Amos 5:6 - BAIBLO ALOO NGMAMI KLƆUKLƆU Ɔ

⁶ “Ke nyɛ kpale we kɛ bɛ ye ngɔ ɔ, ma ba nyɛ Israel bi ɔmɛ nyɛ kpɛti kaa la nɛ ngɛ tsoe gegeege. La nɛ ɔ maa sã Betel ma mi bi ɔmɛ, nɛ nɔ ko nɔ ko be nyɛe nɛ e gbe.” Nɔ́ nɛ Yawɛ de Israel bi ɔmɛ ke a pee, konɛ a yi nɛ na wami ji nɛ ɔ nɛ.

Amos 5:6 ပူးပေါင်းရင်းမြစ်များ

Samuel II, 19:20

I le kaa i pee yayami; nɛ enɛ ɔ he je nɛ imi ji kekleekle nɔ nɛ je omleyi je wɛtso ɔmɛ nɛ ji Yosef we ɔ mi kɛ ma mo nɛnɛ kpeemi mwɔnɛ ɔ nɛ.”

Matsɛmɛ I, 11:28

Yeroboam ji niheyo ko nɛ kɔni si wa, nɛ benɛ Salomo na kaa e tsuɔ ní saminya a, e ngɔ lɛ ngɔ pee ni nɛmɛ nɛ a nyɛɛ a nɔ kɛ tsuɔ ma ní tsumi kpakpataa a a nɔ hyɛlɔ ngɛ Manase, kɛ Efraim wɛtso ɔmɛ a mi.

Kronika II, 34:25

A kua mi, nɛ a sã bɔhi kɛ ha mawu kpahi, nɛ a kɛ níhi nɛ a pee nɛ ɔ tsuo wo ye mi mi la. Ye mi mi fu Yerusalem wawɛɛ nitsɛ, nɛ nɔ́ ko be hie peemi ngɛ he.

La 27:8

O de ke, “Nyɛɛ ba ye ngɔ.” Imi hu i kɛ bua jɔmi he nɔ ke, “Yawɛ, i ma;

La 69:33

Ejakaa Yawɛ buɔ dɛgutsɛmɛ tue, nɛ lɛ nitsɛ e nihi nɛ a wo mɛ tsu ɔ, e hɛ ji a nɔ.

Mose II, 22:6

“Ke nɔ ko tsɔ la nɛ la a sã pú kɛ ya sɛ nɔ kpa ngmɔ mi, nɛ e sã níhi nɛ a du ɔ, kɛ ngmɔ gba a kɛ e mi níhi, kɛ ngmɔ ɔ tsuo ɔ, a maa bu ní abɔ nɛ la a puɛ ɔ nya ha nɔ nɛ tsɔ la a nɛ e wo.

Yesaya 1:31

Nihi nɛ a he wa a, a he yayami ɔmɛ ma kpata mɛ nitsɛmɛ a hɛ mi kaa bɔ nɛ la nɛ sɛ sulii sãã nga a. Nɔ́ nɛ ɔ, nɔ ko nɔ ko be nyɛe maa tsi nya.

Yesaya 55:3

“Ye ma, nyɛ ta tue, nɛ nyɛɛ ba ye ngɔ; nyɛɛ ba ye ngɔ, konɛ nyɛ yi nɛ na wami. I kɛ nyɛ maa so somi ko nɛ maa hi si kɛ maa ya neneene; nɛ gbaami nɛ i wo David si ke ma ha e nina a, ma kɛ ha nyɛ.

Yesaya 55:6

Be mi nɛ Yawɛ he kɛ we nɛ ɔ, nyɛ hla e se blɔ nɛ nyɛɛ fa kue ha lɛ.

Yeremia 38:20

I de lɛ ke, “Dɛbi, a be mo ngɔe kɛ wo a dɛ. I kpa mo pɛɛ nɛ o bu Yawɛ sɛ gbi nɛ i kɛ ha mo nɛ ɔ tue. Ke o pee ja a, e maa hi ha mo, nɛ o yi ma na wami.

Yeremia 4:4

Somi nɛ nyɛɛ kɛ imi Yawɛ, nyɛ so ɔ, nyɛɛ ye nɔ, nɛ nyɛɛ ngɔ nyɛ he kɛ ha mi, nyɛ Yuda ma, kɛ Yerusalem bi. Ke nyɛ pee we ja a, ye mi mi ma fu nyɛ ngɛ nyɛ ní yayami ɔmɛ a he. Nɛ ke ye mi mi fu ɔ, nɔ ko be nyɛe maa jɔɔ he.”

