Amos 5:7 - BAIBLO ALOO NGMAMI KLƆUKLƆU Ɔ

⁷ “Nyɛ ni nɛmɛ nɛ nyɛ plɛɔ dami sane hɛ mi ngɔ buɔ si, nɛ nyɛ sisiɔ nihi, musu tloo nyɛ!”

Amos 5:7 ပူးပေါင်းရင်းမြစ်များ

La 125:5

Nihi nɛ a blɔ ɔmɛ dɛ ɔ, Yawɛ maa gbla a kɛ yayami peeli tsuo a tue. He jɔmi nɛ hi Israel.

La 36:3

Munyu yaya, kɛ lakpa sɔuu lɛ jeɔ e nya mi. E li nɔ́ hu; e pa pee we kpakpa hu.

Abɛ Womi 21:7

Basabasa nɛ yiwutsotsɛmɛ peeɔ ɔ, lɔ ɔ nɔuu lɛ ma kpata a hɛ mi; ejakaa a sume nɛ a peeɔ nɔ́ nɛ da.

Yesaya 1:23

Atuã tsɔli ji o ganɔ ɔmɛ, nɛ juli ji o huɛmɛ; be tsuaa be ɔ, nike ní, kɛ nyɔ mi ní a ngɛ hee. A yi awusahi a sane ha we mɛ ngɛ sane yemi he, nɛ a bui yalɔyihi hu a sane tue.

Yesaya 10:1

Musu tloo nyɛ! Nyɛ nɛ nyɛ woɔ mlaahi nɛ dɛ, nɛ nyɛ ngmaa mlaahi nɛ nyɛ kɛ waa ye ma a yi mi.

Yesaya 46:12

“Nyɛ ma nɛ nyɛ tue mi ti, nɛ nyɛ susuɔ kaa kunimi yemi ngɛ se lokoo, nyɛɛ bu tue.

Yesaya 5:20

Musu tloo nyɛ! Nyɛ tsɛɔ yayami ke kpakpa, nɛ nyɛ tsɛɔ kpakpa ke yayami. Nyɛ plɛɔ diblii kɛ peeɔ la, nɛ la hu peeɔ diblii. Nyɛ plɛɔ doomi kɛ peeɔ ngɔɔmi, nɛ nɔ́ nɛ ngɔɔ peeɔ nɔ́ nɛ dooɔ.

Yesaya 5:7

Israel ma a ji Yawɛ Tabohiatsɛ ɔ wai ngmɔ ɔ nɛ; Yuda bi ɔmɛ ji wai tso kpakpa amɛ nɛ e du ɔ nɛ. E hyɛ blɔ kaa a maa ye dami sane, se muɔ si mohu a ngɛ puee. E hyɛ blɔ kaa a maa pee nɔ́ nɛ da, se amimi mohu a ngɛ ma a yee, nɛ nɔ́ nɛ ɔ ha ni ɔmɛ ngɛ ngmlaa kpae.

Ezekiel 18:24

“Se ke nɔ nɛ peeɔ nɔ́ nɛ da jɔɔ kpakpa peemi, nɛ e bɔni ní hiemi níhi tsuo nɛ yayami peeli peeɔ peemi ɔ, anɛ e yi ma na wami lo? Dɛbi, kpakpa nɛ e pee sa a tsuo a be ekoeko kaie hu. E ma gbo ngɛ e tɔmi nɛ e tɔ, kɛ yayamihi nɛ e pee ɔ a he.

Ezekiel 3:20

“Jehanɛ, ke nɔmlɔ kpakpa kpa níhi nɛ da peemi, nɛ e ba bɔni yayami peemi, nɛ i fɔ̃ e blɔ mi tso ɔ, e ma gbo. Akɛnɛ o bɔɛ lɛ kɔkɔ ɔ, e ma gbo ngɛ e yayami ɔ he. Ma bi e muɔ si ngɛ o dɛ; kpakpa nɛ e pee ɔ tsuo, i be kaie.

Ezekiel 33:18

Ke dalɔ kpale kɛ je e dami blɔ ɔ nɔ, nɛ e pee yayami ɔ, yayami ɔ he e ma gbo ngɛ.

Hosea 10:4

Nya puu sɔuu a peeɔ; a woɔ si nya mi gu. A kaa lakpa kita kɛ soɔ somihi. A plɛɔ nɔ́ nɛ da hɛ mi ngɔ buɔ si, nɛ nɔ́ nɛ dɛ hii nɔ yae. Enɛ ɔ he je ɔ, munyu yemi heɔ si kaa bɔ nɛ hu yaya puɛɔ ngmɔ nɔ niba ní ɔ.

Amos 2:3

Ma gbe Moab matsɛ ɔ, kɛ e ganɔ ɔmɛ tsuo.”

Amos 3:10

Yawɛ ke, “Nimli nɛ ɔmɛ a mɔ ɔmɛ hyi tɔ kɛ níhi nɛ a gu ju kɛ yi mi wami blɔhi a nɔ kpɔ ngɛ nihi a dɛ. Bɔ nɛ a yeɔ anɔkuale po, a li.

Amos 6:12

Anɛ okpɔngɔhi ma nyɛ maa tu fo ngɛ tɛ sa nɔ lo? Dɛbi! Anɛ nɔ ko ma nyɛ ma hu wo mi kɛ na kpakplaa lo? Dɛbi! Se nyɛɛ lɛɛ nyɛ tsake dami sane yemi kɛ pee duɔ; nyɛ tsake nɔ́ nɛ da kɛ pee nɔ́ nɛ dɛ.

Mika 3:9

Nyɛ Israel ma nɔ yeli! Nyɛ nihi nɛ nyɛ yi dami sane, nɛ nyɛ plɛɔ dami sane hɛ mi ngɔ buɔ si! Nyɛɛ bu mi tue!

Habakuk 1:4

Mlaa a he wami ɔ ta, nɛ dami sane yemi be hu; yayami peeli ye dali a nɔ, nɛ daa nɛ ɔ, a plɛ dami sane yemi hɛ mi ngɔ bu si.

Zefania 1:6

Jehanɛ, ma kpata nimli nɛ ɔmɛ hu a hɛ mi: ni nɛmɛ nɛ kpale kɛ je ye se, nɛ a nyɛɛ we ye se hu; ni nɛmɛ nɛ bɛ ye ngɔ, loo a ba bi we mi ga womi.”

Mose V, 29:18

Nyɛ nɛ nyɛ daa si ngɛ hiɛ ɔ mwɔnɛ ɔ, nyɛɛ hyɛ saminya nɛ nɔ ko nɔ ko kó je Yawɛ, wa Mawu ɔ se kɛ ya ja ma je li a mawu ɔmɛ, nyumu jio, yo jio, weku jio, wɛtso jio. Nɔ́ nɛ ɔ ngɛ kaa tso sipoku nɛ maa wa, nɛ maa ngɔ e duɔ kɛ gbla haomi kɛ ba nyɛ nɔ.