Amos 5:8 - BAIBLO ALOO NGMAMI KLƆUKLƆU Ɔ

⁸ Mawu lɛ bɔ dodoehi nɛ́ jeɔ gbo kɛ gbiɛ. E haa nɛ nyɔ mi peeɔ piani, nɛ piani peeɔ nyɔ mi. E yɛɔ nyu kɛ jeɔ wo mi, nɛ e plɛɔ kɛ pueɔ zugba. Lɛ ji Yawɛ ɔ nɛ.

Amos 5:8 ပူးပေါင်းရင်းမြစ်များ

Hiob 12:22

E jeɔ nyakpɛ níhi kpo kɛ jeɔ laami hehi, nɛ e haa la tsoɔ ngɛ hehi nɛ wo diblii kpii.

Hiob 37:13

Mawu haa hiɔmi nɛɛ, konɛ nyu nɛ ba zugba a nɔ; e haa hiɔmi nɛɛ nɛ e kɛ gblaa nimli adesahi a tue, aloo nɛ e kɛ naa mɛ mɔbɔ.

Hiob 38:34

Anɛ o ma nyɛ maa wo gbi nɛ nyu babauu maa je bɔku ɔmɛ a mi ba pɔ mo lo?

Hiob 9:9

Dodoehi nɛ ngɛ hiɔwe: Je kpaago, Huɛ etɛ, Kungwɔ kɛ e bimɛ, kɛ leneyi je dodoe ɔmɛ ɔ, Mawu lɛ pee mɛ tsuo.

La 104:20

O haa nɛ je jɔɔ, kɛkɛ ke diblii wo ɔ, pu mi lohwehi tsuo jeɔ kpo.

La 105:28

Mawu ha nɛ diblii wo ngɛ zugba a nɔ. Se nɔ́ nɛ e fa Egipt bi ɔmɛ ke a pee ɔ, a bui fɛɛ.

Yesaya 42:16

“Ma ngɔ ye hɛ yuyuili ɔmɛ kɛ gu hehi nɛ a nyɛɛ we hyɛ. Ma ha a diblii ɔ ma plɛ pee la; nɛ ma ha zugba nɛ nɔ ngɛ googagooga a nɔ maa sɔ tɛtlɛɛ ha mɛ. Níhi nɛ i ngɛ si woe kaa ma pee ji nɛ ɔmɛ nɛ; ma ha a maa ba mi pɛpɛɛpɛ.

Yesaya 59:10

nɛ wa tataa si kɛ yaa gbogbo he kaa hɛ yuyuili. Wa tɛɔ si piani katakata kaa nɔ nɛ nyɔ mi. Wa peeɔ kaa ni gbogboehi ngɛ hɛ ngmengmletsɛmɛ a kpɛti.

Yeremia 16:21

Yawɛ ke, “Lɔ ɔ he ɔ, jehanɛ lɛɛ ma ha nɛ je ma amɛ maa na ye he wami kɛ ye kɔni si wami; a maa na kaa imi ji Yawɛ.”

Yeremia 33:2

Yawɛ, nɔ nɛ pee je ɔ, nɛ e ngɔ je ɔ ngɔ to e blɔ he ɔ kɛ mi tu munyu. Nɔ nɛ e biɛ ji Yawɛ ɔ, de mi ke,

Amos 4:13

Mawu lɛ puɛ yo ɔmɛ. Lɛ nɛ e pee kɔɔhiɔ, nɛ e haa nɛ nɔmlɔ adesa leɔ e yi mi tomi; Mawu haa nɛ piani peeɔ nyɔ mi. Lɛ nɛ e yeɔ je ɔ tsuo nɔ. E biɛ ji Yawɛ Tabohiatsɛ!

Amos 8:9

Jamɛ a ligbi ɔ, ma ha nɛ pu maa nɔ si piani katakata, nɛ je ɔ mi maa wo diblii. Imi, Nyɔmtsɛ Yawɛ lɛ i de.

Amos 9:6

Yawɛ poɔ e we ngɛ hiɔwe, nɛ e ngɔɔ hiɔwe nɔ́ mluguduu ɔ kɛ haa zugba a hɛ mi. E yɛɔ nyu kɛ jeɔ wo mi nɛ e plɛɔ kɛ pueɔ zugba. Lɛ ji Yawɛ!

Mateo 4:16

Nihi nɛ hi diblii mi ɔ ba na la nguaa. Ni nɛmɛ nɛ hi gbenɔ zugba, kɛ gbenɔ hɔ̃ mi ɔ, la je ha mɛ.”

Luka 1:79

E ma kpɛ kɛ je hiɔwe ha nihi tsuo nɛ hii si ngɛ gbenɔ hɔ̃ diblii mi, nɛ e maa tsɔɔ wɔ blɔ kɛ ba he jɔmi blɔ ɔ nɔ.”