Amos 6:4 - BAIBLO ALOO NGMAMI KLƆUKLƆU Ɔ

⁴ Nyɛ nihi nɛ nyɛ jualeɔ nyɛ se ngɛ sa tso kpakpahi nɛ a he jua wa a nɔ, nɛ nyɛ yeɔ jijɔ, kɛ na kpakpahi a lo, musu tloo nyɛ!

Amos 6:4 ပူးပေါင်းရင်းမြစ်များ

Mose I, 37:25

Benɛ a hii si nɛ a ngɛ ní yee ɔ, a na Ishmael bi blɔ hiali komɛ ngɛ afukpɔngɔhi a nɔ nɛ a ma. A je Gilead, nɛ a hɛɛ tsopahi kɛ a he via kɛ yaa Egipt.

Ester 1:6

Bɔ nɛ a dla lejɛ ɔ ha ji nɛ ɔ nɛ: a kɛ bo bluu, kɛ bo futaa kpla lejɛ ɔ, nɛ a kɛ kpa hiɔ nɛ ngɛ fɛu, kɛ kpa nɛ hɛɛ kɔbɛi su fi sika hiɔ gahi ngɔ wo titimahi nɛ a kɛ tɛ hiɔ pee ɔ a he. Sɛhi nɛ ngɛ lejɛ ɔ hu sika tsu, kɛ sika hiɔ a kɛ pee mɛ. Zugba a nɛ sɛ ɔmɛ maa si ngɛ nɔ ɔ hu, a kɛ tɛ kpakpa nɛ ɔmɛ ka: tɛ hiɔ, tɛ tsu, tɛ nɛ he jua wa nɛ ngɛ kpɛe, kɛ tɛ bluu.

La 73:7

Yayami hyi a tsui mi; daa nɛ ɔ, a ngɛ ga yaya toe.

Yesaya 22:13

se nyɛ pee we ja; nyɛ muɔ nɛ nyɛ nya mohu. Nyɛ gbe to kɛ na nɛ nyɛ ye ní, nɛ nyɛ nu ní. Bɔ nɛ nyɛ de ji, “Nyɛ ha nɛ waa ye ní nɛ waa nu ní, ejakaa hwɔɔ pɛ wa ma gbo!”

Yesaya 28:1

Musu tloo Efraim nina, Israel nɔ yemi ɔ. E hɛ mi nyami ɔ ngɛ tae kaa mɔmɔ jlasi nɛ ma nimeli dã tɔli ngɔ fi a yi. A wo a yi mi nu je via saminya lɛɛ, se hyɛ mɛ nɛ a tɔ dã kpɔtɔɔ kɛ pueɔ si.

Yeremia 16:8

“We mi he nɛ a ngɛ ní yee nɛ a ngɛ ní nue hoo ngɛ ɔ, koo ya lejɛ ɔ. O kɛ mɛ ko ya hi si nɛ nyɛɛ ye ní nɛ nyɛɛ nu ní.

Ezekiel 16:49

O nyɛmiyo Sodom, kɛ e mi bi ɔmɛ woɔ a he nɔ; a ngɛ niye ní babauu, a ngɛ he jɔmi mi, nɛ a tue mi jɔ mɛ; se a yi bua ohiatsɛmɛ, kɛ nihi nɛ e fi mɛ ɔ.

Ezekiel 23:41

A maa hi sɛ saminyayoo nɔ; a maa ngɔ okplɔɔ kɛ e nɔ ní kpakpahi kɛ ya ma si ngɛ a hɛ mi. Tsopa kɛ e he via, kɛ oliv nu nɛ i ha mɛ ɔ hu piɛ he.

Amos 3:12

Yawɛ ke, “Ke jata ye lohwe ko ta a, to hyɛlɔ ɔ ngɔɔ lohwe ɔ nane enyɔ, aloo e tue kake pɛ nɛ piɛ ɔ kɛ ba yeɔ odase. Samaria ma mi bi ɔmɛ nɛ mwɔnɛ nɛ ɔ a ngɛ mle yee ngɛ sa tso bɔdɔbɔdɔhi a nɔ ɔ, jã kɛ̃ lɛ a ma he a ti nihi bɔɔ pɛ a yi wami.”

Amos 8:3

Jamɛ a ligbi ɔ, yi ɔmɛ nɛ a hii lae ngɛ matsɛ we ɔ mi ɔ ma nya awe mohu. A ma sake ni gbogboehi babauu kɛ fɔ he tsuaa he dii, nɛ a be nɔ́ ko nɔ́ ko he nue.”

Mika 6:12

Niatsɛmɛ nɛ ngɛ nyɛ kpɛti ɔ sisiɔ ohiatsɛmɛ ɔmɛ, nɛ nyɛ tsuo pɛpɛɛpɛ ɔ, lakpatsɛmɛ ji nyɛ.

Luka 16:19

“Nyumu niatsɛ ko hi si. E woɔ kploba tade nɛ ngɛ fɛu, nɛ he jua wa; nɛ daa nɛ ɔ, e yeɔ ní kpakpa, nɛ e naa bua jɔmi.

Yakobo 5:5

Nyɛ na ní kpɔtɔɔ, nɛ nyɛ bua jɔ nyɛ he saminya ngɛ je ɔ mi. Ní kpakpahi nɛ nyɛ ye ɔ ha nyɛ wo zɔ saminya kɛ ha ligbi nɛ a ma kpata nyɛ hɛ mi ɔ.