Amos 5:5 - BAIBLO ALOO NGMAMI KLƆUKLƆU Ɔ

⁵ Nyɛ ko ya ja mi ngɛ Beersheba hu. Nyɛ ko ya hla mi ngɛ Betel hu, ejakaa Betel maa pee ma doku, kɛ mumi yayamihi a hi he. Nyɛ ko ya Gilgal, ejakaa a maa nuu Gilgal ma mi bi ɔmɛ nyɔguɛ kɛ je.

Amos 5:5 ပူးပေါင်းရင်းမြစ်များ

Mose I, 21:31

Enɛ ɔ he nɛ a wo lejɛ ɔ biɛ ke Beersheba a nɛ, ejakaa lejɛ ɔ ji he nɛ mɛ ni enyɔ ɔmɛ ka a he kita ngɛ.

Mose I, 21:33

Enɛ ɔ se ɔ, Abraham du tso ngua ko ngɛ Beersheba, nɛ e ja Yawɛ Mawu nɛ ngɛ daa a ngɛ lejɛ ɔ.

Mose I, 26:23

Isak je lejɛ ɔ kɛ ho Beersheba ya.

Mose I, 26:33

Isak wo vu ɔ biɛ ke “Sheba.” Bɔ nɛ ba nɛ Beersheba ma a na e biɛ ji nɛ ɔ nɛ.

Matsɛmɛ I, 12:28

Matsɛ Yeroboam susu nɔ́ nɛ ɔ he saminya. Lɔ ɔ se ɔ, e kɛ sika tsu puɛ na bi enyɔ, nɛ e de ma a ke, “Bɔ nɛ nyɛ nyɛɛ kɛ ya Yerusalem ɔ ba hiɛ! Israel ma, nyɛ mawu ɔmɛ nɛ je nyɛ kɛ je Egipt zugba a nɔ ɔ, mɛ ji nɛ ɔmɛ nɛ!”

Matsɛmɛ I, 12:29

Yeroboam ngɔ sika tsu na bi kake ya ma Betel, nɛ e ngɔ kake hu ya ma Dan.

Matsɛmɛ II, 23:8

E ya ngɔ osɔfo ɔmɛ tsuo kɛ je Yuda ma amɛ a mi kɛ ba Yerusalem, nɛ a ba ble jami he ɔmɛ, hehi nɛ a sãã tsopa kɛ e he via ngɛ ɔ, kɛ je Geba kɛ ya si Beersheba. Jehanɛ, e gbɛ jami hehi nɛ ngɛ Yoshua nɛ ye amlaalo ngɛ Yerusalem ɔ e we ɔ agbo ɔ nya a.

Hiob 8:22

Ni nɛmɛ nɛ nyɛɛ mo ɔ, zo maa gbe mɛ; yiwutsotsɛmɛ ɔmɛ a wehi maa laa.

La 33:10

Ke je ma amɛ so kikɛ nɛ ɔ, Yawɛ tsakeɔ a yi mi tomi ɔmɛ, nɛ a nyɛ we nɛ a kɛ tsuɔ ní.

Yesaya 29:20

Yiwutsotsɛmɛ, nihi nɛ bui Mawu, kɛ yayami peeli tsuo a hɛ mi ma kpata.

Yesaya 8:10

Nyɛɛ to nyɛ ga amɛ! Se a maa pee yaka. Nyɛ de nɔ́ tsuaa nɔ́ nɛ nyɛ suɔ! Se enɛ ɔmɛ tsuo maa pee yaka, ejakaa Mawu kɛ wɔ ngɛ.

Yeremia 48:13

Jamɛ a be ɔ mi loko Moab bi ɔmɛ a hɛ mi ma pue si kaa bɔ nɛ Israel bi ɔmɛ hu a hɛ mi pue si be ko ɔ. A ma kpa si kaa mamoo a mawu Kemosh ɔ be he wami ko kaa Israel bi ɔmɛ hu a mawu Betel ɔ nɛ a ngɔ a hɛ ngɔ fɔ e nɔ ɔ.

