Amos 6:3 - BAIBLO ALOO NGMAMI KLƆUKLƆU Ɔ

³ Nyɛ susuɔ kaa nyɛ tsitsɛɛ haomi be ɔ yi se kɛ ya tsitsaa. Se níhi nɛ nyɛ ngɛ pee ɔ mohu ma ha nɛ nimli basabasahi maa ba, nɛ a ma ba kpata nyɛ hɛ mi.

Amos 6:3 ပူးပေါင်းရင်းမြစ်များ

La 94:20

Kojoli nɛ yi dami sane, kɛ ni nɛmɛ nɛ woɔ mlaa yaya a, anɛ o kɛ mɛ maa bɔ lo?

Fiɛlɔ 8:11

Mɛni he je lɛ nihi a he sɔɔ kɛ peeɔ yayami ɔ? Ejakaa a gbla we a tue ngɛ be nɛ sa mi.

Yesaya 47:7

E pee mo kaa o maa ye manyɛ daa, lɔ ɔ he ɔ, o susuu we ní nɛ ɔmɛ a he, bɔ nɛ a nyagbe maa ba ha hu, o bui.

Yesaya 56:12

Dã tɔli nɛ ɔmɛ deɔ ke, ‘Nyɛɛ ba nɛ wa ya hla wai nɛ waa nu. Wa maa nu dã bɔ nɛ wa ma nyɛ mwɔnɛ ɔ! Hwɔɔ lɛɛ e maa pee gbeye!’ ”

Kɔmɔ Yemi 4:5

Nihi nɛ ye ní kpakpahi be ko nɛ be ɔ, amlɔ nɛ ɔ, a hɛ mi kpata ngɛ gbɛjegbɛ ɔmɛ a nɔ. Nihi nɛ a lɛ mɛ ngɛ he kpakpahi be ko nɛ be ɔ, amlɔ nɛ ɔ, a ngɛ si kukuɔe ngɛ kuku nɔ.

Ezekiel 12:22

“Nɔmlɔ adesa, nyɛ buu abɛ nɛ ɔ nɛ kɔɔ Israel zugba a he ke, ‘Be babauu ngɛ bee, se nina amɛ ekoeko bɛ mi gblee.’ Kɛ nyɛ ngɛ tsɔɔe kɛɛ ɔ?

Ezekiel 12:27

“Nɔmlɔ adesa, nɔ́ nɛ Israel ma a ngɛ dee ji, ‘Nina amɛ nɛ gbalɔ ɔ na a be mi bae amlɔ nɛ ɔ; hwɔɔ se lokoo he ninahi sɔuu.’

Ezekiel 23:42

Kɛkɛ ɔ, hoo peemi, kɛ nyami he a nuɔ ngɛ lejɛ ɔ. A ya ngɔɔ dã tɔli kɛ jeɔ nga a nɔ kɛ ba piɛɔ nihi babauu nɛ ngɛ lejɛ ɔ momo ɔ a he. A ngɔɔ nine si gahi kɛ woɔ yi ɔmɛ a nine si, nɛ a ngɔɔ jlasi saminyawiiwi kɛ fiɔ a yi.

Amos 3:10

Yawɛ ke, “Nimli nɛ ɔmɛ a mɔ ɔmɛ hyi tɔ kɛ níhi nɛ a gu ju kɛ yi mi wami blɔhi a nɔ kpɔ ngɛ nihi a dɛ. Bɔ nɛ a yeɔ anɔkuale po, a li.

Amos 3:9

Mawu de gbalɔ ɔ ke e tsɔ nɛ a ya de nihi nɛ a ngɛ mɔ nguanguahi a mi ngɛ Egipt kɛ Ashdod ke, “Nyɛ ya bua nyɛ he nya ngɛ yo ɔmɛ nɛ bɔle Samaria a nɔ, nɛ́ nyɛɛ hyɛ yayamihi nɛ a ngɛ pee ngɛ lejɛ ɔ, kɛ bɔ nɛ lejɛ ɔ pee basabasa ha.”

Amos 5:18

Nyɛ nihi tsuo nɛ nyɛ ngɛ Yawɛ tue gblami ligbi ɔ blɔ hyɛe, nɛ e peeɔ nyɛ kaa be ɔ su ta, musu tloo nyɛ! Jamɛ a ligbi ɔ, haomi ji nɔ́ nɛ maa ba nyɛ nɔ kaa bɔ nɛ ahumi haa nɛ diblii woɔ piani katakata a, se pi manye.

Amos 6:12

Anɛ okpɔngɔhi ma nyɛ maa tu fo ngɛ tɛ sa nɔ lo? Dɛbi! Anɛ nɔ ko ma nyɛ ma hu wo mi kɛ na kpakplaa lo? Dɛbi! Se nyɛɛ lɛɛ nyɛ tsake dami sane yemi kɛ pee duɔ; nyɛ tsake nɔ́ nɛ da kɛ pee nɔ́ nɛ dɛ.

Amos 9:10

Se ye ma mi bi ɔmɛ a kpɛti yayami peeli nɛ deɔ ke, ‘Mawu be hae nɛ nɔ́ yayami ko maa ba wa nɔ’ ɔ, mɛɛ lɛɛ a ma gbo ngɛ ta nga nɔ.”

Mika 6:12

Niatsɛmɛ nɛ ngɛ nyɛ kpɛti ɔ sisiɔ ohiatsɛmɛ ɔmɛ, nɛ nyɛ tsuo pɛpɛɛpɛ ɔ, lakpatsɛmɛ ji nyɛ.

Mateo 24:48

Se ke tsɔlɔ yaya ji lɛ ɔ, e ma de ngɛ e yi mi ke e nyɔmtsɛ ɔ se ya fia si bɔɔ.

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

2 Petro 3:4

Kikɛmɛ a nimli nɛ ɔmɛ ma de ke, “E wo si kaa e maa kpale kɛ ba ekohu, pi jã lo? Jije e ngɛ? Ejakaa kɛ je be nɛ wa nɛmɛ ɔmɛ gbo nɛ ɔ, bɔ nɛ níhi ngɛ kɛ je be mi nɛ a bɔ je ɔ, jã nɔuu nɛ a ngɛ nɛ ɔ nɛ.”

Kpojemi 18:17

Nɛ ngmlɛfia kake too mi ɔ, ní babauu nɛ e na a tsuo bɔ lɛ!” Lɛ kudɔɔtsɛmɛ ɔmɛ, nihi nɛ sɛ lɛ kɛ yaa he, lɛ mi bi, kɛ nihi nɛ yeɔ jua ngɛ wo nɔ tsuo ya da se lokoo.