku, kɛ mumi yayamihi a hi he. Nyɛ ko ya Gilgal, ejakaa a maa nuu Gilgal ma mi bi ɔmɛ nyɔguɛ kɛ je.

Amos 7:11

Nɔ́ nɛ Amos ngɛ dee ji, mo nɛnɛ ɔ, o ma gbo ngɛ ta mi. Se Israel ma a lɛɛ a maa nuu mɛ nyɔguɛ kɛ maa je a zugba a nɔ kɛ ho.”

Amos 7:17

Enɛ ɔ he je ɔ, Amazia, Yawɛ ngɛ mo dee ke, ‘O bimɛ ma gbo ngɛ ta nga nɔ. He nyɛli ma ba ngɔ o ma a, nɛ o zugba a maa pee ni kpahi a nɔ nɛ a maa dla. O yo maa bɔ ajuama ngɛ ma a mi, nɛ mo nitsɛ lɛɛ a maa ngɔ mo kɛ ho, nɛ o ma ya gbo ngɛ ma se. A maa nuu Israel bi ɔmɛ nyɔguɛ kɛ maa ho.’ ”

Nahum 1:10

Kaa bɔ nɛ a buaa mio tsohi, kɛ go gbigbli nya nɛ a sãã a, jã e maa sã nyɛ butuu!

Luka 21:24

A kɛ klaate maa gbe ni komɛ. A maa nuu ni komɛ hu nyɔguɛ kɛ ya je ma amɛ tsuo a mi, nɛ ma je li ɔmɛ maa ngɔ Yerusalem, nɛ a maa ye ma a nɔ hluu kɛ yaa si mɛ hu a be maa su.

Mose V, 28:41

Nyɛ ma fɔ binyumuhi kɛ yihi lɛɛ, se a be nyɛ bimɛ pee; ejakaa a maa nuu mɛ nyɔguɛ ngɛ ta mi kɛ je.