Hosea 10:8

Wɔ piɛhi nɛ ngɛ Aven yoku ɔ nɔ, he nɛ Israel ma a ya jaa amaga amɛ ngɛ ɔ, a ma kpata a hɛ mi. Mio tso, kɛ hu maa bɔ kɛ pue a bɔ sami la tɛ ɔmɛ a nɔ. Nɛ Israel bi ma kpa ngmlaa ma de yo gagaa amɛ ke, “Nyɛ ba ha wa nɔ!” nɛ a ma de yoku ɔmɛ ke, “Nyɛ ba nɔ wa nɔ!”

Hosea 12:11

Se kɛ̃, a ngɛ yayami pee kɛ mwɔɔ; a jaa amaga ngɛ Gilead, nɛ a kɛ na ku sãã bɔ ngɛ Gilgal. Lɔ ɔ he ɔ, ma kpata a hɛ mi; bɔ sami la tɛ ɔmɛ hu maa ywia, nɛ tɛ ɔmɛ ma pue si glekuu glekuu ngɛ ngmɔ ɔmɛ a mi.”

Hosea 4:15

“Israel, nyɛ yi mi anɔkuale; nyɛɛ hyɛ nɛ hi nɛ Yuda ko ba pee kaa nyɛ. Nyɛ ko ya ja Mawu ngɛ Gilgal, loo Betaven; nɛ nyɛ kó ka kita ngɛ Yawɛ, Mawu hɛ kalɔ ɔ biɛ mi hulɔ.

Hosea 9:15

Yawɛ ke, “Israel ma a je a yayami peemi ɔ tsuo sisi ngɛ Gilgal, nɛ lejɛ ɔ a he bɔni mi tai peemi kɛ je. Yi wu tso níhi nɛ a pee ɔ a he ɔ, ma fie mɛ kɛ je zugba a nɔ. I be mɛ suɔe hu; Israel ma nimeli ɔmɛ tsuo tsɔ ye hɛ mi atuã.

Amos 1:5

Gbogbo nɛ a fia kɛ bɔle Damasko ma a, agbohi nɛ a je ngɛ mi ɔ, ma ywia mɛ. Ma gbe nihi nɛ ngɛ Aven kɔ̃ ɔ mi, kɛ Beteden ma nɔ yelɔ ɔ. A maa nuu Siria bi ɔmɛ nyɔguɛ kɛ ya Kir zugba a nɔ.” Yawɛ lɛ de.

Amos 3:14

Ligbi ɔ nɛ ma gbla Israel tue ngɛ a yayami ɔmɛ a he ɔ, ma ywia bɔ sami la tɛ ɔmɛ ngɛ Betel ma a mi. Bɔ sami la tɛ ɔmɛ a he koli ɔmɛ nɛ a saa we ngɛ a he ɔ, ma ku mɛ tsuo ngɔ pue si.

Amos 4:4

Yawɛ Tabohiatsɛ ɔ ke, “Nyɛ Israel ma, nyɛ suɔ kaa nyɛ ba ja Mawu ngɛ Betel, nɛ ke nyɛ ba a, nyɛ ba peeɔ yayami! Nyɛ suɔ kaa nyɛ ya ja Mawu ngɛ Gilgal, nɛ ke nyɛ ya lejɛ ɔ, nyɛ ya peeɔ yayamihi babauu kɛ piɛɔ he! Ke nyɛ ngɔ lohwehi kɛ ma bɔ sami daa mɔtu ɔ, nyɛ peeɔ yayami! Daa ligbi etɛ, ke nyɛ ngɔ nyɛ níhi a mi dlami nyɔngmanyɔngma mi kakaaka kɛ ma a, nyɛ peeɔ yayami!

Amos 7:10

Osɔfo ko nɛ a tsɛɛ lɛ Amazia hi Mawu we ɔ ngɛ Betel. Ligbi ko ɔ, e tsɔ ya de Israel matsɛ, Yeroboam ke, “Amos ngɛ yi mi yaya toe kɛ wo o he ngɛ mo nitsɛ o nɔ yemi he ɔ. Munyuhi nɛ e ngɛ tue ɔ ma ha nɛ ma mi bi ɔmɛ maa te si kɛ wo mo, a matsɛ ɔ. Ke e ba mi ja a, kɛkɛ pe ma a ywia a nɛ.

