Amos 6:14 - BAIBLO ALOO NGMAMI KLƆUKLƆU Ɔ

¹⁴ Se Yawɛ Tabohiatsɛ Mawu ɔ nitsɛ ke, “Israel bi, ma ha nɛ je ma ko ma ba tua nyɛ zugba a, nɛ a maa hao nyɛ. A maa ngɔ nyɛ zugba a kɛ maa je Hamat yo kpɛ blɔ ɔ he, ngɛ omleyi je, kɛ ma ya ta Ngo wo ɔ he, ngɛ leneyi je.”

Amos 6:14 ပူးပေါင်းရင်းမြစ်များ

Matsɛmɛ I, 8:65

Salomo kɛ Israel ma kpekpemi ɔ tsuo ye Gbasisihimi nyami be ɔ ngɛ Yawɛ we ɔ otsi. Nimli babauu nitsɛ ba nyami be nɛ ɔ; a je tsitsaa Hamat yo kpɛ blɔ ngɛ omleyi je, kɛ ya si Egipt huzu ɔ he ngɛ leneyi je.

Matsɛmɛ II, 14:25

Yeroboam kpɔ Israel zugba amɛ nɛ je a dɛ ɔ ekohu, kɛ je Hamat yo kpɛ blɔ ɔ nya, ngɛ omleyi je, kɛ ya si Ngo wo ɔ nya, ngɛ leneyi je. Yawɛ, Israel Mawu ɔ wo nɔ́ nɛ ɔ he si kɛ gu e tsɔlɔ, gbalɔ Yona, Amitai binyumu ɔ nɛ je Gat Hefer ɔ nɔ.

Matsɛmɛ II, 15:29

Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.

Matsɛmɛ II, 17:6

Hoshea yi nɔ jeha nɛ ji nɛɛ ɔ mi ɔ, Asiria matsɛ ɔ ngɔ Samaria, nɛ e muɔ Israel bi ɔmɛ kɛ ho Asiria ya. E ngɔ ni komɛ ya to Hala, e ngɔ ni komɛ ya to Habor pa a nya ngɛ Gozan zugba a nɔ, nɛ e ngɔ ni komɛ hu ya to Media bi ɔmɛ a ma amɛ a mi.

Yesaya 7:20

“Jamɛ a be ɔ, Nyɔmtsɛ ɔ ma ya ba asoyi ngɛ Yufrate pa a se kɛ ba. E kɛ ma ba sɛ nyɛ yi bwɔmi, kɛ nyɛ nane he bwɔmi, nɛ a maa sɛ nyɛ kpɛni hulɔ. Asiria matsɛ ɔ ji asoyi ɔ nɛ.

Ezekiel 47:20

“Bonyoku je huzu ɔ je Mediterenia wo ɔ nya hluu kɛ ya su Hamat yo kpɛ blɔ ɔ he.

Hosea 10:5

Samaria bi maa ye gbeye, nɛ a maa ye kɔmɔ ngɛ sika tsu na ku ɔ nɛ ngɛ Betel nɛ a kpata e hɛ mi ɔ he. A kɛ lakpa osɔfo ɔmɛ tsuo ma nya awe kaa amaga a hɛ mi nyami ɔ laa mɛ.

Amos 3:11

Lɔ ɔ he ɔ, he nyɛli ma ba sa ma a yi. A maa ywia a mɔ ɔmɛ, nɛ a maa ha ní ngɛ a we saminyawiiwi ɔmɛ a mi.”