Yeremia 7:20

Lɔ ɔ he ɔ, imi Nyɔmtsɛ Yawɛ, ma plɛ ye mi mi fumi nɛ nya wa kaa la nɛ ngɛ tsoe plamplam nɛ hí gbemi ɔ kɛ pue we nɛ ɔ nɔ. Ye mi mi ma fu nimli, lohwehi, tsohi, kɛ ngmɔ niba ní tsuo.

Ezekiel 21:3

imi Yawɛ, nɔ́ nɛ i ngɛ dee ji i kɛ mo ná. Ma hia ye klaate kɛ je e kpo ɔ mi, nɛ ma kpata nɔ tsuaa nɔ hɛ mi, dalɔ jio, yayami peelɔ jio.

Ezekiel 33:11

De mɛ ke imi Nyɔmtsɛ Yawɛ, i ngɛ ye he kita kae ke i na we yayami peelɔ gbenɔ he bua jɔmi, se mohu i suɔ kaa e kpa yayami peemi, konɛ e yi nɛ na wami. Israel, nyɛ kpa yayami nɛ nyɛ ngɛ pee ɔ. Mɛni he je nyɛ suɔ mohu kaa nyɛ ma gbo ɔ?

Ezekiel 37:19

de ke, imi Nyɔmtsɛ Yawɛ, ma ngɔ tso ɔ nɛ daa si ha Israel ɔ, kɛ nɔ́ nɛ daa si ha Yuda a kɛ bla. Ma ngɔ tso enyɔ nɛ ɔmɛ ngɔ pee tso kake ngɛ ye dɛ mi.

Amos 3:14

Ligbi ɔ nɛ ma gbla Israel tue ngɛ a yayami ɔmɛ a he ɔ, ma ywia bɔ sami la tɛ ɔmɛ ngɛ Betel ma a mi. Bɔ sami la tɛ ɔmɛ a he koli ɔmɛ nɛ a saa we ngɛ a he ɔ, ma ku mɛ tsuo ngɔ pue si.

Amos 5:14

Nyɛɛ pee nɔ́ kpakpa, se pi nɔ́ yayami, konɛ nyɛ yi nɛ na wami. Ke nyɛ pee ja a, Yawɛ Tabohiatsɛ Mawu ɔ kɛ nyɛ maa hi si saminya kaa bɔ nɛ nyɛ deɔ daa ke e kɛ nyɛ ngɛ ɔ.

Amos 5:4

Bɔ nɛ Yawɛ ngɛ Israel ma a dee ji nɛ ɔ nɛ: “Nyɛɛ kpale kɛ ba nɛ nyɛ ba pee ye ma ekohu, konɛ nyɛ yi nɛ na wami.

Amos 6:6

Nyɛ nuɔ dã bami ngɛ tsimi agboagbohi a mi, nɛ nyɛ kpaa nu je via kpakpahi. Se nyɛ yi kɔmɔ kaa a ma kpata Israel hɛ mi.

Zefania 2:3

Nyɛ nihi tsuo nɛ nyɛ ngɛ je ɔ mi, nɛ nyɛ baa nyɛ he si, nɛ nyɛ yeɔ Yawɛ mlaa amɛ a nɔ, nyɛ hla e se blɔ. Nyɛɛ pee nɔ́ nɛ da, nɛ nyɛɛ ba nyɛ he si; alini, ligbi ɔ nɛ Yawɛ mi mi ma fu wawɛɛ, nɛ e maa gbla nihi a tue ɔ, nyɛɛ lɛɛ a maa laa nyɛ nɔ.

Zakaria 10:6

“Ma wo Yuda ma a he wami; ma he Yosef we ɔ yi wami. Ma na mɛ mɔbɔ, nɛ ma kpale mɛ tsuo kɛ ba we ekohu. A maa pee kaa nihi nɛ i kua we mɛ hyɛ. Imi ji Yawɛ, a Mawu ɔ nɛ; ma he a kue fami ɔ nɔ.

Mose V, 32:22

Ye mi mi fumi nya maa wa wawɛɛ kaa la nɛ ngɛ tsoe; e maa sã nɔ́ tsuaa nɔ́ ngɛ je ɔ mi kɛ ya su gbeje tɔɔ; e maa sã yo ɔmɛ a sisi tomi ɔmɛ hulɔ.

Mose V, 4:24

Ejakaa Yawɛ, nyɛ Mawu ɔ ngɛ kaa la nɛ ngɛ tsoe plamplam; a kɛ lɛ plee we nɔ́ he.

Yoshua 18:5

A ma gba zugba a mi kpaago; Yuda nɛ hi e huzu ɔ nɔ ngɛ leneyi je, nɛ Yosef we ɔ hu nɛ hi e huzu ɔ nɔ ngɛ omleyi je.