Amos 7:13

Se Betel ma nɛ ɔ mi lɛɛ o be hie nɛ o kɛ gba hu gblegbleegble. Ejakaa hiɛmɛ nɛ ɔ lɛ matsɛ ɔ jaa Mawu ngɛ; hiɛmɛ nɛ ɔ ji ma a tsuo a jami he klɔuklɔu.”

Amos 7:17

Enɛ ɔ he je ɔ, Amazia, Yawɛ ngɛ mo dee ke, ‘O bimɛ ma gbo ngɛ ta nga nɔ. He nyɛli ma ba ngɔ o ma a, nɛ o zugba a maa pee ni kpahi a nɔ nɛ a maa dla. O yo maa bɔ ajuama ngɛ ma a mi, nɛ mo nitsɛ lɛɛ a maa ngɔ mo kɛ ho, nɛ o ma ya gbo ngɛ ma se. A maa nuu Israel bi ɔmɛ nyɔguɛ kɛ maa ho.’ ”

Amos 7:9

A ma kpata hehi tsuo nɛ Isak nina a jaa mi ngɛ ɔ a hɛ mi. Israel he klɔuklɔu ɔmɛ maa pee kaa kuku nɔ, nɛ ma ha nɛ Yeroboam matsɛ yemi ɔ se maa po.”

Amos 8:14

Nimli nɛ ɔmɛ maa nɔ si, nɛ a be si tee hu gblegbleegble. Ejakaa a jaa mawuhi nɛ ngɛ Samaria, Dan, kɛ Beersheba a, nɛ a kɛ a biɛhi kaa kita.”

1 Korintobi 1:28

E hla níhi nɛ je ɔ bui, níhi nɛ a hiee, kɛ níhi nɛ pi nɔ́ ko kulaa a, konɛ e kɛ gbe níhi nɛ je ɔ buu saminya a a he guɛ.

1 Korintobi 2:6

Se ni nɛmɛ nɛ wa ngɛ mumi mi ɔ, i fiɛɔ nile sɛ gbi ko kɛ̃ kɛ haa mɛ; pi nile nɛ adesa tsɔɔ, nɛ pi je nɛ ɔ mi nɔ yeli a nɔ́. Mɛɛ lɛɛ a maa be kɛ ho.

Mose V, 28:41

Nyɛ ma fɔ binyumuhi kɛ yihi lɛɛ, se a be nyɛ bimɛ pee; ejakaa a maa nuu mɛ nyɔguɛ ngɛ ta mi kɛ je.

Yoshua 5:9

Lɔ ɔ se ɔ, Yawɛ de Yoshua ke, “Mwɔnɛ ɔ, i jé Egipt nyɔguɛ peemi zo ɔ kɛ je nyɛ nɔ.” Lɔ ɔ he ɔ, a wo lejɛ ɔ biɛ ke Gilgal, nɛ jã nɛ a tsɛɛ lejɛ ɔ kɛ ba si mwɔnɛ ɔ.

Kpojemi 18:17

Nɛ ngmlɛfia kake too mi ɔ, ní babauu nɛ e na a tsuo bɔ lɛ!” Lɛ kudɔɔtsɛmɛ ɔmɛ, nihi nɛ sɛ lɛ kɛ yaa he, lɛ mi bi, kɛ nihi nɛ yeɔ jua ngɛ wo nɔ tsuo ya da se lokoo.

Samuel I, 11:14

Enɛ ɔ se ɔ, Samuel de ma a ke, “Nyɛ ha waa ya Gilgal nɛ wa ya ma matsɛ yemi ɔ nɔ mi ngɛ lejɛ ɔ.”

Samuel I, 7:16

Daa jeha a, e kpaa si kɛ yaa Betel, Gilgal, kɛ Mizpa ya hyɛɛ sanehi a mi ngɛ lejɛ ɔmɛ.

Samuel I, 8:2

nɛ a kojo ngɛ Beersheba. E bitɛte ɔ biɛ ji Yoel, nɛ e binyumu enyɔne ɔ biɛ ji Abiya.